ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ່ຟັງທີ່ໂຄລົບ,ວັນທີ 28 ກຸມພາແລ້ວນີ້,ພາກສ່ວນຕ່າງໆຂອງຈີນ ເຊັ່ນວ່າ: ກະຊວງສຶກສາທິການແລະອື່ນໆ ໄດ້ເຜີຍແຜ່ຮ່າງແຜນການປະຕິຮູບແລະພັດທະນາການສຶກສາໄລຍະກາງແລະຍາວຂອງລັດປີ 2010ເຖິງ2020. ຮ່າງແຜນການ ສະບັບນີ້ໄດ້ໃຫ້ຄຳຕອບຕໍ່ຫົວຂໍ້ສຳຄັນທີ່ປະຊາຊົນສົນໃຈນຳກັນ, ແລະວາງເປົ້າຫມາຍທາງຍຸດທະສາດທີ່ຈີນຈະສ້າງໃຫ້ເປັນປະເທດເຂັ້ມແຂງດ້ານຊັບພະຍາກອນມະນຸດໃນປີ 2020. ຕໍ່ໄປເຊີນທ່ານຟັງລາຍລະອຽດກ່ຽວກັບເລື່ອງນີ້:
ຮ່າງແຜນການປະຕິຮູບແລະພັດທະນາການສຶກສາໄລຍະກາງແລະຍາວຂອງລັດແມ່ນຮ່າງແຜນການການສຶກສາສະບັບທຳອິດຂອງຈີນໃນສະຕະວັດໃຫມ່, ຈະຊີ້ນຳພັດທະນາການປະຕິຮູບການສຶກສາໃນ 10 ປີຕໍ່ຫນ້າ. ພາຍໃຕ້ການຊີນ້ຳຂອງທ່ານເວີ່ນເຈ່ຍປາວ,ນາຍົກລັດຖະມົນຕີຈີນໂດຍກົງ, ຮ່າງແຜນການ ສະບັບນີ້ ໄດ້ເຜີຍແຜ່ອອກມາຫຼັງຈາກປັບປຸງເກືອບ 40 ເທື່ອແລ້ວ. ຮ່າງແຜນສະບັບນີ້ສະເຫນີວ່າ: ຈີນຈະບັນລຸຄວາມທັນສະໄຫມດ້ານການສຶກສາໃນຂັ້ນພື້ນຖານໃນປີ 2020, ສ້າງໃຫ້ເປັນສັງຄົມການຮຽນໂດຍພື້ນຖານ, ແລ້ວກ້າວເຂົ້າສູ່ຖັນແຖວຂອງປະເທດເຂັ້ມແຂງໃນດ້ານຊັບພະຍາກອນມະນຸດ. ເມື່ອຮອດເວລານັ້ນ, ຈີນຈະເຜີຍແຜ່ການສຶກສາພາກບັງຄັບໃຫ້ທົ່ວເຖິງກັນ ຢ່າງຮອບດ້ານ, ອັດຕາການເຂົ້າຮຽນໃນໂຮງຮຽນມັດທະຍົມຕອນປາຍໃຫ້ກວມ ເຖິງ 90%, ອັດຕາການເຂົ້າຮຽນໃນໂຮງຮຽນຊັ້ນສູງໃຫ້ກວມເຖິງ 40%, ຈະມີ 200 ລ້ານຄົນຮຽນຈົບລະດັບມະຫາວິ ທະຍາໄລ.
ໃນກອງປະຊຸມຂ່າວທີ່ຫ້ອງການຖະແຫຼງຂ່າວຂອງລັດຖະບານຈີນຈັດຂຶ້ນໃນມື້ນັ້ນ, ທ່ານຢວນກຸ້ຍເຢີນ, ລັດຖະມົນຕີວ່າການກະຊວງການສຶກສາທິການຈີນກ່າວວ່າ, ມັນຕ່າງຈາກການປະຕິຮູບການສຶກສາຫຼາຍເທື່ອໃນ 20 ກວ່າປີມານີ້, ການປະຕິຮູບການສຶກສາເທື່ອນີ້ຖືການປະຕິຮູບໂຄງປະກອບການອົບຮົມກໍ່ສ້າງຜູ້ມີຄວາມຮູ້ຄວາມສາມາດເປັນບັນຫາທີ່ສຳຄັນທີ່ສຸດ.
