ສານສູນສຸດໄທຕັດສິນຮິບເອົາຊັບສິນ46ຕື້300ລ້ານບາດຂອງທ່ານທັກສິນ ຊິນນະວັດ
(GMT+08:00) 2010-02-27 16:06:54 cri
ຕາມຂ່າວCRI:ວັນທີ26ກຸມພານີ້,ສານສູງສຸດຂອງໄທທຳການຕັດສິນຕໍ່ຄະດີກ່ຽວກັບຊັບສິນກ້ອນໃຫຍ່ຂອງທ່ານທັກສິນ ຊິນນະວັດ,ອະດີດນາຍົກລັດຖະມົນຕີໄທພ້ອມດ້ວຍຄອບຄົວຂອງທ່ານ,ຮິບເອົາຊັບສິນຂອງທ່ານທັກສິນ46ຕື້300ລ້ານບາດ.
ໃນວັນທີ26ກຸມພານີ້,ຜູ່ພິພາກສາ9ທ່ານຂອງສານສູນສຸດໄທໃຊ້ເວລາ7ຊົ່ວໂມງປາຍຜັດ ປ່ຽນກັນອ່ານສຳນວນຄຳຕັດສິນ.ໃນສຳນວນຄຳຕັດສິນຂຽນວ່າ,ໃນໄລຍະທ່ານທັກສິນ ຊິນນະວັດດຳລົງຕຳແໜ່ງນາຍົກລັດຖະມົນຕີໄທຍັງຖືບັດຫຸ້ນສ່ວນຂອງກຸ່ມບໍລິສັດຊິນນະວັດໃນທາງລັບ,ແລະສວຍໃຊ້ຕຳແໜ່ງສະແຫວງຫາຜົນປະໂຫຍດໃຫ້ແກ່ຄອບຄົວຂອງຕົນ,ຊັບສິນ46ຕື້374ລ້ານບາດທີ່ໄດ້ຮັບແມ່ນລາຍໄດ້ທີ່ຜິດກົດໝາຍ,ຕ້ອງຮິບເອົາໄປ.ນອກນີ້,ສານສູນສຸດຢືນຢັນວ່າ ຊັບສິນອີກ30ຕື້ກວ່າບາດທີ່ຖືກງົດໄວ້ຂອງທ່ານທັກສິນແມ່ນຊັບສິນທີ່ຊອບດ້ວຍກົດໝາຍ,ຈະມອບຄືນໃຫ້.
ໃນເວລາແລະຫຼັງອ່ານສຳນວນຄຳຕັດສິນ,ຢູ່ນະຄອນຫຼວງບາງກອກມີຄວາມສະຫງົບ,ເຖິງວ່າມີຜູ່ສະໜັບສະໜູນຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການຈຳນວນບໍ່ ຫຼາຍປະກົດຕົວຢູ່ນອກສານກໍຕາມ,ແຕ່ບໍ່ໄດ້ເກີດເຫດການວຸ້ນວາຍແລະເຫດການໃຊ້ກຳ ລັງຮຸນແຮງ.
