ກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງຊາດຈີນຈະໄຂຂຶ້ນຢູ່ນະຄອນຫລວງປັກກິ່ງໃນວັນທີ 5 ມີນານີ້.ຕອນເຊົ້າວັນທີ 4 ມີນານີ້,ກອງປະຊຸມໄດ້ຈັດກອງປະຊຸມເຂ່າວເປັນຄັ້ງທຳອິດ,ທ່ານລີຈ້າວສິ່ງ, ໂຄສົກຂອງກອງປະຊຸມໄດ້ແຈ້ງວາລະຂອງກອງປະຊຸມແລະສະພາບກະກຽມ, ແລະໄດ້ຕອບຄຳຖາມຂອງນັກຂ່າວຈີນແລະຕ່າງປະເທດ.ໃນນັ້ນ, ກົດຫມາຍວ່າດ້ວຍການເລືອກຕັ້ງສະບັບດັດແກ້, ງົບປະມານດ້ານການປ້ອງກັນປະເທດ, ທິດຂະຫຍາຍຕົວຂອງນະໂຍບາຍເສດຖະກິດແລະຫົວຂໍ້ຕ່າງໆໄດ້ຮັບຄວາມສົນໃຈຢ່າງກວ້າງຂວາງຈາກສື່ມວນຊົນພາຍໃນແລະຕ່າງປະເທດ.
ກ່ອນອື່ນ,ທ່ານລີຈ້າວສິ່ງໄດ້ແຈ້ງວາລະຂອງປະຊຸມຄື:ກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງຊາດຈີນປະຈຳປີນີ້ຈະໄຂຂຶ້ນໃນຕອນເຊົ້າວັນທີ 5 ມີນານີ້,ແລະຈະອັດລົງໃນຕອນເຊົ້າວັນທີ 14 ມີນາ,ທັງຫມົດ 9 ວັນເຄີ່ງ.ກອງປະຊຸມຈະຮັບຟັງແລະຄົ້ນຄວ້າພິຈາລະນາບົດລາຍງານວຽກງານລັດຖະບານ, ພິຈາລະນາແລະອະນຸມັດບົດລາຍງານແຜນການ, ບົດລາຍງານງົບປະມານ,ພິຈາລະນາຄຳສະເຫນີຂອງຄະນະປະຈຳສະພາປະຊາຊົນແຫ່ງຊາດຈີນກ່ຽວກັບການຮ້ອງຂໍພິຈາລະນາກົດຫມາຍວ່າດ້ວຍການເລືອກຕັ້ງຜູ່ແທນສະພາປະຊາຊົນທົ່ວປະເທດແລະຜູ່ແທນທ້ອງຖີ່ນ ຕ່າງໆ,ຮັບຟັງແລະຄົ້ນຄວ້າພິຈາລະນາບົດລາຍງານວຽກງານຂອງຄະນະປະຈຳສະພາປະຊາຊົນແຫ່ງຊາດຈີນ.
ອີງຕາມວາລະປະຊຸມ, ປີນີ້, ຄະນະປະຈຳສະພາປະຊາຊົນແຫ່ງຊາດຈີນຈະສະເຫນີໃຫ້ພິຈາລະນາກົດຫມາຍວ່າດ້ວຍການເລືອກຕັ້ງຜູ່ແທນສະພາປະຊາຊົນແຫ່ງຊາດຈີນແລະຜູ່ແທນທ້ອງຖີ່ນຕ່າງໆ.ນີ້ແມ່ນການດັດແກ້ເທື່ອທີ 5 ຕໍ່ກົດຫມາຍດັ່ງກ່າວຕັ້ງແຕ່ປີ 1979 ເປັນຕົ້ນມາ.ຈຸດປະສົງແມ່ນໃຫ້ເລືອກຕັ້ງຜູ່ແທນສະພາປະຊາຊົນໂດຍອີງຕາມຈຳນວນປະຊາກອນ ໃນຕົວເມືອງແລະຊົນນະບົດທີ່ເທົ່າທຽມກັນ.
ທ່ານໂມ້ຈີ້ຫົງ,ສາສະດາຈານທີ່ຄົ້ນຄວ້ານຳການສ້າງລະບຽບກົດຫມາຍຂອງຈີນເປັນເວລາດົນມາແລ້ວເຫັນວ່າ, ການດັດແກ້ກົດຫມາຍເລືອກຕັ້ງ ເທື່ອນີ້ໄດ້ກຳນົດວ່າ,ການໃຫ້ເລືອກຕັ້ງຜູ່ແທນສະພາປະຊາຊົນຕາມຈຳນວນປະຊາກອນໃນຕົວເມືອງແລະຊົນນະບົດທີ່ເທົ່າທຽມກັນ,ມີຄວາມຫມາຍສຳຄັນຫລາຍ,ຈະເຮັດໃຫ້ລະບຽບການເລືອກຕັ້ງຂອງຈີນໄດ້ຮັບການບູລະນະໃຫ້ສົມບູນຂຶ້ນເປັນຢ່າງດີ.
