 |
|
|
|||
| |
 |
|
||||||
 |
||
|
||
|
||
|
||
|
||
|
ຕາມຂ່າວCRI:ໃນໄລຍະຈັດກອງປະຊຸມສອງສະພາປີນີ້,"ການຕ້ານການສໍ້ລາດບັງຫຼວງ ແລະສົ່ງເສີມຄວາມບໍລິສຸດປອດໃສ"ໄດ້ກາຍເປັນຫົວຂໍ້ທີ່ໄດ້ຮັບຄວາມສົນໃຈຫຼາຍ.ຫວ່າງມໍ່ໆມານີ້,ຈີນໄດ້ວາງຫຼາຍມາດຕະການໃໝ່ເພື່ອລົງໂທດແລະປ້ອງກັນບໍ່ໃຫ້ເກີດການສໍ້ລາດບັງຫຼວງ,ຜູ່ນຳຈີນກໍ່ໄດ້ກ່າວເນັ້ນເທື່ອແລ້ວເທື່ອອີກຢູ່ຫຼາຍບ່ອນວ່າ,ຈະເພີ່ມທະວີວຽກງານ"ຕ້ານການສໍ້ລາດບັງຫຼວງແລະສົ່ງເສີມຄວາມບໍລິສຸດປອດໃສ",ໂດຍສະເພາະແມ່ນການສ້າງກົນໄກໃນດ້ານນີ້.
ຜູ່ຊ່ຽວຊານເຫັນວ່າ,ຄວາມພະຍາຍາມເຫຼົ່ານີ້ຈະເຮັດໃຫ້ເປົ້າໝາຍຂອງລັດຖະບານຈີນທີ່ວ່າ "ເຮັດໃຫ້ການໃຊ້ອຳນາດການປົກຄອງພາຍໃຕ້ແສງ ສະຫວ່າງ"ນັ້ນບັນລຸຄວາມເປັນຈິງໄດ້.ຕໍ່ໄປເຊີນຟັງເນື້ອໃນລະອຽດ."ລະບຽບທີ່ພະນັກງານຂັ້ນນຳລາຍງານຊັບສິນສ່ວນຕົວ"ແມ່ນຫົວຂໍ້ທີ່ຮັບຄວາມສົນໃຈ ຫຼາຍຢູ່ຈີນໃນສອງປີມານີ້.ນັບແຕ່ປີ2009ເປັນຕົ້ນມາ,ລະບຽບການນີ້ເລີ່ມທົດລອງຢູ່ຫຼາຍບ່ອນ,ເປັນຕົ້ນວ່າ:ເຂດອານໄຕຂອງຊິ່ນຈ່ຽງ,ເມືອງຊືຊີ່ຂອງແຂວງເຈີ້ຈ່ຽງ,ເມືອງກາວຊ້ຽນຂອງແຂວງເສສວນແລະເມືອງລິວຢາງຂອງແຂວງຫູນານ.ທ່ານຮວງຊ້າວລຽງ,ສະມາ ຊິກສະພາປຶກສາການເມືອງປະຊາຊົນແຫ່ງຊາດຈີນທີ່ຕິດຕາມບັນຫານີ້ຕະຫຼອດເຫັນວ່າ,ພຶດຕິກຳຕົວຈິງຢັ້ງຢືນວ່າ,ລະບຽບການນີ້ແມ່ນມີຜົນສັກສິດ.ການເຜີຍແຜ່ລະບຽບການນີ້ຢູ່ທົ່ວປະເທດໂດຍໄວ,ຈະຊ່ວຍປ້ອງກັນການສໍ້ລາດບັງຫຼວງໄດ້ເຖິງກົກຮາກ.ທ່ານຮວງຊ້າວລຽງກ່າວວ່າ:
"ເບິ່ງຈາກສະພາບການພັດທະນາຂອງຕົວເມືອງເຫຼົ່ານີ້ແລ້ວເຫັນວ່າ, ປະຈຸບັນມີບົດບານຢ່າງເດັ່ນຊັດ, ປະຊາຊົນທົ່ວໄປກໍພໍໃຈ, ກ່ອນອື່ນໝົດພະນັກງານລັດແມ່ນຜູ້ຮັບໃຊ້ຊາດ, ຄວນແຈ້ງຊັບສິນຂອງຕົນໃຫ້ປະຊາຊົນຮູ້ກ່ອນ. ເລື່ອງນີ້ຕ້ອງປະຕິບັດຢ່າງແທ້ຈິງ, ຮັບການຕິດຕາມກວດກາຂອງສື່ມວນຊົນ, ປະຊາຊົນແລະສັງຄົມ, ໃຫ້ທົ່ວສັງຄົມສາມາດຕິດຕາມຄວາມບໍລິສຸດຂາວສະອາດຂອງເຈົ້າໜ້າທີ່."
