ປະຊາຊົນຢູ່ແຫ່ງຕ່າງໆຂອງຈີນພວມຫຼິ້ນບຸນກຸດຈີນ ບຸນປະເພນີສຳຄັນທີ່ສຸດຂອງຈີນຢ່າງເບີກບານມ່ວນຊື່ນ, ຮ້ານຄ້າໃຫຍ່ຕ່າງໆແລະເຂດຖະໜົນການຄ້າໄດ້ປະດັບປະດາເພື່ອສ້າງບັນຍາກາດມື້ບຸນ. ໃນຍາມບຸນກຸດຈີນ, ຮ້ານສັບພະສິນຄ້າ, ຮ້ານຊູເປີມາເກັດ, ຮ້ານຂາຍອາຫານແລະຂອງຂວັນຢູ່ແຫ່ງຕ່າງໆຂອງຈີນມີການສະໜອງສິນຄ້າຢ່າງພຽງພໍ, ແລະມີລູກຄ້າຢ່າງຫຼວງຫຼາຍ.
ໃນໄລຍະບຸນກຸດຈີນ, ຢູ່ຮ້ານຊູເປີມາເກັດແລະຮ້ານຄ້າຕ່າງໆຂອງນະຄອນຫຼວງປັກກິ່ງ, ຈຳນວນລູກຄ້າທີ່ຊື້ເຄື່ອງເພື່ອຫຼິ້ນບຸນກໍ່ຫຼາຍຂຶ້ນຢ່າງພົ້ນເດັ່ນ, ລໍ້ຊື້ເຄື່ອງຕ່າງໆກໍ່ເຕັມໄປດ້ວຍສິນຄ້າ. ທ່ານວາງເຈິ້ນຈ່ຽງ, ຜູ້ອຳນວຍການປະຊາສຳພັນຂອງຮ້ານຄາໂຣຟົດເຂດຊືຈິງສ່ານປັກກິ່ງບອກໃຫ້ຮູ້ວ່າ, ຍ້ອນວ່າໄດ້ກະກຽງພຽງພໍ, ຈະບໍ່ຂາດເຂີນການສະໜອງສິນຄ້າ. ລາວເວົ້າວ່າ,ໃນໄລຍະມໍ່ໆມານີ້, ກຳລັງຊື້ສິນຄ້າຂອງລູກຄ້າເພີ່ມຂຶ້ນ, ເມື່ອທຽບກັບຍາມທຳມະດາແລ້ວ, ໄດ້ເພີ່ມຂຶ້ນ30ຫາ40%. ແຕ່ພວກເຮົາໄດ້ເລັ່ງລັດການກະກຽມສິນຄ້າໃນໜຶ່ງເດືອນລ່ວງໜ້າ, ໄດ້ເຊົ່າສາງໄວ້ສິນຄ້າຢູ່ບ່ອນໃກ້, ສະນັ້ນພວກເຮົາສາມາດຮັບປະກັນໃຫ້ລູກຄ້າຈະເລືອກຊື້ໄດ້ສິນຄ້າຕາມໃຈມັກໃນຍາມບຸນ.
ໃນຍາມບຸນ, ຢູ່ຊົນນະບົດຈີນມີປະເພນີຈັດຕະຫຼາດນັດ. ຫວ່າງມໍ່ໆນີ້, ຢູ່ຊົນນະບົດຂອງແຂວງເຫີ່ຍລົງຈ່ຽງ, ແຂວງເຮີເປ, ຕະຫຼາດນັດຊົນນະບົດກໍ່ກາຍເປັນບ່ອນທີ່ຄົນເຕົ້າໂຮມກັນຢ່າງຫຼວງຫຼາຍ, ໃນຕະຫຼາດນອກຈາກມີຂອງກິນ, ເຄື່ອງໃຊ້ແລ້ວ, ໂຄມໄຟ, ຄະຕິຄູ່ແບບດັ້ງເດີມກໍ່ມີບໍ່ໜ້ອຍ. ຊາວກະສິກອນເລາະຕະຫຼາດແບບດັ້ງເດີມແລ້ວ, ຍັງຈະໄປເລາະຮ້ານຊູເປີມາເກັດຊົນນະບົດ. ເພື່ອບໍ່ໃຫ້ຂາດເຂີນການສະໜອງສິນຄ້າ, ລະບົບການຈຳໜ່າຍຢູ່ແຂວງຈ່ຽງຊີ່ແລະເຂດກວາງຊີໄດ້ສົ່ງຄົນໄປເອົາສິນຄ້າຢູ່ໂຮງງານຜະລິດໂດຍກົງ. ຜູ້ຮັບຜິດຊອບຮ້ານຊູເປີມາເກັດຊົນນະບົດແຫ່ງໜຶ່ງຢູ່ຕາແສງລຽນທາງນະຄອນນານຊ່າງແຂວງຈ່ຽງຊີ່ເວົ້າວ່າ,
"（ເພື່ອຮັບປະກັນການສະໜອງ）, ປັດຈຸບັນນີ້ການເອົາສິນຄ້າຈາກສາງມາໄວ້ຢູ່ຕູ້ສິນຄ້າພວກເຮົາຈາກ1ເທື່ອຕໍ່ນີ້ໃນເມື່ອກ່ອນເພີ່ມຂຶ້ນເປັນສອງຫຼືສາມເທື່ອຕໍ່ມື້".
