ນາຍົກລັດຖະມົນຕີມຽນມາຕ້ອນຮັບຫົວໜ້າຄະນະພົວພັນກັບຕ່າງປະເທດຂອງສູນກາງພັກຄອມມູນິດຈີນ
(GMT+08:00) 2010-03-05 18:53:07 cri
ຕາມຂ່າວສານຊີນຮວາ, ວັນທີ4ມີນານີ້, ຢູ່ສຳນັກງານນາຍົກລັດຖະມົນຕີທີ່ເນປີດໍ, ທ່ານເຕັນເຊັນ, ນາຍົກລັດຖະມົນຕີມຽນມາໄດ້ຕ້ອນຮັບກັບທ່ານວາງເຈ່ຍຣຸ້ຍ, ຫົວໜ້າຄະນະພົວພັນກັບຕ່າງປະເທດສູນກາງພັກຄອມມູນິດຈີນພ້ອມຄະນະທີ່ໄປຢ້ຽມຢາມມຽນມາ.
ທ່ານເຕັນເຊັນໄດ້ສະແດງຄວາມຍິນດີຕ້ອນຮັບຢ່າງສຸດໃຈຕໍ່ການຢ້ຽມຢາມຂອງທ່ານວາງເຈ່ຍຣຸ້ຍພ້ອມຄະນະ, ແລະຝາກຄວາມຢື້ຢາມຖາມຂ່າວເຖິງທ່ານເວິ່ນເຈ່ຍປາວຜ່ານທ່ານວາງເຈ່ຍຣຸ້ຍ. ທ່ານເຕັນເຊັນເຊື່ອວ່າ, ພາຍໃຕ້ຄວາມເອົາໃຈໃສ່ຮ່ວມກັນຂອງຜູ້ນຳສອງປະເທດ, ການພົວພັນມຽນມາຈີນຈະໜັກແໜ້ນກວ່າເກົ່າ. ທ່ານເຕັນເຊັນຍັງຂອບໃຈນຳຈີນທີ່ໃຫ້ການສະໜັບສະໜູນແລະການຊ່ອຍເຫຼືອຕໍ່ມຽນມາໃນຫຼາຍປີມານີ້, ກ່າວວ່າ, ມຽນມາຈະສືບຕໍ່ສະໜັບສະໜູນນະໂຍບາຍຈີນດຽວຢ່າງເດັດດ່ຽວ.