ໃນເວລາຊຸກຍູ້ຈຸດທົດລອງລະບຽບປ້ອງກັນສໍ້ລາດບາງຫຼວງ, ປີກາຍນີ້ຈີນຍັງໄດ້ວາງມາດຕະການຈຳນວນໜຶ່ງ, ຕົວຢ່າງວ່າສົ່ງເສີມການລາຍງານຂໍ້ມູນຂ່າວສານທາງອິນເຕີເນັດ, ແລະທາງໂທລະສັບກ່ຽວກັບການກະທຳສໍ້ລາດບາງຫຼວງເປັນຕົ້ນ, ເຮັດໃຫ້ປະຊາຊົນສາມາດຊ່ວຍລາຍງານການກະທຳສໍ້ລາດບາງຫຼວງ. ທ່ານເສີນຢຸນຫຼົງ, ຜູ້ແທນສະພາປະຊາຊົນແຫ່ງຊາດຈີນ, ຫົວໜ້າໄອຍະການຂອງອົງການໄອຍະການແຂວງເຈີ້ຈ່ຽງກ່າວວ່າ, ເຈົ້າໜ້າທີ່ສໍ້ລາດບັງຫຼວງຫຼາຍຄົນຖືກຈັບກໍຍ້ອນປະຊາຊົນລາຍງານຂໍ້ມູນໃຫ້.
ທ່ານເສີນຢຸນຫຼົງເຫັນວ່າ, ອອກແຮງຊຸກຍູ້ການເປີດເຜີຍວຽກງານບໍລິຫານ, ເປີດເຜີຍຂໍ້ມູນຂ່າວສານ, ສົ່ງເສີມແລະນຳພາປະຊາຊົນຮູ້ຈັກລະບຽບການວຽກງານຂອງອົງການປົກຄອງ, ແລະເຂົ້າຮ່ວມການຕິດຕາມກວດກາການນຳໃຊ້ສິດອຳນາດຢ່າງມີລະບຽບນັ້ນ, ຈະມີຜົນດີຕໍ່ການສະກັດກັ້ນການກະທຳສໍ້ລາດບາງຫຼວງ, ແລະຮັກສາຄວາມບໍລິສຸດຍຸຕິທຳ. ທ່ານສາວອີ້ຊຸນ, ສາດສະດາຈານຂອງມະຫາວິທະຍາໄລກົດໝາຍການເມືອງຈີນເຫັນດີຕໍ່ທັດສະນະດັ່ງກ່າວ. ທ່ານຊີ້ອອກຕື່ມວ່າ, ຈີນເພີ່ມທະວີວຽກງານ"ຕໍ່ຕ້ານການສໍ້ລາດບາງຫຼວງແລະສົ່ງເສີມຄວາມປອດໃສຂາວສະອາດ"ຄວນຍຶດໝັ້ນສອງຫຼັກການຄື: ອັນທີໜຶ່ງແມ່ນເປີດເຜີຍຂໍ້ມູນຂ່າວສານ, ອັນທີ່ສອງແມ່ນເຮັດໃຫ້ລະບຽບການທີ່ກ່ຽວຂ້ອງສົມບູນຂຶ້ນ.
