ຈີນເລັ່ງລັດບາດກ້າວຍົກລະດັບອຸດສາຫະກຳໃຫ້ໄວຂຶ້ນ
(GMT+08:00) 2010-03-09 16:39:27 cri
ໃນເວລາທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ລາຍງານວຽກງານ ຂອງລັດຖະບານໃນກອງປະຊຸມສະພາຜູ່ແທນປະຊາຊົນແຫ່ງຊາດຈີນປະຈຳປີ ໃນຫວ່າງມໍ່ໆມານີ້,,ທ່ານຊີ້ອອກວ່າ, ປີນີ້ແມ່ນປີທີ່ສັບສົນຫຼາຍເພື່ອ ສືບຕໍ່ຮັບມືກັບວິກິດການການເງິນສາກົນ,ຮັກສາໃຫ້ເສດຖະກິດພັດທະນາຢ່າງຫມັ້ນທ່ຽງແລະໄວສົມຄວນ ແລະເລັ່ງລັດຫັນປ່ຽນຮູບການພັດທະນາເສດ ຖະກິດໃຫ້ໄວຂຶ້ນ. ຄຳເວົ້າຂອງທ່ານເວີ່ນເຈ່ຍປາວໄດ້ເຮັດໃຫ້ມີສຽງສະທ້ອນຢ່າງກວ້າງຂວາງ, ໃນເວລາສະມາຊິກຈຳນວນຫນຶ່ງຂອງສະພາປຶກສາການເມືອງປະຊາຊົນແຫ່ງຊາດຈີນໃນວົງການເສດຖະກິດ ໃຫ້ສຳພາດ ຕໍ່ນັກຂ່າວນັ້ນ, ພວກເພິ່ນລ້ວນແຕ່ກ່າວວ່າ, ການຍົກລະດັບອຸດສາຫະກຳໃຫ້ໄວຂຶ້ນ ແມ່ນບາດກ້າວທີ່ສຳຄັນໃນການຫັນປ່ຽນຮູບການພັດທະນາຂອງເສດຖະກິດ, ປະຈຸບັນ,ການປັບປຸງຂະແຫນງການດັ້ງເດີມໃຫ້ດີຂຶ້ນໃນປະຈຸບັນນັ້ນພວມດຳເນີນໄປຢ່າງຮີບດ່ວນ, ສ່ວນສະພາບແວດລ້ອມພັດທະນາ ຂອງຂະແຫນງການທີ່ຈະເລີນໃຫມ່ເຊັ່ນວ່າ: ເສດຖະກິດທີ່ລະບາຍກາກບອນຕ່ຳ, ການອະນຸລັກສິ່ງແວດລ້ອມແລະອື່ນໆ ກໍ່ໄດ້ປັບປຸງໃຫ້ສົມບູນຂຶ້ນເທື່ອລະກ້າວ, ອັນໄດ້ສ້າງພື້ນຖານອັນຫນັກແຫນັ້ນ ໃຫ້ແກ່ການພັດທະນາເສດຖະກິດແບບຍືນຍົງ. ຕໍ່ໄປເຊີນທ່ານຟັງລາຍລະອຽດກ່ຽວກັບເລື່ອງນີ້:
ປີ 2008, ວິກິດການການເງິນສາກົນທີ່ນັບມື້ນັບຫນັກຫນ່ວງ ໄດ້ເຮັດໃຫ້ຂະແຫນງການໂລຫະມີສີຂອງຈີນ ໄດ້ຮັບຜົນກະທົບຢ່າງຮຸນແຮງ, ປີ 2009, ເພື່ອຊ່ອຍເຫຼືອໃຫ້ຂະແຫນງການໂລຫະມີສີ ຮັບມືກັບວິກິດການການເງິນເທື່ອນີ້, ລັດຖະບານຈີນໄດ້ເຜີຍແຜ່ແຜນການປັບປຸງແລະຟື້ນຟູຄວາມຈະເລີນຂອງອຸດສາຫະກຳໂລຫະມີສີ, ແລະປະກາດໃຊ້ມາດຕະການຕ່າງໆ ເຊັ່ນວ່າ: ເພີ່ມການປັບປຸງດັດສ້າງເຕັກນິກໃຫ້ດີຂຶ້ນ, ຢຸດຕິຂະແຫນງການຈຳນວນຫນື່ງທີ່ມີຄວາມສາມາດຜະລິດຫຼ້າຫຼັງ ,ພັດທະນາເສດຖະກິດຫມູນວຽນແລະອື່ນໆ,ອັນໄດ້ເຮັດໃຫ້ວິສາກະກິດໂລຫະມີສີ ໄດ້ຜ່ານຜ່າວິກິດການການເງິນຢ່າງຫມັ້ນທ່ຽງ.
