ຕາມຂ່າວCRI: ເດືອນເມສາປີກາຍນີ້ພະຍາດໄຂ້ຫວັດໃຫຍ່ສາຍພັນໃໝ່A/H1N1ໄດ້ເກີດຂຶ້ນຢູ່ອາເມລິກາເໜືອແລະໄດ້ແຜ່ລະບາດໄປທົ່ວໂລກຢ່າງວ່ອງໄວ, ຫຼັງຈາກນັ້ນ 10 ເດືອນ, ໃນວັນທີ 23 ກຸມພານີ້, ຄະນະກຳມະການສຸກເສີນຂອງອົງການອະນາໄມໂລກທີ່ປະກອບດ້ວຍຜູ້ຊ່ຽວຊານສາທາລະນະສຸກ 15 ຄົນໄດ້ຈັດກອງປະຊຸມພິເສດຢູ່ເຊີແນວຂອງສະວິສ, ພິຈາລະນາສະພາບການລະບາດຂອງໄຂ້ຫວັດໃຫຍ່ສາຍພັນໃໝ່ເປັນຄັ້ງທຳອິດ. ຜູ້ຊ່ຽວຊານເຫັນວ່າ, ປະຈຸບັນຍັງບໍ່ຮອດເວລາສະຫຼຸບໄດ້ວ່າສະພາບລະບາດຂອງໄຂ້ຫວັດໃຫຍ່ໃນທົ່ວໂລກໄດ້ຜ່ານຈຸດອັນຕະລາຍທີ່ສຸດແລ້ວ, ຍັງຕ້ອງການເວລາແລະຂໍ້ມູນຫຼາຍກວ່າເກົ່າເພື່ອຢືນຢັນຂໍ້ສະຫຼຸບດັ່ງກ່າວ. ວັນທີ 24 ກຸມພານີ້, ໃນກອງປະຊຸມຂ່າວທາງໂທລະສັບ ,ທ່ານເຄຈີ ຟູຄູດາ, ທີ່ປຶກສາພິເສດກ່ຽວກັບໄຂ້ຫວັດໃຫຍ່ສາຍພັນໃໝ່ລະບາດຂອງອົງການອະນາໄມໂລກປະກາດວ່າ, ຕາມຄຳເຫັນຂອງຄະນະມະການດັ່ງກ່າວ, ນາງມາກາເຣັດຈັນ, ຜູ້ອຳນວຍການໃຫຍ່ອົງການອະນາໄມໂລກເຫັນວ່າປະຈຸບັນຈະປ່ຽນລະດັບເຕືອນໄພພະຍາດໄຂ້ຫວັດໃຫຍ່ສາຍພັນໃໝ່ຍັງແຜ່ລະບາດຢູ່ແມ່ນບໍ່ເໝາະສົມ."