ທ່ານກ່າວວ່າ,"ອັນທີຫນຶ່ງ:ຄວນແຈ້ງຂໍ້ມູນກ່ຽວກັບຊັບສິນຂອງເຈົ້າຫນ້າທີ່ລັດລະດັບສູງຢ່າງເປີດເຜີຍ. ຖ້າເຮັດແບບນີ້, ກໍ່ສະແດງໃຫ້ເຫັນວ່າ ປະຊາຊົນສາມາດຕິດຕາມກວດກາເຈົ້າຫນ້າທີ່ຜູ່ນີ້ໄດ້. ອັນທີສອງ: ປັບປຸງການສ້າງລະບຽບການໃຫ້ສົມບູນຂຶ້ນ, ອົງການປົກຄອງທ້ອງຖິ່ນປະຕິບັດຫນ້າທີ່ຢ່າງຖືກຕ້ອງແລະບໍ່ເຮັດວຽກໃນສີ່ງທີ່ບໍ່ເຫມາະສົມ, ນີ້ຕ້ອງມີມາດຕະຖານໃນດ້ານນີ້. ເມື່ອປັບປຸງລະບຽບການໃຫ້ສົມບູນຂຶ້ນ ກໍ່ສາມາດນຳໃຊ້ສິດອຳນາດຢ່າງແທ້ຈິງພາຍໃຕ້ລະບຽບການ. ຖ້າມີການແຈ້ງຂໍ້ມູນກ່ຽວກັບຊັບສິນຂອງເຈົ້າຫນ້າທີ່ລັດລະດັບສູງຢ່າງເປີດເຜີຍ ກໍ່ສາມາດເຮັດໃຫ້ປະຊາຊົນຮູ້ຢ່າງຈະແຈ້ງເຖິງ ອົງການປົກຄອງທ້ອງຖິ່ນນຳໃຊ້ສິດອຳນາດຕາມລະບຽບການແນວໃດ, ແລະນຳໃຊ້ສິດອຳນາດຕາມລະບຽບການຫຼືບໍ່.ຖ້າເຈົ້າຫນ້າທີ່ຜູ່ຫນຶ່ງມີການກະທຳທີ່ສໍ້ລາດບັງຫຼວງ,ກໍ່ເຮັດໃຫ້ປະຊາຊົນຊອກເຫັນໄດ້ງ່າຍ ແລະຖືກອົງການຕ້ານການສໍ້ລາດບັງຫຼວງ ກວດກາສືບສວນໄດ້."
ໃນຂະນະທີ່ຊຸກຍູ້ການສ້າງລະບຽບການຕ້ານການສໍ້ລາດບັງຫຼວງນັ້ນ, ຈີນກໍ່ໄດ້ເພີ່ມການລົງໂທດພວກສໍ້ລາດບັງຫຼວງໄດ້ຫຼາຍກວ່າເກົ່າ. ປີກາຍນີ້, ອົງການໄອຍະການຂອງຈີນໄດ້ສຳຫູວດກວດກາ ເຈົ້າຫນ້າທີ່ສູງກວ່າ ລະດັບເມືອງ ທີ່ສໍ້ລາດບັງຫຼວງ 2600 ກວ່າຄົນ, ໃນນັ້ນ, ມີເຈົ້າຫນ້າທີ່ລະດັບແຂວງແລະລັດຖະມົນຕີ 8 ຄົນ.ປີນີ້,ອົງການໄອຍະການຂອງຈີນ ຈະສືບຕໍ່ສຳສຳຫຼວດກວດກາ ແລະປ້ອງກັນບໍ່ໃຫ້ມີການສວຍໃຊ້ຖານະຕຳແຫນ່ງກະທຳຜິດ,ເພື່ອຊຸກຍູ້ການສ້າງກົນໄກລົງໂທດແລະປ້ອງກັນການສໍ້ລາດບັງຫຼວງທີ່ມີປະສິດພາບກວ່າເກົ່າ.
ໃນບົດລາຍງານວຽກງານຂອງລັດຖະບານປີນີ້,,ທ່ານເວີ່ນເຈ່ຍປາວ, ນາຍົກລັດຖະມົນຕີຈີນກ່າວເນັ້ນວ່າ,ຈີນຈະສືບຕໍ່ຖືສຳຄັນການຕ້ານການ ສໍ້ລາດບັງຫຼວງແລະເສີມສ້າງການປົກຄອງທີ່ບໍລິສຸດປອດໃສ,ເພື່ອບັນລຸ ຈຸດປະສົງທີ່ເຮັດໃຫ້ການນຳໃຊ້ສິດອຳນາດດຳເນີນໄປຢ່າງປອດໃສຂາວສະອາດ.