ສິ່ງທີ່ເອົາໃຈໃສ່ໃນການຫຼິ້ນບຸນກຸດຈີນຂອງຄົນຈີນແມ່ນຖ່າຍສິ່ງເກົ່າໃຊ້ສິ່ງໃໝ່. ສະນັ້ນ, ນອກຈາກການຊື້ສິນຄ້າສຳລັບຫຼິ້ນປີໃໝ່, ຜູ້ເຖົ້າແລະເດັກນ້ອຍກໍ່ຈະໄປເລາະຮ້ານຄ້າ, ເລືອກເສື້ອແລະເກີບໝວກໃໝ່ທີ່ນິຍົມ. ຍັງມີຫຼາຍຄົນຈະໄປເລາະຮ້ານຂາຍເຄື່ອງໃຊ້ໄຟຟ້າໂດຍຈຳເພາະ, ຊື້ເຄື່ອງໃຊ້ໄຟຟ້າໃໝ່ໃຫ້ຄອບຄົວ, ທ່ານລຽງຊູນກວາງໂຈວກໍ່ແມ່ນຜູ້ໜຶ່ງ. ທ່ານລຽງເວົ້າວ່າ: ຮ້ານຂາຍເຄື່ອງໃຊ້ໄຟຟ້າຫຼາຍແຫ່ງກໍ່ໃຫ້ພິເສດກ່ອນບຸນກຸດຈີນ, ໃນໄລຍະນີ້ຊື້ເຄື່ອງໃຊ້ໄຟຟ້າທັງລາຄາຖືກແລະເພີ່ມຕື່ມມ່ວນຊື່ນ.
"ໃນຍາມບຸນກຸດຈີນ, ລາຄາຂອງເຄື່ອງໃຊ້ໄຟຟ້າຖືກກ່ວາຍາມທຳມະດາໜ້ອຍໜຶ່ງ, ປະເພດກໍ່ຫຼາຍ."
ການຊື້ສິນຄ້າທາງອິນເຕີເນັດທີ່ນັບມື້ນັບຟົດຟື້ນຂຶ້ນກໍ່ກຳລັງປ່ຽນແປງຄວາມຊິນເຄີຍການບໍລິໂພກຂອງຄົນຈີນ, ຕາມສະຖິຕິ: ການຊື້ສິນຄ້າທາງອິນເຕີເນັດໄດ້ກາຍເປັນຊ່ອງທາງບູລິມະສິດໃນການຊື້ສິນຄ້າປີໃໝ່ຂອງຫຼາຍຄົນ. ນາງຮວງຈຽຍພະນັກງານຂອງພາກສ່ວນປະຊາສຳພັນຂອງເວັບໄຊຖາວບາວເຊິ່ງເປັນອິນເຕີເນັດຊື້ຂາຍສິນຄ້າໃຫຍ່ທີ່ສຸດຂອງຈີນກ່າວວ່າ: ໃນຍາມບຸນກຸດຈີນປະລິມານຊື້ຂາຍຂອງເວັບໄຊຖາວບາວໄດ້ເພີ່ມຂຶ້ນຫຼາຍ, ສິນຄ້າສ່ວນຫຼາຍແມ່ນກ່ຽວກັບບຸນກຸດຈີນ.
"（ໃນບຸນກຸດຈີນ）ສິນຄ້າສ່ວນຫຼາຍທີ່ຊື້ຂາຍຢູ່ເວັບໄຊຕາວບາວແມ່ນອາຫານ, ເຄື່ອງໃຊ້ໄຟຟ້ານ້ອຍ, ຂອງຂວັນ, ເຄື່ອງປະດັບປະດາປີໃໝ່ແລະອື່ນໆ, ໃນປະເພດອາຫານ, ລວມມີອາຫານກິນຫຼິ້ນຂອງແຫ່ງຕ່າງໆແລະມີຍີ່ຫໍ້ເດີມກໍ່ຂາຍດີຫຼາຍ "
