ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ່ຟັງທີ່ໂຄລົບ,ໃນຫວ່າງມໍ່ໆມານີ້ເຫດການລົດຍົນໂຕໂຢຕາທີ່ມີບັນຫາ ກ່ຽວ ກັບຄັນເລັ່ງຄ້າງກະທັນຫັນທີ່ເກີດຂຶ້ນມາເປັນຫຼາຍວັນນັ້ນ ໄດ້ເພີ່ມຄວາມຮຸນແຮງຕື່ມອີກ. ວັນທີ 23 ກຸມພານີ້ຕາມເວລາທ້ອງຖິ່ນ,ທ່ານຈິມ ເລັດສ໌, ປະທານຝ່າຍຂາຍຂອງໂຕໂຢຕາໃນອາເມລິກາ ໄດ້ຮັບການສອບຖາມຈາກຄະນະກຳມາທິການພະລັງງານແລະການຄ້າຂອງສະພາຕ່ຳອາເມລິກາ. ວັນທີ 24 , ທ່ານອາກີໂອະ ໂຕໂຢດະ, ປະທານກຳມະການບໍລິຫານຂອງບໍລິສັດໂຕໂຢຕາຈະເຂົ້າຮ່ວມການຟັງຄຳໃຫ້ການທີ່ຄະນະກຳມາທິການກວດກາແລະປະຕິຮູບລັດຖະບານຂອງສະພາຕ່ຳອາເມລິກາ ແລະຮັບການສອບຖາມຈາກບັນດາສະມາຊິກ. ຫາງສຽງໂດຍທົ່ວໄປເຫັນວ່າ, ເວົ້າສຳລັບບໍລິສັດໂຕໂຢຕາແລ້ວ,ການຟັງຄຳໃຫ້ການຕ່າງໆ ຈະແມ່ນການທົດສອບທີ່ຫນັກຫນ່ວງເທື່ອຫນຶ່ງ, ນີ້ຈະຕັດສິນອະນາຄົດຂອງບໍລິສັດໂຕໂຢຕາຢູ່ອາເມລິກາ. ຕໍ່ໄປເຊີນທ່ານຟັງລາຍລະອຽດກ່ຽວກັບເລື່ອງນີ້:
ຈຸດສຸມໃນການຟັງຄຳໃຫ້ການທີ່ຈັດຂຶ້ນໃນວັນທີ 23 ກຸມພານີ້ ຕົ້ນຕໍ່ແມ່ນບັນຫາຄວາມປອດໄພ ຂອງລົດຍົນໂຕໂຢຕາ. ເມື່ອສັງເກດຈາກເນື້ອໃນຂອງການຟັງຄຳໃຫ້ການມື້ດຽວກັນແລ້ວເຫັນວ່າ, ການຟັງຄຳໃຫ້ການເທື່ອນີ້ສ່ວນຫຼາຍລົງເລິກຢູ່ໃນສອງບັນຫາ,ນັ້ນກໍ່ຄື: ອັນທີຫນຶ່ງແມ່ນບັນຫາທີ່ລົດຍົນຫຍີ່ຫໍ້ຫນຶ່ງຂອງບໍລິສັດໂຕໂຢຕາເພີ່ມຄວາມໄວຢ່າງກະທັນ ຫັນແມ່ນຍ້ອນລະບົບຄວບຄຸມເອເລັກໂຕຼນິກຫຼືບໍ່; ອັນທີສອງ ແມ່ນ:ບໍລິສັດນີ້ໄດ້ປິດບັງຂໍ້ບົກຜ່ອງຫຼືບໍ່? . ກ່ຽວກັບເລື່ອງນີ້,ບໍລິສັດໂຕໂຢຕາໄດ້ປະຕິເສດບໍ່ຍອມ ຮັບ.ໃນການຟັງຄຳໃຫ້ການເທື່ອນີ້, ທ່ານເຣ ລາຮູດ,ລັດຖະມົນຕີວ່າການກະຊວງຂົນສົ່ງຂອງອາເມລິກາ ຍັງຍຶດຫມັ້ນເຫັນວ່າ, ລະບົບຄວບຄຸມເອເລັກໂຕຼນິກທີ່ໄດ້ເຮັດໃຫ້ລົດຍົນເພີ່ມຄວາມໄວຢ່າງກະທັນຫັນນັ້ນ ອາດຈະມີບັນຫາທີ່ບໍ່ສາມາດປະຕິເສດໄດ້. ຄະນະກຳມາທິການພະລັງງານແລະການຄ້າຂອງສະພາຕ່ຳກໍ່ໄດ້ເຫັນດີໃນຄວາມຄິດພື້ນຖານໃນການຟັງຄຳໃຫ້ການທີ່ຈັດຂຶ້ນໃນມື້ດຽວກັນ, ແລະຕິຕຽນນຳບໍລິສັດໂຕໂຢຕາ ບໍ່ໄດ້ແຈ້ງຄວາມຈິງໃຫ້ປະຊາຊົນອາເມລິກາຊາບ,ແລ້ວເຮັດໃຫ້ຄົນອາເມລິກາເຫັນວ່າລົດຍົນໂຕໂຢຕາບໍ່ມີບັນຫາກ່ຽວກັບຄັນເລັ່ງ.
