ຕາມຂ່າວCRI, ວັນທີ5ມີນານີ້, ກອງປະຊຸມລັດຖະມົນຕີພະລັງງານຄັ້ງທີສອງຂອງການຮ່ວມມືເສດຖະກິດແລະເຕັກນິກຂະແໜງການຕ່າງໆຂອງອ່າວເບັງການຫຼືBIMSTECໄດ້ຈັດຂຶ້ນຢູ່ນະຄອນຫຼວງບາງກອກຂອງໄທ, ລັດຖະມົນຕີຈາກ7ປະເທດ, ຄື, ອິນເດຍ, ມຽນມາ, ໄທ, ສີລັງກາ, ບັງກະລາເດັດ, ເນປານ,ແລະບູຖານໄດ້ເຂົ້າຮ່ວມ.
ລັດຖະມົນຕີພະລັງງານຂອງໄທກ່າວຄຳປາໄສ
ກອງປະຊຸມເທື່ອນີ້ຈະດຳເນີນ1ວັນ. ໃນພິທີໄຂກອງປະຊຸມ, ທ່ານວັນນະຣັດ ຈັນນຸຄຸນ, ລັດຖະມົນຕີກະຊວງພະລັງງານໄທທີ່ເປັນປະເທດເຈົ້າພາບເທື່ອນີ້ກ່າວວ່າ, ຫວັງວ່າກອງປະຊຸມຄັ້ງນີ້ສາມາດຊຸກຍູ້ພາກພື້ນນີ້ເພີ່ມທະວີການຮ່ວມມືດ້ານພະລັງງານ, ໂດຍສະເພາະໃນຂົງເຂດພະລັງງານແບບໃໝ່.
ລັດຖະມົນຕີພະລັງງານ7ປະເທດທີ່ຮ່ວມປະຊຸມຈັບມືກັນເພື່ອເປັນສັນຍາລັກດຳເນີນການຮ່ວມມືດ້ານພະລັງງານໃນພາກພື້ນນີ້.
