ຕາມຂ່າວສານຊີນຮວາ: ພິທີໄຂຊຸດອົບຮົມຜູ້ອຳນວຍການໃຫຍ່ທີ່ມີຫົວຂໍ້ວ່າ"ປັນຍາທາງດ້ານການຄຸ້ມຄອງຕາເວັນອອກຕາເວັນຕົກ"ຂອງມະຫາວິທະຍາໄລຊິງຮວາຈີນໄດ້ຈັດຂຶ້ນຢູ່ສະໂມສອນມິດມະຫາວິທະຍາໄລວິທະຍາສາດການຊ່າງໜານຢາງສິງກະໂປໃນຕອນຄ່ຳວັນທີ 7 ມີນານີ້. ແຂກຜູ້ມີກຽດປະມານ 200 ທ່ານທີ່ມາຈາກມະຫາວິທະຍາໄລຊິງຮວາ, ວົງການສຶກສາ, ວົງການວັດທະນະທຳ, ແລະວົງການອຸດສາຫະກຳການຄ້າຂອງສິງກະໂປໄດ້ເຂົ້າຮ່ວມພິທີດັ່ງກ່າວ.
ສຳມະນາກອນຂອງຊຸດອົບຮົມດັ່ງກ່າວແມ່ນປະທານຫຼືຜູ້ອຳນວຍການໃຫຍ່ບໍລິສັດທີ່ມາຈາກຈີນແລະປະເທດຕ່າງໆໃນອາຊຽນຄືສິງກະໂປ, ມະເລເຊຍ, ຟິລິບປິນ, ແລະໄທເປັນຕົ້ນ, ພ້ອມດ້ວຍເຈົ້າໜ້າທີ່ລະດັບວາງນະໂຍບາຍຂອງວົງການຕ່າງໆແລະເຈົ້າໜ້າທີ່ລັດຖະບານຂອງປະເທດເຫຼົ່ານີ້.
ທ່ານຫູຕົ່ງເສີງ, ຮອງຫົວໜ້າຄະນະກຳມະການມະຫາວິທະຍາໄລຊິງຮວາກ່າວວ່າ, ມະຫາວິທະຍາສາດຊີງຮວາມີປະສົບການທີ່ດີງາມຄືວິຊາຈີນກັບວິຊາຕາເວັນຕົກ, ວິຊາບູຮານກັບວິຊາສະໄໝໃໝ່ປະສົມປະສານເຂົ້າກັນລະຫວ່າງວັນນະຄະດີແລະວິທະຍາສາດ. ໃນຖານະເປັນມະຫາວິທະຍາໄລທີ່ມີຊື່ສຽງ, ມະຫາວິທະຍາໄລຊີງຮວາຫວັງຢາກຈັດການເຄື່ອງໄຫວຕ່າງໆຄືຊຸດອົບຮົມເພື່ອປະກອບສ່ວນເຂົ້າໃນານຂະຫຍາຍສາຍພົວພັນມິດຕະພາບລະຫວ່າງຈີນກັບສິງກະໂປ.
