ທະຫານຕຳຫຼວດ5ໝື່ນຄົນຂອງໄທປ້ອງກັນຄວາມສະຫງົບເພື່ອຮັບມືກັບການປະທ້ວງຂອງກຸ່ມເສື້ອແດງ
(GMT+08:00) 2010-03-12 10:54:02 cri
ຕາມຂ່າວCRI:ເພື່ອຮັບມືກັບການປະທ້ວງຢ່າງຂະໜາດໃຫຍ່ທີ່ກຸ່ມເສື້ອແດງຈະຈັດຂຶ້ນໃນວັນອາທິດນີ້,ລັດຖະບານໄທໄດ້ຈັດວາງກອງທະຫານແລະຕຳຫຼວດ5ໝື່ນຄົນປ້ອງກັນຄວາມສະຫງົບ.ສະພາບການເມືອງທີ່ບໍ່ໝັ້ນຄົງໄດ້ກະທົບກະເທືອນເຖິງເສດຖະກິດຂອງໄທ,ມີ33ປະເທດປະກາດເຕືອນຕໍ່ການໄປທ່ຽວໄທ,ຄວາມໝັ້ນໃຈຂອງຜູ່ບໍລິໂພກໄດ້ຮັບຖືກກະທົບ.
ທ່ານສຸເທບ ເທືອກສຸບັນ,ຮອງນາຍົກລັດຖະມົນຕີໄທກ່າວວ່າ,ກອງທະຫານແລະຕຳຫຼວດ ໄດ້ກຽມພ້ອມແລ້ວຢູ່ບ່ອນຈັດວາງໃນວັນທີ11ມີນານີ້.
ໃນວັນທີ12ມີນານີ້,ກຸ່ມເສື້ອແດງຈະໂຮມຊຸມນຸມປະທ້ວງຢູ່ຊານເມືອງ,ແລະຈະເຕົ້າໂຮມກັນຢູ່ບາງກອກໃນວັນອາທິດ.ຕາມກຸ່ມເສື້ອແດງຄາດຄະເນວ່າ,ຈະມີ6ແສນຄົນເຂົ້າຮ່ວມການປະທ້ວງ.ພວກເຂົາເຈົ້າຫວັງວ່າຈະໃຊ້ການປະທ້ວງເທື່ອນີ້ກົດດັນໃຫ້ລັດຖະບານ ຂອງທ່ານອະພິສິດ ເວດຊາຊີວະລາອອກ.
