ເດືອນພະຈິກປີກາຍນີ້, ລັດຖະບານຈີນປະກາດວ່າ, ຮອດປີ 2020, ຫົວໜ່ວຍ GDPຂອງຈີນລະບາຍກາກບອນດີອັອກສິດຫຼຸດລົງ 40%ຫາ45%ທຽບກັບປີ 2005, ແລະຖືເປົ້າໝາຍດັ່ງກ່າວເປັນຕົວເລກຄາດໝາຍຈຳກັດ, ຈັດເຂົ້າໃນແຜນການພັດທະນາເສດຖະກິດສັງຄົມໄລຍະກາງແລະຍາວ. ໃນກອງປະຊຸມປະຈຳປີຂອງສະພາຜູ້ແທນປະຊາຊົນແຫ່ງຊາດຈີນທີ່ພວມຈັດຂຶ້ນຢູ່ປັກກິ່ງ, ວິສາຫະກິດຄວນເຂົ້າຮ່ວມເສດຖະກິດທີ່ລະບາຍກາກບອນໜ້ອຍແນວໃດໄດ້ກາຍເປັນຫົວຂໍ້ທີ່ຜູ້ແທນທັງຫຼາຍສົນໃຈຫຼາຍ.
ໃນບົດລາຍງານວຽກງານຂອງລັດຖະບານທີ່ທ່ານເວີນເຈ່ຍປາວ, ນາຍົກລັດຖະມົນ ຕີຈີນເຮັດນັ້ນ, ກ່າວໃນກອງປະຊຸມສະພາແຫ່ງຊາດປີນີ້, ອຸດສາຫະກຳໄດ້ຖືກຈັດໄວ້ຢູ່ຖານະລຳດັບໜຶ່ງໃນຂົງເຂດສຳຄັນຂອງການປະຢັດພະລັງງານແລະລະບາຍອາຍພິດເຮືອນແກ້ວ, ນີ້ແມ່ນຍ້ອນວ່າໃນເວລາທີ່ອຸດສາຫະກຳຈີນໄດ້ສ້າງGDP 40%ຂຶ້ນໄປໃນແຕ່ລະປີນັ້ນໄດ້ສິ້ນເປືອງພະລັງງານປະມານ 70%, ນອກນັ້ນ, ຄວາມຕ້ອງການອັອກຊີທາງເຄມີແລະການລະບາຍຊຸນເຟີດີອັອກສິດຂອງອຸດສາຫະກຳກໍໄດ້ກວມປະມານ 40%ແລະ80%ກວ່າຂອງຍອດຈຳນວນການລະບາຍຂອງທົ່ວປະເທດ, ບັນຫາມົນລະພິດກໍພົ້ນເດັ່ນຫຼາຍ. ພາຍໃຕ້ແຮງກົດດັນປະຢັດພະລັງງານແລະຫຼຸດການລະບາຍຢ່າງໃຫຍ່ຫຼວງ, ວິສາຫະກິດອຸດສາຫະກຳຈີນພວມເພີ່ມການລົງທຶນຢ່າງຕັ້ງໜ້າ, ສຸມກຳລັງເພື່ອປະຢັດພະລັງງານແລະຫຼຸດການລະບາຍໃຫ້ໜ້ອຍລົງ.
ທ່ານເຕີ້ງສີລິນ, ຜູ້ແທນຂອງວິສາຫະກິດຂາງແລະເຫຼັກກ້າ, ຜູ້ແທນສະພາປະຊາຊົນແຫ່ງຊາດ, ຜູ້ອຳນວຍການໃຫຍ່ຂອງກຸ່ມບໍລິສັດຂາງແລະເຫຼັກກ້າອູຮ້ານກ່າວວ່າ:
"ໃນໂຄງການລົງທຶນໃນແຜນການ 5 ປີຄັ້ງທີ 11ຂອງກຸ່ມບໍລິສັດຂາງແລະເຫຼັກກ້າອູຮ້ານມີ 12% ແມ່ນໃຊ້ໃນການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວເພື່ອອະນຸລັກສິ່ງແວດລ້ອມ. ການນຳໃຊ້ນ້ຳໝູນວຽນໄດ້ຮອດ 98%ແລ້ວ. ໄຟຟ້າທີ່ໃຊ້ໃນການຜະລິດຂອງພວກເຮົາມີ 47% ແມ່ນການເກັບຄືນອາຍແກັສແລ້ວຜະລິດເປັນໄຟຟ້າ."
