ການກະກຽມເພື່ອເຂົ້າຮ່ວມງານວາງສະແດງສິນຄ້າຈີນອາຊຽນຄັ້ງທີ7ຂອງໄທເລີ່ມຕົ້ນ
(GMT+08:00) 2010-02-26 11:38:31 cri
ຕາມຂ່າວຈາກວິທະຍຸສຽງອ່າວເປີຍປູ້ກວາງຊີ:ຫວ່າງມໍ່ໆມານີ້,ກອງເລຂາຂອງງານວາງ ສະແດງສິນຄ້າຈີນອາຊຽນລາຍງານວ່າ,ໃນເວລາພົບປະກັບຄະນະຜູ້ແທນຂອງກອງເລຂາງານວາງສະແດງສິນຄ້າຈີນອາຊຽນ,ກົມສົ່ງເສີມການຄ້າຂາອອກຂອງກະຊວງພານິດໄທກ່າວວ່າ,ໄທຈະຈັດຕັ້ງການເຂົ້າຮ່ວມງານວາງສະແດງສິນຄ້າຈີນອາຊຽນຄັ້ງທີ7ຈາກຫຼາຍດ້ານ,ຖືບໍລິສັດການຄ້າສົ່ງອອກທີ່ມີກຳລັງເຂັ້ມແຂງເປັນເປົ້າໝາຍສຳຄັນເພື່ອເຮັດໃຫ້ຄຸນນະພາບຂອງບໍລິສັດທີ່ຮ່ວມງານສູງຂຶ້ນ.ປະຈຸບັນນີ້,ວຽກງານກະກຽມໄດ້ເລີ່ມຕົ້ນ ຢ່າງຮອບດ້ານ.
ປີ2010ແມ່ນຈີນໄທສ້າງສາຍພົວພັນທາງການທູດຄົບຮອບ35ປີ,ກໍ່ແມ່ນປີທຳອິດຫຼັງການສ້າງຕັ້ງເຂດການຄ້າເສລີຈີນອາຊຽນສຳເລັດ.ງານວາງສະແດງສິນຄ້າຈີນອາຊຽນຄັ້ງທີ7ຈັດຂຶ້ນຢູ່ພາຍໃຕ້ເບື້ອງຫຼັງດັ່ງກ່າວ,ເຮັດໃຫ້ສອງປະເທດຈີນໄທລ້ວນແຕ່ປະເຊີນກັບໂອ ກາດທີ່ຫາຍາກ.ຝ່າຍໄທກ່າວວ່າຈະນຳໃຊ້ໂອກາດນີ້,ຕັ້ງໜ້າຊຸກຍູ້ໃຫ້ຜູ້ນຳປະເທດໄທໄປ ຮ່ວມງານ.
ວົງການຕ່າງໆຂອງໄທມີຄວາມໝັ້ນໃຈຢ່າງເຕັມປ່ຽມຕໍ່ການຈັດຕັ້ງຄະນະຈັດຊື້ໄປຮ່ວມງານ.ຍ້ອນວ່າໄດ້ຮັບປະສິດທິຜົນເສດຖະກິດການຄ້າອັນດີໃນງານວາງສະແດງຄັ້ງທີ6,ຜູ້ຮັບຜິດຊອບຂອງອົງການຕ່າງໆ ຄື:ສະພາອຸດສາຫະກຳແຫ່ງປະເທດໄທແລະສະພາຫໍການຄ້າແຫ່ງປະເທດໄທເປັນຕົ້ນກ່າວວ່າຈະຈັດຕັ້ງຄະນະບໍລິສັດຈັດຊື້ຫຼາຍກວ່າເກົ່າໄປຈັດຊື້ສິນຄ້າຢູ່ງານວາງສະແດງຄັ້ງທີ7.
