ລັດຖະບານໄທປະຕິເສດຄຳຮຽກຮ້ອງຂອງກຸ່ມເສື້ອແດງທີ່ໃຫ້ຍົກເລີກຄະນະຜູ່ພິພາກສາຄະດີຍຶດຊັບຂອງທ່ານທັກສິນ
(GMT+08:00) 2010-03-03 16:04:21 cri
ຕາມຂ່າວCRI:ວັນທີ3ມິນານີ້,ທ່ານສຸເທບ ເທືອກສຸບັນ,ຮອງນາຍົກລັດຖະມົນຕີທີ່ຮັບຜິດ ຊອບວຽກງານຄວາມປອດໄພຂອງໄທກ່າວວ່າ,ເວັ້ນແຕ່ຈະໄດ້ຮັບຫຼັກອ້າງອີງດ້ານກົດໝາຍທີ່ຄັກແນ່,ຖ້າບໍ່ດັ່ງນັ້ນ,ຄຳຮຽກຮ້ອງຂອງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການຫຼືກຸ່ມເສື້ອແດງກ່ຽວກັບການຍົກເລີກຄະນະຜູ່ພິພາກສາຄະດີຍຶດຊັບຂອງທ່ານທັກສິນ ຊິນນະວັດນັ້ນຈະບໍ່ໄດ້ຮັບອະນຸມັດ.
ຜູ່ສະໜັບສະໜູນຂອງກຸ່ມເສື້ອແດງແລະສະມາຊິກຂອງພັກເພື່ອໄທທີ່ເປັນພັກຝ່າຍຄ້ານສຳຄັນມີແຜນຈະເຕົ້າໂຮມ2ໝື່ນລາຍເຊັນຂອງປະຊາຊົນ,ເພື່ອຮຽກຮ້ອງໃຫ້ຍົກເລີກຄະນະຜູ່ພິພາກສາຄະດີຍຶດຊັບຂອງທ່ານທັກສິນ ຊິນນະວັດ,ອະດີດນາຍົກລັດຖະມົນຕີໄທ.ການສະແດງທ່າທີດັ່ງກ່າວຂອງທ່ານສຸເທບກໍ່ແມ່ນການຕອບໂຕ້ຕໍ່ເລື່ອງນີ້.