ໂດຍແນໃສ່ລັດຖະບານຈີນໄດ້ວາງເປົ້າຫມາຍປະຢັດພະລັງງານແລະຫຼຸດການລະບາຍມົນລະພິດ, ວິສາຫະກິດດັ້ງເດີມທີ່ສິ້ນເປືອງພະລັງ ງານຫຼາຍ,ລະບາຍມົນລະພິດຢ່າງຫນັກຫນ່ວງ ຄວນໃຊ້ຮູບການປະຢັດພະລັງງານ,ເພື່ອເຮັດໃຫ້ການສິ້ນເປືອງພະລັງງານແລະລະບາຍມົນລະພິດໃຫ້ຫນ້ອຍລົງ. ຄັນຊັ້ນ, ເວົ້າສຳລັບວິສາຫະກິດທີ່ໃຊ້ພະລັງງານໃຫມ່ ແລະມີເຕັກນິກສູງແລະໃຫມ່ແລ້ວ, ລັດຖະບານຈີນຈຶ່ງໄດ້ອອກແຮງ ຊຸກຍູ້ໃຫ້ປະຢັດພະລັງງານແລະຫຼຸດການລະບາຍມົນລະພິດ, ນີ້ໄດ້ສ້າງໂອກາດທີ່ດີໃຫ້ແກ່ການເປີດກວ້າງແຫຼ່ງຊັບພະຍາກອນອັນມະຫາສານ.
ນາງຫຼີສິ້ວລິນ, ຮອງຜູ່ຈັດການໃຫຍ່ຂອງກຸ່ມບໍລິສັດລົງທຶນພະລັງ ໄຟຟ້າ ທັງເປັນປະທານຄະນະອຳນວຍການຂອງບໍລິສັດພະລັງໄຟຟ້າສາກົນຈີນຈຳກັດ ກ່າວວ່າ, ວິສາຫະກິດທີ່ນາງເຮັດວຽກຢູ່ນັ້ນ ໄດ້ດຳເນີນຫຼາຍໂຄງການພະລັງໄຟຟ້າສະອາດ ຢູ່ແຫ່ງຕ່າງໆຂອງຈີນ.
"ມາຮອດປະຈຸບັນ, ພວກເຮົາໄດ້ພັດທະນາການຜະລິດໄຟຟ້າດ້ວຍພະລັງລົມ ດ້ວຍຂີ້ເຫຍື້ອ,ພະລັງງານແສງຕາເວັນແລະວັດຖຸຊີວະຊາດຢູ່ໃນຂອບເຂດທົ່ວປະເທດ ຄື:ມີປະມານ 20 ກວ່າ 11 ແຂວງ,ກຳແພງນະຄອນແລະເຂດປົກຄອງຕົນເອງ. ພວກເຮົາໄດ້ຕິດຕັ້ງຈັກຜະລິດໄຟຟ້າດ້ວຍພະ ລັງງານລົມມີ 10 ລ້ານກິໂລວັດ, ນອກນີ້ ,ພວກເຮົາຍັງມີໂຮງຜະລິດໄຟຟ້າດ້ວຍຂີ້ເຫຍື້ອທີ່ມີຂະຫນາດໃຫຍ່ທີ່ສຸດໃນທົ່ວປະເທດ. ຫວ່າງມໍ່ໆນີ້, ພວກເຮົາໄດ້ເຊັນສັນຍາຢູ່ແຂວງໄຫຫຼຳເພື່ອສ້າງເຂດວິທະຍາສາດເຕັກໂນໂລຊີພະລັງງານໃຫມ່ຊີວະພາບທີ່ລະບາຍກາກບອນຕ່ຳ, ແລະນຳໃຊ້ຫມາກຜົນທີ່ຄົ້ນຄວ້າພັດທະນາພະລັງງານແສງຕາເວັນທີ່ທັນສະໄຫມໃນໂລກແລະຜະລິດຕະພັນໃຫມ່ທີ່ຜະລິດໄຟຟ້າ ດ້ວຍພະລັງລົມຄ່ອຍໆຢູ່ແຫ່ງນີ້."