"ທຽບກັບການປະຕິຮູບທີ່ຜ່ານມາ, ພວກເຮົາໄດ້ເຮັດໃຫ້ການປະຕິຮູບໂຄງປະກບອການອົບຮົມກໍ່ສ້າງຜູ້ມີຄວາມຮູ້ຄວາມສາມາດພົ້ນເດັ່ນຂຶ້ນ. ພວກເຮົາຮູ້ສຶກວ່າເປົ້າໝາຍພື້ນຖານຂອງການສຶກສາແມ່ນເພື່ອອົບຮົມບົ່ມເພາະຜູ້ມີຄວາມຮູ້ຄວາມສາມາດຫຼາຍກວ່າເກົ່າ, ເຮັດໃຫ້ເຂົາເຈົ້າມີຄວາມສາມາດປະດິດສ້າງຫຼາຍກວ່າເກົ່າ. ສິ່ງທີ່ເປັນອຸປະສັດຕໍ່ເລື່ອງດັ່ງກ່າວ, ພວກເຮົາລ້ວນແຕ່ຄວນປະຕິຮູບ."
ໃນຫຼາຍປີມານີ້, ສະພາບແລະແນວຄິດພັດທະນາການສຶກສາຂອງຈີນມີຄວາມເຫັນແຕກຕ່າງກັນ. ຫຼາຍຄົນທັງຕິຕຽນຮູບແບບການສຶກສາມີແຕ່ເພື່ອຮັບມືກັບການສອບເສັງແລະປະກົດການທີ່ນັກຮຽນຝຶກຫັດຂອງຮຽນໜັກໂພດ, ພ້ອມກັນນັ້ນຍັງເຫັນວ່າການແບ່ງປັນຊັບພະຍາກອນການສຶກສາຢູ່ຕົວເມືອງແລະຊົນນະບົດບໍ່ດຸ່ນດ່ຽງກັນເຮັດໃຫ້ເກີດສະພາບການທີ່ການສຶກສາເກີດຄວາມບໍ່ສະເໝີພາບ. ຕໍ່ເລື່ອງນີ້, ທ່ານຢວນກຸ້ຍເຢີນ, ລັດຖະມົນຕີວ່າການກະຊວງສຶກສທິການຈີນກ່າວວ່າ, ຈະເຮັດໃຫ້ການຊຸກຍູ້ການສຶກສາມີຄວາມສະເໝີພາບ, ແລະຍົກສູງຄຸນນະພາບການສຶກສາເປັນວຽກງານສຳຄັນຂອງການປະຕິຮູບການສຶກສາໃນຕໍ່ໄປ.ແຜນການສະບັບນີ້ຍັງສະແດງຢ່າງຈະແຈ້ງວ່າ,ອົງການປົກຄອງທຸກຂັ້ນຈະຮັບປະກັນງົບ ປະມານການສຶກສາຢ່າງເປັນບູລິມະສິດ.ຮອດປີ2012,ງົບປະມານສຳລັບການສຶກສາຂອງລັດຈະກວມ4%ຂອງລວມຍອດຜະລິດຕະພັນພາຍໃນປະເທດຫຼືGDP.ພ້ອມກັນນັ້ນ,ແຜນການສະບັບນີ້ຍັງສົ່ງເສີມແລະຊັກນຳໃຫ້ທົ່ວສັງຄົມມີສ່ວນຮ່ວມໃນການສ້າງໂຮງຮຽນແລະຊ່ວຍເຫຼືອການສຶກສາ.ໂດຍແນໃສ່ແກ້ໄຂບັນຫາທີ່ພາກສ່ວນບໍລິຫານດ້ານການສຶກ ສາແຊກແຊງວຽກງານຄຸ້ມຄອງຂອງໂຮງຮຽນຫຼາຍເກີນໄປນັ້ນ,ທ່ານຢວນກຸ້ຍເຢິນກ່າວວ່າ,ຈະຄ່ອຍໆປະຕິຮູບວິທີສ້າງໂຮງຮຽນ,ສົ່ງເສີມໃຫ້ໂຮງຮຽນຄຸ້ມຄອງ ຕົນເອງ.ທ່ານກ່າວວ່າ: "ພວກຂ້າພະເຈົ້າຢາກສ້າງຕັ້ງການຄຸ້ມຄອງແບບໃໝ່ແລະນະໂຍບາຍຄົບຊຸດທີ່ສອດ ຄ່ອງກັບຈຸດພິເສດຂອງໂຮງຮຽນ,ແລ້ວຄ່ອຍໆຍົກເລີກລະດັບບໍລິຫານແລະການຄຸ້ມຄອງແບບບໍລິຫານຂອງໂຮງຮຽນ.ສົ່ງເສີມແລະຄົ້ນຄວ້າສ້າງຕັ້ງສະພາຂອງໂຮງຮຽນຊັ້ນສູງ,ເຮັດໃຫ້ບຸກຄົນໃນສັງຄົມເຂົ້າຮ່ວມໃຫ້ຄຳປຶກສາແກ່ການຕັດສິນນະໂຍບາຍຂອງໂຮງຮຽນຫຼາຍ ກວ່າເກົ່າ,ຊ່ວຍໃຫ້ໂຮງຮຽນຄຸ້ມຄອງດີກວ່າເກົ່າໂດຍອ່ວາຍໜ້າໄປສູ່ສັງຄົມ."