ວັນທີ 23 ກຸມພານີ້, ຜູ້ຊ່ຽວຊານພະຍາດຕິດແປດແລະຜູ້ຊ່ຽວຊານເຊື້ອພະຍາດລະດັບສູງສຸດຂອງປະເທດຕ່າງໆໃນໂລກ 15 ທ່ານເຕົ້າໂຮມກັນຢູ່ສຳນັກງານໃຫຍ່ອົງການອະນາໄມໂລກທີ່ຕັ້ງຢູ່ເຊີແນວຂອງສະວິສ, ປະເມີນສະພາບພະຍາດໄຂ້ຫວັດໃນປະຈຸບັນຢ່າງຮອບດ້ານ. ເມື່ອໄດ້ປຶກສາຫາລືເປັນເວລາ 1 ວັນ, ຜູ້ຊ່ຽວຊານຂອງຄະນະກຳມະການສ່ວນຫຼາຍເຫັນວ່າ, ເຖິງວ່າປະຈຸບັນມີຫຼັກຖານຢືນຢັນວ່າສະພາບໄຂ້ຫວັດໃຫຍ່ດັ່ງກ່າວເລີ່ມຫຼຸດລົງຢູ່ຫຼາຍປະເທດຂອງຊີກໂລກເໜືອ, ແຕ່ອາເມລິກາຍັງມີການລາຍງານທີ່ມີຜູ້ເປັນໄຂ້ຫວັດໃຫຍ່ລາຍໃໝ່ເພີ່ມຂຶ້ນຢ່າງບໍ່ຢຸດຢັ້ງ, ພ້ອມກັນນັ້ນເຊເນການແລະໂມຣີຕານີຂອງອາຟຼິກາຕາເວັນຕົກເປັນຕົ້ນກໍ່ໄດ້ແຈ້ງວ່າມີເຊື້ອພະຍາດA/H1N1ແຜ່ລະບາດຢ່າງວ່ອງໄວ, ສະນັ້ນ, ຍັງບໍ່ສາມາດປະກາດຂໍ້ສະຫຼຸບທີ່ວ່າ"ຈຸດອັນຕະລາຍທີ່ສຸດໃນທົ່ວໂລກໄດ້ຜ່ານໄປແລ້ວ". ອີກຢ່າງໜຶ່ງ, ຊີກໂລກໃຕ້ຈະເກີດໄຂ້ຫວັດໃຫຍ່ສາຍພັນໃໝ່ແຜ່ລະບາດຢ່າງຫຼວງຫຼາຍຫຼືບໍ່ພາຍຫຼັງເຂົ້າສູ່ລະດູໜາວແລ້ວກໍໜ້າສົນໃຈຢູ່.
ຜູ່ຊ່ຽວຊານຍັງເຫັນວ່າ,ເຖິງວ່າໃນປີກາຍນີ້,ເຊື້ອພະຍາດໄຂ້ຫວັດໃຫຍ່ສາຍພັນໃໝ່A H1N1ປະກົດວ່າບໍ່ຮ້າຍແຮງແລະຄົນຕາຍໜ້ອຍກໍຕາມ,ແຕ່ເຊື້ອພະຍາດໄຂ້ຫວັດ ໃຫຍ່ຍັງມີລັກສະນະທີ່ໄວ້ໃຈບໍ່ໄດ້,ແລະຍັງມີຄວາມອາດສາມາດທີ່ຈະກາຍພັນເປັນເຊື້ອພະ ຍາດທີ່ພາໃຫ້ຄົນຕາຍຫຼາຍ.ອີງຕາມຂໍ້ສະເໜີຂອງຄະນະກຳມະການຜູ້ຊ່ຽວຊານ,ໃນວັນທີ24ກຸມພານີ້,ນາງມາກາເຣັດ ຈັນ,ຜູ່ອຳນວຍການໃຫຍ່ທີ່ເປັນຜູ້ຕັດສິນນະໂຍບາຍສູງສຸດຂອງອົງການອະນາໄມໂລກໄດ້ຕົກລົງວ່າ,ໃຫ້ຮັກສາລະດັບເຕືອນໄພໄຂ້ຫວັດໃຫຍ່ລະດັບສູງສຸດ ຄືລະດັບທີ6ທີ່ປະກາດໃນເດືອນມິຖຸນາປີ2009,ແລະຂໍ້ສະເໜີກ່ຽວກັບການປ້ອງກັນແລະຮັບມືກັບພະຍາດນີ້ບໍ່ໄດ້ມີການປ່ຽນແປງຫຍັງ.ນາງມາກາເຣັດ ຈັນຍັງຕົກລົງວ່າ,ຈະຈັດກອງກະຊຸມຄະນະກຳມະການສຸກເສີນອີກຄັ້ງໜຶ່ງໃນຫຼາຍອາທິດຂ້າງໜ້າ,ເຊີນຜູ່ຊ່ຽວຊານຄົ້ນຄວ້າຫາລືສະພາບການແຜ່ລະບາດຂອງພະຍາດນີ້.