ການກະທຳທັງຫມົດເຫຼົ່ານີ້ໄດ້ເຮັດໃຫ້ທ່ານຫຼີເພີ້ຍຊິ່ງ, ສະມາຊິກສະພາປຶກສາການເມືອງປະຊາຊົນແຫ່ງຊາດທີ່ເປັນປະທານຄະນະອຳນວຍການ ຂອງກຸ່ມບໍລິສັດໂລຫະເງິນຫຸ້ນສ່ວນແຂວງກັ່ນຊູ ໄດ້ເລີ່ມພິຈາລະນາໃຫ້ກ່ຽວກັບຮູບການພັດທະນາຂອງຂະແຫນງການໂລຫະມີສີທັງຫມົດ. ທ່ານເຫັນວ່າ, ເຖິງວ່າຜົນກະທົບຂອງວິກິດການການເງິນພວມຜ່ອນຄາຍລົງກໍ່ຕາມ, ແຕ່ການຍົກລະດັບອຸດສາຫະກຳຂອງຂະແຫນງການທັງຫມົດຄວນຊຸກຍູ້ໃຫ້ໄວຂຶ້ນ.
"ເວົ້າລວມແລ້ວຂະແໜງການໂລຫະມີສີແມ່ນຂະແໜງການພວມພັດທະນາ. ຈຳນວນຕ້ອງການສະເລ່ຍຕາມຫົວຄົນໃນທົ່ວປະເທດໄດ້ເພີ່ມຂຶ້ນ 10%ຫາ20%ຕໍ່ປີ. ແຕ່ວ່າຂະແໜງການໂລຫະມີສີທີ່ເປັນຂະແໜງການຕ້ອງໃຊ້ຊັບພະຍາກອນ, ປະຈຸບັນຢູ່ປະເທດພວກເຮົາພວມປະເຊີນກັບສະພາບຂາດເຂີນວັດຖຸດິບຫຼາຍ,ສະນັ້ນແຮງກົດດັນດ້ານຊັບພະຍາກອນແລະດ້ານສິ່ງແວດລ້ອມຈິ່ງມີຫຼາຍສົມຄວນ.ໃນສະພາບດັ່ງກ່າວ,ບັນຫາຍົກລະດັບຂອງຂະແໜງການຈິ່ງສຳຄັນທີ່ສຸດ."
ທ່ານຫຼີ້ຕ້າວຄຸຍ, ສະມາຊິກສະພາປຶກສາການເມືອງແຫ່ງຊາດຈີນ, ສາດສະດາຈານສະຖາບັນຄຸ້ມຄອງເສດຖະກິດຂອງມະຫາວິທະຍາໄລຊິງຮວາເຫັນດີນຳທັດສະນະຂອງທ່ານຫຼີ້ເພ້ຊິງ.ທ່ານຊີ້ອອກວ່າ, ປະຈຸບັນ,ຮູບການພັດທະນາຂອງເສດຖະກິດຈີນລວມທັງຂະແໜງການໂລຫະມີສີລ້ວນແຕ່ຕ້ອງການການປ່ຽນແປງ. ຖ້າວ່າອາໄສໂຄງປະກອບອຸດສາຫະກຳທີ່ໃຊ້ແຮງງານແລະການລົງທຶນຫຼາຍເປັນຕົ້ນຕໍແລ້ວ,ກໍຈະບໍ່ມີຜົນດີຕໍ່ການປ້ອງກັນຄວາມສ່ຽງຍ້ອນການປ່ຽນແປງຂອງເສດຖະກິດໂລກຢ່າງບັງເກີດຜົນ.
