ຕາມຂ່າວcri:ໂດຍຕອບສະໜອງຕາມຄຳເຊີນຂອງທ່ານຢາງເຈີສື້,ລັດຖະມົນຕີວ່າການກະຊວງການຕ່າງປະເທດຈີນ,ທ່ານສຸລິນ ພິດສຸວັນ,ເລຂາທິການໃຫຍ່ອາຊຽນຈະຢ້ຽມຢາມຈີນແຕ່ວັນທີ16ຫາວັນທີ22ເດືອນມີນານີ້.
ວັນທີ11ມີນານີ້,ທ່ານຊິງກ່າງ,ໂຄສົກກະຊວງການຕ່າງປະເທດຈີນກ່າວວ່າ,ໃນໄລຍະຢ້ຽມຢາມ,ທ່ານຢາງເຈີສື້,ລັດຖະມົນຕີວ່າການກະຊວງການຕ່າງປະເທດຈີນຈະພົບປະເຈລະຈາກັບທ່ານສຸລິນ ພິດສຸວັນ.ຈີນຫວັງວ່າການຢ້ຽມຢາມເທື່ອນີ້ຈະຊຸກຍູ້ການພັດທະນາຂອງການພົວພັນລະຫວ່າງຈີນແລະກອງເລຂາອາຊຽນ,ແລະການພົວພັນຄູ່ຮ່ວມມືຍຸດທະສາດລະຫວ່າງຈີນອາຊຽນ.
ທ່ານຊິງກ່າງຍັງຊີ້ອອກວ່າ,ຫຼັງຈາກກົນໄກເຈລະຈາຈີນອາຊຽນຫຼືອາຊຽນບວກ1ສ້າງຂຶ້ນຄົບຮອບ20ປີເປັນຕົ້ນມາ,ກໍ່ໄດ້ສ້າງກົນໄກທີ່ສຸກງ່ອມແລະຄົບຖ້ວນຊຸດໜຶ່ງ.ການຮ່ວມມືແລະການແລກປ່ຽນຢ່າງໄມຕີຈິດໃນຂົງເຂດຕ່າງໆລະຫວ່າງສອງຝ່າຍໄດ້ຮັບໝາກຜົນອັນດີງາມ.ທ່ານກ່າວວ່າ,ເຂດການຄ້າເສລີຈີນອາຊຽນໄດ້ດຳເນີນໄປດ້ວຍດີແຕ່ມື້ເປີດຄືວັນທີ1ມັງກອນປີນີ້ເປັນຕົ້ນມາ.ເດືອນມັງກອນປີນີ້,ມູນຄ່າການຄ້າລະຫວ່າງສອງຝ່າຍມີເຖິງ21ຕື້480ລ້ານໂດລາ,ເພີ່ມຂຶ້ນ80%ເມື່ອທຽບໃສ່ໄລຍະດຽວກັນຂອງປີກາຍ.ຄວາມຈິງຢັ້ງຢືນວ່າ,ການສ້າງເຂດການຄ້າເສລີຈີນອາຊຽນສອດຄ່ອງກັບຜົນປະໂຫຍດອັນພື້ນຖານຂອງສອງຝ່າຍ.