ກ່ຽວກັບບົດບາດຂອງອົງການອະນາໄມໂລກໃນການຮັບມືກັບພະຍາດໄຂ້ຫວັດໃຫຍ່ສາຍ ພັນໃໝ່,ຜູ້ຊ່ຽວຊານທີ່ເຂົ້າຮ່ວມກອງປະຊຸມໄດ້ໃຫ້ການຢືນຢັນຢ່າງເຕັມທີ່.ທ່ານມາກ ມິເລີ, ຜູ່ຊ່ຽວຊານດ້ານພະຍາດລະບາດທີ່ມີຊື່ສຽງຂອງອາເມລິກາກ່າວວ່າ,ໂດຍປະເຊີນກັບເຫດ ການສຸກເສີນດ້ານສາທາລະນະສຸກທີ່ຮ້າຍແຮງແບບນີ້,ອົງການອະນາໄມໂລກບໍ່ມີທາງເລືອກອື່ນເລີຍ,ນອກຈາກຈັດການຄົ້ນຄວ້າແລະຜະລິດວັກແຊງຢ່າງຂະໜາດໃຫຍ່ແລະວ່ອງໄວ.
ນາງມາກາເຣັດ ຈານ, ຜູ້ອຳນວຍການໃຫຍ່ WHO ເຄີຍກ່າວວ່າ, ສາເຫດຕົ້ນຕໍທີ່ການລະບາດຂອງພະຍາດໄຂ້ຫວັດໃຫຍ່ສາຍພັນໃຫມ່A HINI ໄດ້ສ້າງຜົນກະທົບຫນ້ອຍກວ່າເກົ່າໃຫ້ແກ່ທົ່ວໂລກນັ້ນມີ 3 ດ້ານ,ຄື:ອັນທີຫນຶ່ງແມ່ນພະຍາດໄຂ້ຫວັດໃຫຍ່ໄດ້ແຜ່ລະບາດໃນປະເທດທີ່ມີລະບົບຕິດຕາມຄວບຄຸມເປັນຢ່າງດີ, ອັນທີສອງແມ່ນເຊື້ອໄວຣັສຂອງພະຍາດໄຂ້ຫວັດໃຫຍ່ແບບໃຫມ່ນີ້ ບໍ່ໄດ້ເກີດການກາຍພັນ ທີ່ມີຄວາມແຮງກວ່າເກົ່າ, ອັນທີສາມແມ່ນວັກແຊັງກັນພະຍາດໄຂ້ຫວັດໃຫຍ່ສາຍພັນໃໝ່ A H1N1 ທີ່ ປະເທດຕ່າງໆຄົ້ນຄວ້າຜະລິດນັ້ນມີຄວາມປອດໄພແລະມີປະສິດທິຜົນ. ທ່ານເຄອິຈີ,ຟູຄູດະ ກໍ່ໄດ້ຕີລາຄາວ່າ, ການກະທຳທຕ່າງໆທີ່ບັນດາປະເທດໃຊ້ເພື່ອຮັບມືກັບການລະບາດພະຍາດໄຂ້ຫວັດໃຫຍ່ເທື່ອນີ້ໄດ້ຮັບຜົນສຳເລັດທີ່ດີທີ່ສຸດໃນປະຫວັດສາດ
ພະຍາດໄຂ້ຫວັດໃຫຍ່ສາຍພັນໃຫມ່ໄດ້ແຜ່ລະບາດຢ່າງກວ້າງຂວາງໃນ 212 ປະເທດແລະເຂດແຄວ້ນໃນ 10 ເດືອນຜ່ານມາ, ຈຳນວນຜູ່ເສຍຊີວິດໄດ້ມີເຖິງ 1 ຫມື່ນ 6 ພັນຄົນ, ຜູ່ຕິດເຊື້ອໄວຣັສພະຍາດໄຂ້ຫວັດໃຫຍ່ ອາດຈະສູງເຖິງຫຼາຍຮ້ອຍລ້ານຄົນ.