ການປ່ຽນແປງຮູບການພັດທະນາເສດຖະກິດ, ບໍ່ສາມາດຫຼົບຫຼີກອຸດສາຫະກຳດັ້ງເດີ່ມຂອງຈີນ. ທ່ານໂຈ່ວຈົ່ງຊູ່, ສະມາຊິກສະພາປຶກສາການເມືອງແຫ່ງຊາດປະທານກຸ່າບໍລິສັດແຮ່ທັງ 5 ຂອງຈີນຊີ້ອອກວ່າ, ຍ້ອນວ່າອຸດສາຫະກຳດັ້ງເດີ່ມກວມອັດຕາອ່າວສູງໃນເສດຖະກິດ, ມີຜູ້ເຮັດວຽກທາງດ້ານນີ້ກໍຫຼາຍ, ສະນັ້ນຈີນຕ້ອງອອກແຮງຊຸກຍູ້ໃຫ້ຂະແໜງການນີ້ໄດ້ຮັບການຍົກລະດັບ, ນີ້ກໍແມ່ນຄວາມຕ້ອງການປ່ຽນແປງຮູບການພັດທະນາເສດຖະກິດ, ກໍແມ່ນຄວາມຕ້ອງການທີ່ຮັກສາເພື່ອຮັກສາສະຖຽນລະພາບຂອງສັງຄົມແລະປະຕິບັດນະໂຍບາຍສ້າງຄວາມສຸກໃຫ້ແກ່ປະຊາຊົນ, ທ່ານສະເໜີວ່າ: "ອັນທີໜຶ່ງແມ່ນຄວນເອົາໃຈໃສ່ນຳໃຊ້ເຕັກນິກທັນສະໄໝດັດແປງອຸດສາຫະກຳດັ້ງເດີມດັ່ງກ່າວ,ເຮັດໃຫ້ອຸດສາຫະກຳດັ້ງເດີມແລະອຸດສາຫະກຳພື້ນຖານນີ້ໄດ້ຮັບການປະດິດສ້າງໃໝ່;ອັນທີສອງແມ່ນເອົາໃຈໃສ່ສ້າງຖານະທ່າແຮງໃຫ້ແກ່ອຸດສາຫະກຳດັ້ງເດີມຂອງຈີນຢູ່ໃນການແບ່ງງານສາກົນ,ປົກປ້ອງແລະເປີດກວ້າງຜົນປະໂຫຍດດ້ານເສດຖະກິດຂອງຈີນ;ອັນທີສາມແມ່ນເອົາໃຈໃສ່ອັດຕາປະກອບສ່ວນຕໍ່ສັງຄົມຂອງອຸດສາຫະກຳດັ້ງເດີມ,ໃຫ້ຊັກນຳການປະກອບອາຊີບ,ການເກັບສ່ວຍສາອາກອນແລະການເຕີບໂຕຂອງ GDP;ອັນທີສີ່ແມ່ນເອົາໃຈໃສ່ໃຫ້ຜູ່ປະກອບອາຊີບໃນອຸດສາຫະກຳນີ້ມີລາຍໄດ້ເພີ່ມຂຶ້ນ."ບັນຫາສະມາຊິກສະມາຊິກສະພາປຶກສາການເມືອງເອົາໃຈໃສ່ນັ້ນໄດ້ດຶງດູດຄວາມສົນໃຈໃນລະດັບສູງຂອງລັດຖະບານຈີນ.ໃນບົດລາຍງານວຽກງານລັດຖະບານຂອງທ່ານນາຍົກເວີ່ນເຈ່ຍປາວໄດ້ວາງແຜນການລະອຽດຕໍ່ການຫັນປ່ຽນຮູບການພັດທະນາເສດຖະກິດ,ນີ້ໝາຍຄວາມວ່າ ການປັບປຸງໂຄງປະກອບເສດຖະກິດແລະຫັນປ່ຽນຮູບການພັດທະນາຈະກາຍເປັນບັນຫາຫຼັກຂອງເສດຖະກິດຈີນໃນປີນີ້.ທ່ານນາຍົກເວີ່ນເຈ່ຍປາວກ່າວວ່າ:"ການຫັນປ່ຽນຮູບການພັດທະນາເສດຖະກິດແມ່ນເລື່ອງທີ່ຊັກຊ້າບໍ່ໄດ້.ຄວນອອກແຮງຊຸກຍູ້ໃຫ້ເສດຖະກິດເຂົ້າສູ່ວົງໂຄຈອນພັດທະນາຢ່າງໝັ້ນທ່ຽງແລະຕໍ່ເນື່ອງທີ່ຖືການປະດິດສ້າງເປັນພະລັງແຮງແລະບໍ່ຕ້ອງອາໄສພະລັງແຮງຈາກພາຍນອກ.ຄວນສືບຕໍ່ຊຸກຍູ້ການປັບ ປຸງອຸດສາຫະກຳຈຸດໜັກໃຫ້ຈະເລີນ;ອອກແຮງກໍ່ສ້າງອຸດສາຫະກຳຈະເລີນໃໝ່ທີ່ມີລັກສະ ນະຍຸດທະສາດ;ຊຸກຍູ້ໃຫ້ວິສາຫະກິດຂະໜາດກາງແລະຂະໜາດນ້ອຍພັດທະນາຕື່ມອີກ;ເລັ່ງລັດພັດທະນາອຸດສາຫະກຳບໍລິການ;ຍຶດໝັ້ນເຮັດວຽກງານປະຢັດພະລັງງານແລະຫຼຸດການລະບາຍມົນລະພິດໃຫ້ໜ້ອຍລົງເປັນຢ່າງດີ;ຊຸກຍູ້ໃຫ້ເສດຖະກິດຂອງພາກຕ່າງໆພັດທະນາຢ່າງສະໝ່ຳສະເໝີກັນ."
