ຕອນບ່າຍວັນທີ 3 ມີນານີ້, ກອງປະຊຸມເທື່ອທີ 3 ຂອງສະພາປຶກສາການເມືອງປະຊາຊົນແຫ່ງຊາດຈີນໄດ້ຈັດຂຶ້ນຢູ່ຫໍສະພາປະຊາຊົນ. ຜູ້ນຳພັກແລະລັດຈີນ, ເຊັ່ນ: ທ່ານຫູຈີນທາວ, ທ່ານອູປ່າງກົວ, ທ່ານເວີ່ນເຈ່ຍປາວ, ທ່ານເຈຍຊີ້ງລິນ ພ້ອມດ້ວຍກຳມະການປຶກສາການເມືອງທົ່ວປະເທດ 2100 ກວ່າທ່ານໄດ້ເຂົ້າຮ່ວມພິທີໄຂປະຊຸມ.
ທ່ານເຈຍຊີ້ງລ້ນ, ປະທານສະພາປຶກສາການເມືອງແຫ່ງຊາດຈີນໄດ້ຕາງໜ້າຄະນະປະຈຳສະພາປຶກສາການເມືອງຊຸດນີ້ກ່າວບົດລາຍງານວຽກງານ. ທ່ານໄດ້ສະຫຼຸບວຽກງານຂອງສະພາປຶກສາການເມືອງໃນປີກາຍນີ້ດ້ວຍຄຳສັບທີ່ວ່າ "ສາມັກຄີກົມກຽວກັນ, ຕິດແທດຕົວຈິງ, ບຸກໜ້າບືນຕົວແລະພັດທະນາຢ່າງມີຊີວິດຊີວາ", ແລະໄດ້ກຳນົດໜ້າທີ່ວຽກງານໃນ 6 ດ້ານຂອງສະພາປຶກສາການເມືອງໃນປີໃໝ່.
ການຊຸກຍູ້ການພັດທະນາເສດຖະກິດແລະປັບປຸງຊີວິດການເປັນຢູ່ຂອງປະຊາຊົນ, ແມ່ນຫົວຂໍ້ແກນກາງ 2 ຂໍ້ທີ່ເນັ້ນໜັກໃນບົດລາຍງານສະບັບນີ້, ແລະກໍ່ແມ່ນວຽກງານຕົ້ນຕໍຂອງປີກາຍນີ້ແລະໜ້າທີ່ແກນກາງໃນປີນີ້ຂອງສະພາປຶກສາການເມືອງປະຊາຊົນແຫ່ງຊາດຈີນ.
ປີ2009, ຍ້ອນໄດ້ຮັບຜົນກະທົບຈາກວິກິດການການເງິນສາກົນ, ການພັດທະນາເສດຖະກິດຂອງຈີນປະສົບກັບການທົດສອບອັນຂ້ຽວຂາດ. ໃນຖານະເປັນອົງການທີ່ປຶກສາທາງການເມືອງສູງສຸດຂອງຈີນ, ສະພາປຶກສາການເມືອງປະຊາຊົນແຫ່ງຊາດຈີນໄດ້ເຕົ້າໂຮມຜູ້ມີຄວາມຮູ້ຄວາມສາມາດວົງການຕ່າງໆໃນສັງຄົມຈີນ, ພວກເພິ່ນຕັ້ງໜ້າປະກອບຄຳຄິດຄຳເຫັນເພື່ອຮັກສາໃຫ້ເສດຖະກິດແຫ່ງຊາດຈີນພັດທະນາຢ່າງໝັ້ນທ່ຽງແລະອ່າວໄວ. ຕາມຂ່າວແຈ້ງວ່າ, ປີກາຍນີ້, ສະພາປຶກສາການເມືອງປະຊາຊົນແຫ່ງຊາດໄດ້ຮັບເອົາຍັດຕິ5ພັນ820ສະບັບ, ໃນນັ້ນ, ຍັດຕິທີ່ກ່ຽວພັນເຖິງການຮັບມືກັບວິກິດການການເງິນສາກົນແລະເສດຖະກິດມີ1ພັນ800ສະບັບ.
ໃນບົດລາຍງານວຽກງານ, ທ່ານເຈຍຊິງລິນ ປະທານສະພາໄດ້ຢືນຢັນເລື່ອງນີ້ຢ່າງເຕັມສ່ວນ. ທ່ານກ່າວວ່າ, ການຮັບມືກັບຜົນກະທົບຂອງວິກິດການການເງິນ, ແມ່ນການທົດສອບທີ່ສຳຄັນຕໍ່ລະດັບເຂົ້າຮ່ວມວຽກບ້ານການເມືອງຂອງສະພາປຶກສາການເມືອງປະຊາຊົນແຫ່ງຊາດຈີນ.
ພວກເຮົາຕິດຕາມທ່ວງທ່າຂະຫຍາຍຕົວຂອງວິກິດການການເງິນສາກົນແລະສະພາບປະຕິບັດງານຂອງເສດຖະກິດພາຍໃນປະເທດຢ່າງໃກ້ຊິດ, ກຳມະການຫຼາຍຄົນສະເໜີອອກມາວ່າ, ຄວນເສີມຂະຫຍາຍບົດບາດສັງລວມຂອງນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ຜ່ອນຍານສົມຄວນຢ່າງເຕັມທີ່, ອອກແຮງເພີ່ມຄວາມຕ້ອງການຂອງພາຍໃນປະເທດແລະຮັກສາລະດັບຄວາມຕ້ອງການຂອງພາຍນອກຢ່າງໜັກແໜ້ນ. ຄວາມເຫັນແລະຂໍ້ສະເໜີເຫຼົ່ານີ້ໄດ້ສະໜອງບົດຮຽນສຳຄັນໃຫ້ແກ່ພັກລັດປັບປຸງນະໂຍບາຍເສດຖະກິດມະຫາພາກໃຫ້ສົມບູນຂຶ້ນ.
