ໃນປີ2009,ຍ້ອນການຊຸກຍູ້ຂອງແຜນການກະຕຸ້ນເສດຖະກິດຢ່າງເປັນລະບົບ,ເສດຖະກິດຈີນໄດ້ເພີ່ມຂຶ້ນ8,7%ເມື່ອທຽບໃສ່ໄລຍະດຽວກັນຂອງປີ2008,ລັດຖະບານໄດ້ຮັບຜົນສໍາເລັດອັນຊັດເຈນໃນດ້ານການຮັບປະກັນແລະການປັບປຸງຊີວິດການເປັນຢູ່ຂອງປະຊາຊົນ,ໄດ້ຮັບຄວາມຊົມເຊີຍຈາກປະຊາຊົນໂດຍທົ່ວໄປ.ກອງປະຊຸມປະຈໍາປີຂອງສະພາປະຊາຊົນແຫ່ງຊາດຈີນທີ່ກໍາລັງຈັດຂຶ້ນຢູ່ປັກກິ່ງໄດ້ເຜີຍແຜ່ຂໍ້ມູນດັ່ງນີ້,ໃນປີ2010,ຈີນກໍາລັງຫລຸດພົ້ນຈາກຜົນສະທ້ອນຂອງວິກິດການການເງິນເທື່ອລະກ້າວ,ຈະເອົາໃຈໃສ່ການປັບປຸງຊີວິດການເປັນຢູ່ຂອງປະຊາຊົນຫລາຍກວ່າເກົ່າໃນເວລາດັດສົມມະຫາພາກ.
ໃນກອງປະຊຸມຂ່າວທີ່ຈັດໂດຍກອງປະຊຸມປະຈໍາປີສະພາປະຊາຊົນແຫ່ງຊາດຈີນໃນວັນທີ6ມິນານີ້,ທ່ານຈ່າງຜີງ,ປະທານຄະນະກໍາມະການການພັດທະນາແລະການປະຕິຮູບແຫ່ງລັດຈີນເວົ້າວ່າ,ໃນປີກາຍນີ້,ຈີນໄດ້ສະກັດກັ້ນທ່າອຽງຕໍ່າລົງດ້ານການເຕີບໂຕຂອງເສດຖະກິດຢ່າງວ່ອງໄວ,ພ້ອນດຽວກັນນັ້ນ,ວຽກງານປັບປຸງຊີວິດການເປັນຢູ່ຂອງປະຊາຊົນໃນປີກາຍນີ້ກໍ່ໄດ້ຮັບຄວາມຄືບໜ້າອັນຕັ້ງໜ້າ.
ໃນດ້ານການຮັບປະກັນແລະປັບປຸງຊີວິດການເປັນຢູ່,ເວົ້າໄດ້ວ່າ,ປີກາຍນີ້ໄດ້ຮັບຜົນສໍາເລັດອັນຊັດເຈນທີ່ສຸດ,ປະຊາຊົນໄດ້ຮັບຜົນປະໂຫຍດຫລາຍທີ່ສຸດ.ກ່ອນອື່ນແມ່ນການປະກອບອາຊີບ,ໃນປີກາຍນີ້,ໃນຕົວເມືອງໄດ້ເພີ່ມການປະກອບອາຊີບ11ລ້ານ2ໝື່ນຕໍາແໜ່ງ,ຫລາຍກວ່າເປົ້າໝາຍທີ່ຕັ້ງໄວ້ໃນຕົ້ນປີກາຍນີ້.ໃນດ້ານການປະກັນສັງຄົມ,ໄດ້ປັບປຸງລະບຽບການຂອງການປະກັນບໍານານແລະການປະກັນສຸຂະພາບໃຫ້ສົມບູນຕື່ມອີກ,ຈໍານວນຄົນທີ່ເຂົ້າຮ່ວມການປະກັນໄພໄດ້ເພີ່ມຂຶ້ນ.ໃນດ້ານການຊຸກຍູ້ຄວາມຍຸດຕິທໍາຂອງການສຶກສາ,ພວກເຮົາສືບຕໍ່ປະຕິບັດນະໂຍບາຍຫລຸຫລືຍົກເວັ້ນຄ່າຫລືສະໜອງເງິນອຸດໜູນໃນການສຶກສາພາກບັງຄັບ.ໃນດ້ານການສຶກສາຊັ້ນກາງແລະອາຊີວະສຶກສາ,ພວກເຮົາໄດ້ຍົກເວັ້າຄ່າຮຽນຂອງນັກສຶກສາຊົນນະບົດທີ່ທຸກຍາກແລະຄ່າຮຽນຂອງວິຊາກ່ຽວກັບກະສິກໍາ.ໃນດ້ານການປິ່ວປົວແລະຮັກສາສຸຂະພາບ,ພວກເຮົາໄດ້ວາງແຜນກ່ຽວກັບການປະຕິຮູບລະບຽບການປິ່ວປົວແລະຮັກສາສຸຂະພາບ,ເຮັດໃຫ້ບັນຫາທີ່"ໄປຫາໝໍຍາກແລະຄ່າຮັກສາແພງ"ຂອງປະຊົນຊົນໄດ້ຜ່ອນຍານລົງ.