ປະຈຸບັນ, ຈີນໄດ້ມີວິສາຫະກິດລົດຍົນ 30 ກວ່າແຫ່ງເລີ່ມລົງມືຄົ້ນຄວ້າພັດທະນາລົດຍົນທີ່ນຳໃຊ້ພະລັງງານໃຫມ່, ຄື: ລົດເກ໋ງ, ລົດຕູ້,ລົດທຳຄວາມສະອາດຕາມຖະຫນົນຫົນທາງແລະອື່ນໆ
ເຖິງວ່າວິສາຫະກິດຈີນມີຄວາມຫ້າວຫັນຫລາຍໃນການເຂົ້າຮ່ວມການສ້າງສາເສດຖະກິດທີ່ລະບາຍກອກບອນຕ່ຳກໍ່ຕາມ, ແຕ່ກໍ່ບໍ່ສາມາດປົກປິດຄວາມຫຍຸ້ງຍາກທີ່ຈີນປະເຊີນໃນດ້ານການປະຢັດພະລັງງານແລະຫລຸດການລະບາຍມົນລະພິດ.ສະນັ້ນ, ສະມາຊິກສະພາຜູ່ແທນແຫ່ງຊາດຫລາຍທ່ານໄດ້ສະເຫນີຂໍ້ສະເຫນີກກ່ຽວກັບການຊຸກຍູ້ການພັດທະນາເສດຖະກິດທີ່ລະບາຍກອກບອນຕ່ຳຈາກດ້ານຕ່າງໆ,ເຊິ່ງກ່ຽວພັນເຖິງການເພີ່ມຄວາມແຮງໃນການສະຫນັບສະຫນູນຂະແຫນງການຜະລິດວັດຖຸດິບໃຫມ່ທີ່ມີກາກບອນຫນ້ອຍ,ຄົ້ນຄວ້າແລະພັດທະນາອຸດສາຫະກຳກາກບອນຫນ້ອຍ,ສ້າງມາດຖານອະນຸມັດຂະແຫນງການທີ່ກ່ຽວຂ້ອງແລະອື່ນໆ.
ໃນກອງປະຊຸມຂ່າວທີ່ສະພາຜູ່ແທນປະຊາຊົນແຫ່ງຊາດຈີນຈັດຂຶ້ນ,ທ່ານເຊ້ຍເຈີ້ນຫວາ,ຮອງຫົວຫນ້າຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ:ໃນຕໍ່ຫນ້ານີ້,ຈະເລັ່ງລັດການເຜີຍແຜ່ເຕັກນິກແລະຜະລິດຕະພັນທີ່ປະຢັດພະລັງງານແລະຫລຸດການລະບາຍມົນລະພິດ,ສືບຕໍ່ປະຕິບັດໂຄງການຜະລິດຕະພັນປະຢັດພະລັງງານທີ່ສ້າງຜົນປະໂຫຍດໄປໃຫ້ປະຊາຊົນ.ບົນພື້ນຖານທີ່ເຜີຍແຜ່ເຄື່ອງປັບອາກາດແລະໄຟຟ້າທີ່ປະຢັດພະລັງງານແລ້ວ, ປີນີ້ຍັງຈະປະກາດໃຊ້ວິທີໃຫ້ການອຸດຫນູນດ້ານການເງິນຕໍ່ຜະລິດຕະພັນລົດເກັ໋ແລະເຄື່ອງຈັກທີ່ປະຢັດພະລັງງານອີກ,ຈະວາງນະໂຍບາຍແບບລະດົມໃຈ.ການສ້າງນະໂຍບາຍເສດຖະກິດທີ່ສົມບູນ, ຊຸກຍູ້ການປະຕິຮູບລາຄາຂອງຜະລິດຕະພັນຊັບພະຍາກອນແລະການເກັບຄ່າດ້ານການອະນຸລັກສິ່ງແວດລ້ອມຢ່າງຫນັກແຫນ້ນ,ຕັ້ງຫນ້າຜັນຂະຫຍາຍນະໂຍບາຍການເງິນແລະເກັບສ່ວຍສາອາກອນຂອງລັດທີ່ສະຫນັບສະຫນູນການປະຢັດພະລັງງານແລະຫລຸດການລະບາຍມົນລະພິດຢ່າງຕັ້ງຫນ້າ,ເພີ່ມລັກສະນະເປັນເຈົ້າການຂອງວິສາຫະກິດໃນດ້ານນີ້.