"ການດັດແກ້ເຫຼົ່ານີ້ລ້ວນແຕ່ໄດ້ປັບປຸງລະບຽບການເລືອກຕັ້ງຂອງພວກເຮົາໃຫ້ສົມບູນຂຶ້ນຈາກຫຼາຍດ້ານທີ່ຕ່າງກັນ, ເຮັດໃຫ້ລະບຽບການເລືອກຕັ້ງຂອງພວກເຮົາດີຂຶ້ນເປັນກ້າວໆໃນດ້ານປະຊາທິປະໄຕແລະລັກສະນະວິທະຍາສາດ, ຮັບປະກັນການເມືອງປະຊາທິປະໄຕສັງຄົມຂອງປະເທດເຮົາດຳເນີນໄປເປັນຢ່າງດີ."
ໃນເວລາເວົ້າເຖິງບັນຫາງົບປະມານປ້ອງກັນປະເທດ, ທ່ານຫຼີ້ຈ້າວຊິງກ່າວວ່າ, ປີ 2010 ງົບປະມານປ້ອງກັນປະເທດຂອງຈີນແມ່ນ 532 ຕື້ 115 ລ້ານຢວນ, ເພີ່ມຂຶ້ນຫຼາຍກວ່າປີ 2009 7,5%. ທ່ານຊີ້ອອກວ່າ, ປີ 2010, ງົບປະມານປ້ອງກັນປະເທດທີ່ເພີ່ມຂຶ້ນຕົ້ນຕໍຈະໃຊ້ໃນການສະໜັບສະໜູນການປະຕິຮູບການທະຫານທີ່ມີລັກສະນະຕົວຈິງຂອງຈີນ, ຍົກສູງຄວາມສາມາດຂອງກອງທັບທີ່ຮັບມືກັບການຂົ່ມຂູ່ດ້ານຄວາມປອດໄພຫຼາຍຢ່າງແລະສຳເລັດໜ້າທີ່ການທະຫານທີ່ມີຫຼາຍແບບ, ແລະຮັບປະກັນຄວາມຕ້ອງການດ້ານການປະຕິຮູບຕ່າງໆຂອງກອງທັບ. ທ່ານກ່າວເນັ້ນວ່າ, ຈີນຍຶດໝັ້ນກ້າວໄປຕາມເສັ້ນທາງພັດທະນາໂດຍສັນຕິ, ປະຕິບັດນະໂຍບາຍປ້ອງກັນປະເທດແບບປ້ອງກັນຕົວ, ງົບປະມານປ້ອງກັນປະເທດຂອງຈີນກວມGDP ບໍ່ຫຼາຍປານໃດ.
"ໃນຫຼາຍປີມານີ້,ງົບປະມານການປ້ອງກັນປະເທດຂອງຈີນກວມ GNP ພຽງແຕ່ 1,4% ເທົ່ານັ້ນ,ຕ່ຳກວ່າອາເມລິກາ,ອັງກິດ,ຝະຣັ່ງແລະຣັດເຊຍ.ລັດຖະບານຈີນອີງຕາມກົດໝາຍວ່າດ້ວຍງົບປະມານແລະກົດໝາຍວ່າດ້ວຍການປ້ອງກັນປະເທດ,ເພີ່ມຄວາມປອດໃສດ້ານຄ່າໃຊ້ຈ່າຍທາງການທະຫານຢ່າງບໍ່ຢຸດຢັ້ງ,ແຕ່ລະປີ,ງົບປະມານປ້ອງກັນປະເທດກໍ່ຈັດເຂົ້າໃນງົບປະມານຂອງລັດ,ໃຫ້ສະພາປະຊາຊົນແຫ່ງຊາດຈີນພິຈາລະນາອະນຸມັດ,ແລະຮັບເອົາການຕິດຕາມກວດກາຈາກພາກສ່ວນກວດກາຂອງລັດແລະຂອງກອງທັບ."
ບັນຫາເສດຖະກິດກໍ່ແມ່ນຈຸດສຸມໜຶ່ງທີ່ສື່ມວນຊົນຈີນແລະຕ່າງປະເທດທີ່ເຂົ້າຮ່ວມກອງປະຊຸມຂ່າວເທື່ອນີ້ສົນໃຈນຳ,ໂດຍສະເພາະແມ່ນສະພາບປະຕິບັດແລະທ່າອຽງໃນອະນາຄົດຂອງແຜນການກະຕຸ້ນເສດຖະກິດຂອງຈີນ.ທ່ານຫຼີຈ້າວຊີ່ງກ່າວເນັ້ນວ່າ,ຈີນຈະສືບຕໍ່ພະຍາຍາມຮັບມືກັບວິກິດການການເງິນ,ແລະຈະສືບຕໍ່ເພີ່ມການຮ່ວມມືກັບປະຊາຄົມໂລກ.ຕໍ່ເລື່ອງນີ້,ທ່ານຈີ່ນຊ້ານຢົງ,ຜູ້ຊ່ຽວຊານບັນຫາສາກົນຂອງຈີນວິເຄາະວ່າ,ຖານະບົດບາດທາງເສດຖະກິດຂອງຈີນສູງຂຶ້ນແມ່ນສາເຫດສຳຄັນທີ່ເຮັດໃຫ້ກອງປະຊຸມສອງສະພາຂອງຈີນເຊິ່ງລວມທັງກອງປະຊຸມປະຈຳຂອງສະພາປະຊາຊົນແຫ່ງຊາດຈີນໄດ້ຮັບຄວາມສົນໃຈຫຼາຍຈາກທົ່ວໂລກ.