ວັນທີ 5 ມີນານີ້, ໃນບົດລາຍງານວຽກງານຂອງລັດຖະບານທີ່ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວຕໍ່ສະພາປະຊາຊົນແຫ່ງຊາດຈີນ, ທ່ານກ່າວວ່າ, ການປັບປຸງຊີວິດການເປັນຢູ່ຂອງປະຊາຊົນແມ່ນເປົ້າໝາຍພື້ນຖານຂອງການພັດທະນາເສດຖະກິດຂອງຈີນ, ປີ 2010, ລັດຖະບານຈີນຈະຮັບປະກັນແລະປັບປຸງຊີວິດການເປັນຢູ່ຂອງປະຊາຊົນຕື່ມອີກ. ວັນທີ 6 ມີນານີ້, ໃນກອງປະຊຸມຂ່າວ, ທ່ານເຊ້ຍຊູ້ເຢິນ, ລັດຖະມົນຕີວ່າການກະຊວງການເງິນຈີນກ່າວວ່າ, ປີນີ້, ການເງິນຈີນຈະເພີ່ມງົບປະມານແລະການສະໜັບສະໜູນຕໍ່ຂົງເຂດຊີວິດການເປັນຢູ່ຕື່ມອີກ. ທ່ານກ່າວວ່າ:
"ປີນີ້, ລັດຖະບານກາງຈະລົງທຶນຕໍ່ຂົງເຂດສາທາລະນະ 992 ຕື້ 700 ລ້ານຢວນ, ສະໜັບສະໜູນພື້ນຖານໂຄງລ່າງກະສິກຳແລະໂຄງການຊີວິດການເປັນຢູ່ຂອງຊົນນະບົດ, ສະໜັບສະໜູນການສ້າງເຮືອນຢູ່ລັກສະນະຮັບປະກັນ, ຊຸກຍູ້ການພັດທະນາຂອງວຽກງານສັງຄົມຕ່າງໆ, ເຊັ່ນ: ການສຶກສາ, ສາທາລະນະສຸກແລະວັດທະນະທຳເປັນຕົ້ນ, ສະໜັບສະໜູນການປະຢັດພະລັງງານອະນຸລັກສິ່ງແວດລ້ອມແລະການສ້າງຊີວະພາບ, ການປະດິດສ້າງໃໝ່ເປັນເຈົ້າຕົນເອງແລະການສັບຊ້ອນອົງປະກອບຂອງວິສາຫະກິດ. ຈີນຈະປັບປຸງອົງປະກອບການໃຊ້ງົບປະມານໃຫ້ດີຂຶ້ນ, ຮັບປະກັນແລະປັບປຸງຊີວິດການເປັນຢູ່ຂອງປະຊາຊົນຢ່າງແທ້ຈິງ. ເພີ່ມງົບປະມານຕໍ່ຂົງເຂດບໍລິການສາທາລະນະສຸກຕື່ມອີກ, ປັບປຸງຊີວິດການເປັນຢູ່ຂອງປະຊາຊົນແລະຊຸກຍູ້ການພັດທະນາວຽກງານສັງຄົມຕື່ມອີກ."
ເງື່ອນໄຂພື້ນຖານຂອງການປັບປຸງຊີວິດການເປັນຢູ່ຂອງປະຊາຊົນແມ່ນການເພີ່ມລາຍໄດ້ຂອງປະຊາຊົນ. ໃນບົດລາຍງານວຽກງານລັດຖະບານ, ທ່ານເວີ່ນເຈ່ຍປາວໄດ້ບັນລະຍາຍບັນຫາແບ່ງປັນລາຍໄດ້ຢ່າງເປັນພິເສດ, ທ່ານກ່າວວ່າ, ລະບົບແບ່ງປັນລາຍໄດ້ທີ່ສົມເຫດສົມຜົນແມ່ນການສະແດງໃຫ້ເຫັນເຖິງຄວາມຍຸດຕິທຳຂອງສັງຄົມຢ່າງສຳຄັນ, ບໍ່ພຽງແຕ່ຕ້ອງເພີ່ມຊັບສິນສັງຄົມໂດຍຜ່ານການພັດທະນາເສດຖະກິດເທົ່ານັ້ນ, ຍັງຕ້ອງແບ່ງປັນຜົນດ້ວຍລະບົບແບ່ງປັນລາຍໄດ້ທີ່ສົມເຫດສົມຜົນໃຫ້ດີ. ວັນທີ 6 ມີນານີ້, ທ່ານຈ່າງພີງ, ຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນກໍ່ກ່າວວ່າ, ໃນຂະບວນການພັດທະນາເສດຖະກິດໃນຕໍ່ໜ້າ, ຈີນຍັງຕ້ອງເພີ່ມການປັບປຸງມະຫາພາກຕໍ່ການແບ່ງປັນລາຍໄດ້, ເຮັດໃຫ້ການແບ່ງປັນລາຍໄດ້ຂອງປະຊາຊົນສົມເຫດສົມຜົນ.