ເຖິງວ່າການຟັງຄຳໃຫ້ການທີ່ຈະຈັດຂຶ້ນໃນວັນທີ 24 ກຸມພານີ້ ບໍ່ໄດ້ຈັດຂຶ້ນຕາມເວລາກຳນົດກໍຕາມ, ແຕ່ຟັງຄຳໃຫ້ການປະກອບກັບເອກະສານທີ່ກ່ຽວຂ້ອງຂອງທ່ານ ອາກິໂອະ ໂຕໂຢດະ, ປະທານກຳມະການບໍລິຫານຂອງບໍລິສັດໂຕໂຢຕາ ໄດ້ຖືກວົງການພາຍນອກຮູ້ຫມົດຢ່າງຈະແຈ້ງແລ້ວ. ການຟັງຄຳໃຫ້ການປະກອບກັບເອກະສານທີ່ກ່ຽວຂ້ອງຂອງທ່ານ ລວມມີເນື້ອໃນ 3 ດ້ານ,ຄື: ກ່ອນອື່ນແມ່ນການຂໍໂທດໂດຍກ່າວວ່າ, ບໍລິສັດໂຕໂຢຕາຈະມີຄວາມຮັບຜິດຊອບຕໍ່ລົດຍົນທັງຫມົດທີ່ໄດ້ຂາຍອອກໃນປະຈຸບັນ; ອັນທີສອງແມ່ນ: ຈະວິເຄາະສາເຫດຂອງເຫດການຮຽກຄືນລົດຍົນເທື່ອນີ້. ທ່ານອາກິໂອະ ໂຕໂຢດະ ກ່າວວ່າ, ໃນຫຼາຍປີມໍ່ໆມານີ້, ບໍລິສັດນີ້ບໍ່ໄດ້ເອົາໃຈໃສ່ຄຳເຫັນຈາກຜູ່ໃຊ້ລົດຍົນຢ່າງຈິງຈັງແລະບໍ່ໄດ້ມີການກະທຳເພື່ອແກ້ໄຂ ເລື່ອງນີ້ໂດຍໄວ, ມີແຕ່ສົນໃຈນຳບັນຫາເຕັກນິກຢ່າງແຄບໆເທົ່ານັ້ນ,ແຕ່ຍັງບໍ່ໄດ້ພິຈາລະຈາຢ່າງຮອບດ້ານເຖິງບັນຫາທີ່ຄົນຂັບລົດຍົນໂຕໂຢຕາເປັນແນວໃດ. ໃນຕອນທ້າຍ,ທ່ານຍັງກ່າວເຖິງວ່າເຮັດແນວໃດເພື່ອຮັບປະກັນຄຸນນະພາບ, ເພື່ອຫຼີກເວັ້ນບໍ່ໃຫ້ເຫດການທີ່ຄ້າຍຄືກັນນີ້ ເກີດຂຶ້ນອີກ. ຟັງຄຳໃຫ້ການປະກອບກັບເອກະສານທີ່ກ່ຽວ ຂ້ອງສະບັບນີ້ ຍັງເປີດເຜີຍໃຫ້ຮູ້ວ່າ, ທ່ານ ອາກິໂອະ ໂຕໂຢດະຈະໃຫ້ຄຳຫມັ້ນສັນຍາວ່າ,ບໍລິສັດໂຕໂຢຕາຈະສ້າງຕັ້ງມາດຕະຖານໃຫມ່ບົນພື້ນຖານຄວາມເປີດເຜີຍແລະເວລາໃນການຕອບຮັບກ່ຽວກັບບັນຫາຄວາມປອດໄພຂອງລົດຍົນ, ຖືຄຸນຄ່າທີ່ເປັນພື້ນຖານຂອງຜູ່ໃຊ້ລົດຍົນແລະຂອງບໍລິສັດນີ້ ໄວ້ຢູ່ໃນຖານະທີ່ສຳຄັນອັນດັບຫນຶ່ງ.
