ວັນທີ14ກຸມພານີ້ແມ່ນບຸນກຸດຈີນ2010. ປັດຈຸບັນນີ້, ມວນຊົນຢູ່ແຫ່ງຕ່າງໆຂອງຈີນກຳລັງສະຫຼອງບຸນກຸດຈີນດ້ວຍຮູບການຕ່າງໆ. ຕໍ່ໄປເຊີນຟັງລາຍບົດແຈ້ງຂ່າວອັນລະອຽດ.ບຸນວັດໃນຍາມບຸນກຸດຈີນທີ່ຈັດຂຶ້ນຢູ່ປັກກິ່ງປີລະເທື່ອມີຮູບການໃໝ່. ໃນ ສວນສະໜຸກຊີຈີງຊານທີ່ພາກຕາກຕາເວັນຕົກປັກກິ່ງຈັດບຸນວັດແບບຕາເວັນຕົກ, ເຊີນເພື່ອນມິດຕ່າງປະເທດມາຫຼິ້ນບຸນກຸດຈີນຮ່ວມກັບປະຊາຊົນຈີນ. ນາງຈາງລີງຮອງຜູ້ອຳນວຍການໃຫຍ່ຂອງສວນສະໜຸກຊີຈີງຊານປັກກິ່ງກ່າວວ່າ:
"ບຸນວັດແບບຕາເວັນຕົກທີ່ຈັດຂຶ້ນໃນສວນສະໜຸກຊີຈີງຊານປີນີ້, ຈຸດຮຸ່ງແມ່ນໂລກນິທານເດັກນ້ອຍ, ຄວາມລັກສະນະເອີລົບ, ຄວາມລັກສະນະຕ່າງປະເທດ, ເຂດຫົວຂໍ້ຫຼັກກໍ່ສ້າງໃໝ່ສອງເຂດທີ່ມີຫົວຂໍ້ຫຼັກປ້ອມຂອງເສົາຊິນເຕີຣີໂລນແລະຂົວລອນດອນ, ສະແດງໃຫ້ເຫັນໂລກນິທານເດັກນ້ອຍ, ຄວາມລັກສະນະຕ່າງປະເທດ, ໃຫ້ປະຊາຊົນຈີນບໍ່ອອກປະເທດກໍ່ມີຄວາມຮູ້ສຶກເຖິງໂລກຕາເວັນຕົກ, ໃຫ້ເພື່ອນມິດຕ່າງປະເທດຫຼິ້ນບຸນກຸດຈີນຢູ່ປັກກິ່ງມີຄວາມຮູ້ສຶກເຖິງຄວາມລັກສະນະບ້ານເກີດເມືອງນອນຂອງປະເທດຕ່າງໆ".
ຢູ່ພູພຽງຕິເບດ, ຍ້ອນວ່າມື້ຂຶ້ນປີໃໝ່ປີ2010ຕາມປະຕິທິນກໍ່ແມ່ນບຸນປີໃໝ່ຕາມປະຕິທິນຕິເບດ, ສອງບຸນໃນມື້ດຽວກັນພາໃຫ້ມີບັນຍາກາດຟົດຟື້ນພິເສດ. ບຸນປີໃໝ່ຕາມປະຕິທິນຕິເບດແມ່ນບຸນປະເພນີທີ່ໃຫຍ່ກວ່າໝູ່ແລະຄຶກຄື້ນກວ່າໝູ່ໃນເຂດປົກຄອງຕົນເອງຕິເບດ, ຕອນຮຸ່ງເຊົ້າຂອງບຸນປີໃໝ່, ສຽງຮ້ອງເພງອວຍພອນຫຼື"ເຈີກາ"ຂອງໝໍລຳໄດ້ເປີດສາກຂອງບຸນປີໃໝ່ຕິເບດ.
"ເຈີກາ"ແມ່ນຮູບການຂອງສີລະປະການປາກເວົ້າຂອງສີລະປິນພື້ນເມືອງຕິເບດ. ບຸນປີໃໝ່ໄດ້ມາຮອດ, ສຽງ"ເຈີກາ"ໄດ້ສົ່ງຄວາມສິລິມຸນຄຸນແລະຄວາມມ່ວນຊື່ນໃຫ້ທຸກຄອບຄົວ. ໃນຂະນະນີ້, ທຸກຄອບຄົວກໍ່ເປີດປະຕູ, ເຊີນສີລະປິນເຂົ້າບ້ານ, ສົ່ງແພຫາຕາ, ເອົາເຫຼົ້າເອົາອາຫານຮັບຕ້ອນ, ເໝືອນກັບຄວາມປາຖະໜາໃໝ່ໃນປີໃໝ່ກໍ່ຈະປາກົດເປັນຈິງຕາມສຽງ"ເຈີກາ".