ຕາມໄດ້ຊາບວ່າ, ໃນກອງປະຊຸມຄັ້ງນີ້, ກຳມະການສະພາປຶກສາການເມືອງປະຊາຊົນແຫ່ງຊາດໄດ້ນຳເອົາຍັດຕິຫຼາຍສະບັບກ່ຽວກັບການເລັ່ງລັດການປ່ຽນແປງວິທີພັດທະນາເສດຖະກິດແລະຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະອ່າວໄວ.
ອອກແຮງຊຸກຍູ້ການປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນແລະຊຸກຍູ້ຄວາມປອງດອງກັນແລະສະຖຽນລະພາບທາງສັງຄົມແມ່ນວຽກງານສຳຄັນທີ່ສະພາປຶກສາການເມືອງປະຊາຊົນແຫ່ງຊາດກຳນົດໃນປີ2009. ທ່ານຈ້າວສີເຈີ້ງ ໂຄສົກກອງປະຊຸມຄັ້ງນີ້ກ່າວວ່າ:
ໜຶ່ງປີທີ່ຜ່ານມາ, ພວກເຮົາເຄີຍສົ່ງໜ່ວຍຄົ້ນຄວ້າວິຊາການໄປແຂວງເຮີ່ຍຫຼົງຈ່ຽງແລະແຂວງອື່ນໆ, ດຳເນີນການສຳຫຼວດຮ່ວມກັບສະພາປຶກສາການເມືອງປະຊາຊົນຂັ້ນແຂວງຂອງ13ແຂວງທົ່ວປະເທດທີ່ຜະລິດທັນຍາຫານ, ສະເໜີຂໍ້ສະເໜີກ່ຽວກັບການຮັກສາຜົນຜະລິດທັນຍາຫານໃຫ້ໝັ້ນທ່ຽງ, ເພີ່ມລາຍໄດ້ຂອງຊາວກະສິກອນ, ຊຸກຍູ້ການບໍລິໂພກຂອງຊົນນະບົດແລະອື່ນໆ. ນອກນີ້, ກຳມະການຫຼາຍທ່ານຍັງໄດ້ສະເໜີຂໍ້ສະເໜີຫຼາຍຂໍ້ທີ່ສຳຄັນກ່ຽວກັບລະບຽບການປະກັນໄພບຳນານ, ບັນຫາຂາດຢາປົວພະຍາດລາຄາຖືກໃນຕະຫຼາດ, ຮັກສາລະບຽບການສຶກສາທີ່ຍຸດຕິທຳ, ປະຕິບັດການຊີ້ນຳແບບແບ່ງປະເພດ ແລະອື່ນໆ, ພາກສ່ວນທີ່ກ່ຽວຂ້ອງໄດ້ເອົາໃຈໃສ່ແລະນຳໃຊ້ຂໍ້ສະເໜີເຫຼົ່ານີ້.
ສະພາປຶກສາການເມືອງປະຊາຊົນແຫ່ງຊາດຈີນໃນຖານະເປັນຮູບແບບສຳຄັນທີ່ເສີມຂະຫຍາຍປະຊາທິປະໄຕສັງຄົມນິຍົມໃນຊີວິດທາງການເມືອງຂອງຈີນ , ມີບົດບາດທີ່ເຂົ້າແທນບໍ່ໄດ້ໃນຊີວິດການເມືອງຂອງລັດ. ເຮັດແນວໃດຈິ່ງສາມາດເຮັດໃຫ້ພາລະກິດຂອງສະພາປຶກສາການເມືອງປະຊາຊົນແຫ່ງຊາດຈີນສືບຕໍ່ກັນໄປ ແລະ ມີຄວາມປະດິດສ້າງໃໝ່? ໃນບົດລາຍງານ ,ທ່ານເຈຍຊີ້ງລີນກ່າວເນັ້ນວ່າ,
"ກຳ2ຫົວຂໍ້ໃຫຍ່ ຄື,ສາມັກຄີ ແລະ ປະຊາທິປະໄຕຫໃຫ້ແໜ້ນໆ, ປະສານງານການພົວພັນໃຫ້ຍິ່ງດີກວ່າເກົ່າ,ໂຮມສູນກຳລັງ,ສະເໜີຂໍ້ສະເໜີ ແລະ ຄວາມເຫັນ, ຮັບໃຊ້ຕໍ່ພາກສ່ວນໃຫຍ່, ສ້າງຜົນງານໃໝ່ໃນດ້ານຊຸກຍູ້ໃຫ້ພັດທະນາຕາມຫຼັກວິທະຍາສາດ ແລະ ຊຸກຍູ້ໃຫ້ສັງຄົມກົມກຽວກັນ, ເສີມຂະຫຍາຍບົດບາດໃໝ່ໃນດ້ານຊຸກຍູ້ການໂຮມຈີນເຂົ້າເປັນເອກະພາບໂດຍສັນຕິ ແລະ ເປີດກວ້າງການແລກປ່ຽນກັບພາຍນອກ, ຢ່ວງບາດກ້າວໃໝ່ໃນດ້ານເພິ່ມທະວີການກໍ່ສ້າງຂອງຕົນ ແລະ ຍົກສູງລະດັບວິທະຍາສາດຂອງວຽກງານສະພາປຶກສາການເມືອງປະຊາຊົນແຫ່ງຊາດຈີນ.