ຫາງສຽງທົ່ວໄປເຫັນວ່າ, ໃນການຟັງຄຳໃຫ້ການທີ່ຈະຈັດຂຶ້ນໃນວັນທີ24 ກຸມພານີ້, ສິ່ງທີ່ທ່ານອາກິໂອະ ໂຕໂຢດະ ຈະປະເຊີນນັ້ນແມ່ນຫຼາຍບັນຫາທີ່ຊັດເຈນ, ການເຮັດແນວໃດຮັບມືກັບບັນຫາທີ່ຂ້ຽວຂາດເຫຼົ່ານີ້ເວົ້າສຳລັບທ່ານແລ້ວແມ່ນການທ້າທາຍເທື່ອຫນຶ່ງ . ຄວາມເວົ້າວ່າ, ທ່ານອາກິໂອະ ໂຕໂຢດະເອງຈະໄດ້ເຂົ້າຮ່ວມການຟັງຄຳໃຫ້ການ ແມ່ນຕ້ອງ ມີຄວາມກ້າຫານຈົມຄວນຈຶ່ງໄດ້, ແຕ່ພ້ອມນີ້ກໍ່ສະແດງໃຫ້ເຫັນຄວາມເອົາໃຈໃສ່ຂອງບໍລິສັດໂຕໂຢຕາທີ່ມີຢູ່ຕະຫຼາດຂອງອາເມລິກາ.
ແຕ່ວ່າ, ຄວາມເວົ້າແກ້ຕົວແລະການຂໍອະໄພຂອງທ່ານອາກິໂອະ ໂຕໂຢດະ ສາມາດຊ່ອຍກອບກູ້ສັດທາແລະຊື່ສຽງ ຂອງບໍລິສັດໂຕໂຢຕາໄດ້ ໃນລະດັບໃດຫນຶ່ງຫຼືບໍ່ນັ້ນ ຍັງຍາກທີ່ຈະຄາດເດົາໄດ້. ການສຳຫຼວດຫາງສຽງທີ່ຫນັງສືພິມວສຕຣີດ ເຈີໂນ ດຳເນີນໃນຫວ່າງມໍ່ໆມານີ້ ໄດ້ສະແດງໃຫ້ເຫັນວ່າ, 70%ຂອງຜູ່ຕອບຫັນວ່າ, ການອະທິບາຍຂອງທ່ານໂຕໂຢດະ ອາກິໂກບໍ່ໄດ້ຊ່ອຍກອບກູ້ບໍລິສັດໂຕໂຢຕາເລີຍ.ເຖິງວ່າຢູ່ອາເມລິກາກໍ່ມີສຽງຕອບໃນລັກສະນະທີ່ເຫັນໃຈບໍລິສັດໂຕໂຢຕາຢູ່ກໍຕາມ,ແຕ່ຄົນອາເມລິກາສ່ວນຫຼາຍຍັງລະແວງແຄງໃຈຕໍ່ ບໍລິສັດໂຕໂຢຕາ,ນີ້ອາດຄາດໄດ້ວ່າ ການຟັງຄຳໃຫ້ການທີ່ຈະຈັດຂຶ້ນນັ້ນ ຈະບໍ່ມີຜົນຫຍັງສຳລັບບໍລິສັດໂຕໂຢຕາ.