ຢູ່ເຂດປະສົບໄພແຜ່ນດິນໄຫວແຂວງເສສວນທີ່ໜັກໜ່ວງໃນເດືອນພຶດສະພາປີ2008, ປະຊາຊົນໄດ້ຕ້ອນຮັບບຸນກຸດຈີນປີທີສອງຫຼັງຈາກແຜ່ນດິນໄຫວ. ປະຈຸບັນ, ໂຄງການພົນລະເຮືອນຈຳນວນໜຶ່ງໃນວຽກງານສ້າງສາຄືນໃໝ່ຂອງເຂດປະສົບໄພດໄດ້ສຳເລັດລົງແລ້ວ, ໂຄງການສົມທົບອື່ນໆກໍ່ພວມດຳເນີນຢູ່ຢ່າງສະດວກ.
ລຸງຊຽນທ່ຽນຊວນມີອາຍຸ50ປີແລ້ວຢູ່ບ້ານເພີງຮວ່າຕາແສງຈຸ່ນຕ້າວນະຄອນມຽນຈູ, ກ່ອນໄພແຜ່ນດິນໄຫວ, ໃນເຮືອນເອງລຸງກໍ່ໄດ້ເຮັດທຸລະກິດເປັນເຮືອນພັກສຳລັບນັກທ່ອງທ່ຽວ, ສະໜອງການບໍລິການພັກຜ່ອນ, ການກິນ,ແລະອື່ນໆໃຫ້ນັກທ່ອງທ່ຽວ, ໄດ້ຜົນກຳໄລດີ. ແຕ່ໃນແຜ່ນດິນໄຫວ, ເຮືອນຂອງເພິ່ນໄດ້ເພພັງລົງໝົດ. ຍ້ອນລັດຖະບານຈີນໄດ້ຈັດຕັ້ງການສ້າງສາຄືນໃໝ່ຢ່າງວ່ອງໄວ, ໃນຕົ້ນປີ2009, ລຸງຊຽນທ່ຽນຊວນໄດ້ຍ້າຍເຂົ້າໃນເຮືອນໃໝ່. ພາຍໃຕ້ການຊ່ອຍເຫຼືອຈາກດ້ານຕ່າງໆ, ລຸງຊຽນທ່ຽນຊວນບໍ່ໄດ້ເສຍຄວາມຫວັງ, ແລະໄດ້ເປີດເຮືອນພັກສຳລັບນັກທ່ອງທ່ຽວຄືນໃໝ່, ແລະມີຄວາມຄອງຄອຍຢ່າງເຕັມສ່ວນຕໍ່ຊີວິດ. ລຸງເວົ້າວ່າ,
ຄົນທັງຫຼາຍລ້ວນແຕ່ມີຄວາມເບີກບານມ່ວນຊື່ນ, ໝົດຄອບຄົວເຕົ້າໂຮມກັນເພື່ອຫຼິ້ນບຸນກຸດຈີນ, ລຸງຮູ້ສຶກດີໃຈຫຼາຍ. ຄວາມປາຖະໜາຂອງລຸງກໍ່ແມ່ນ, ປີເກົ່າຜ່ານໄປແລ້ວ, ໃນປີໃໝ່, ຈະພະຍາຍາມຫຼາຍກວ່າເກົ່າ, ເຮັດທຸລະກິດໃຫ້ດີ.
ລຸງເວົ້າວ່າ, ຄຽງຄູ່ກັບວຽກງານສ້າງສາຄືນໃໝ່ດຳເນີນໄປເປັນຢ່າງດີ, ປະຊາຊົນຢູ່ເຂດປະສົບໄພກໍ່ໄດ້ຍ້າຍກັບຄືນສູ່ເຮືອນຢູ່ຖາວອນທີ່ສ້າງຂຶ້ນໃໝ່, ເງື່ອນໄຂແລະສິ່ງແວດລ້ອມກໍ່ດີກວ່າເກົ່າ, ຄົນໃນເມືອງທີ່ມາທ່ຽວຫຼິ້ນຢູ່ຊົນນະບົດກໍ່ນັບມື້ນັບຫຼາຍຂຶ້ນ, ທຸລະກິດຂອງຕົນກໍ່ດີກວ່າເກົ່າແລ້ວ. ລຸງຫວັງວ່າ, ພາຍໃຕ້ຄວາມພະຍາຍາມຂອງຕົນ, ຊີວິດການເປັນຢູ່ກໍ່ຈະດີຂຶ້ນຄູ່ປີ.