"ເບິ່ງຈາກສະພາບການພັດທະນາຂອງຕົວເມືອງເຫຼົ່ານີ້ແລ້ວເຫັນວ່າ, ປະຈຸບັນມີບົດບານຢ່າງເດັ່ນຊັດ, ປະຊາຊົນທົ່ວໄປກໍພໍໃຈ, ກ່ອນອື່ນໝົດພະນັກງານລັດແມ່ນຜູ້ຮັບໃຊ້ຊາດ, ຄວນແຈ້ງຊັບສິນຂອງຕົນໃຫ້ປະຊາຊົນຮູ້ກ່ອນ. ເລື່ອງນີ້ຕ້ອງປະຕິບັດຢ່າງແທ້ຈິງ, ຮັບການຕິດຕາມກວດກາຂອງສື່ມວນຊົນ, ປະຊາຊົນແລະສັງຄົມ, ໃຫ້ທົ່ວສັງຄົມສາມາດຕິດຕາມຄວາມບໍລິສຸດຂາວສະອາດຂອງເຈົ້າໜ້າທີ່."
ໃນເວລາຊຸກຍູ້ຈຸດທົດລອງລະບຽບປ້ອງກັນສໍ້ລາດບາງຫຼວງ, ປີກາຍນີ້ຈີນຍັງໄດ້ວາງມາດຕະການຈຳນວນໜຶ່ງ, ຕົວຢ່າງວ່າສົ່ງເສີມການລາຍງານຂໍ້ມູນຂ່າວສານທາງອິນເຕີເນັດ, ແລະທາງໂທລະສັບກ່ຽວກັບການກະທຳສໍ້ລາດບາງຫຼວງເປັນຕົ້ນ, ເຮັດໃຫ້ປະຊາຊົນສາມາດຊ່ວຍລາຍງານການກະທຳສໍ້ລາດບາງຫຼວງ. ທ່ານເສີນຢຸນຫຼົງ, ຜູ້ແທນສະພາປະຊາຊົນແຫ່ງຊາດຈີນ, ຫົວໜ້າໄອຍະການຂອງອົງການໄອຍະການແຂວງເຈີ້ຈ່ຽງກ່າວວ່າ, ເຈົ້າໜ້າທີ່ສໍ້ລາດບັງຫຼວງຫຼາຍຄົນຖືກຈັບກໍຍ້ອນປະຊາຊົນລາຍງານຂໍ້ມູນໃຫ້.
ທ່ານເສີນຢຸນຫຼົງເຫັນວ່າ, ອອກແຮງຊຸກຍູ້ການເປີດເຜີຍວຽກງານບໍລິຫານ, ເປີດເຜີຍຂໍ້ມູນຂ່າວສານ, ສົ່ງເສີມແລະນຳພາປະຊາຊົນຮູ້ຈັກລະບຽບການວຽກງານຂອງອົງການປົກຄອງ, ແລະເຂົ້າຮ່ວມການຕິດຕາມກວດກາການນຳໃຊ້ສິດອຳນາດຢ່າງມີລະບຽບນັ້ນ, ຈະມີຜົນດີຕໍ່ການສະກັດກັ້ນການກະທຳສໍ້ລາດບາງຫຼວງ, ແລະຮັກສາຄວາມບໍລິສຸດຍຸຕິທຳ. ທ່ານສາວອີ້ຊຸນ, ສາດສະດາຈານຂອງມະຫາວິທະຍາໄລກົດໝາຍການເມືອງຈີນເຫັນດີຕໍ່ທັດສະນະດັ່ງກ່າວ. ທ່ານຊີ້ອອກຕື່ມວ່າ, ຈີນເພີ່ມທະວີວຽກງານ"ຕໍ່ຕ້ານການສໍ້ລາດບາງຫຼວງແລະສົ່ງເສີມຄວາມປອດໃສຂາວສະອາດ"ຄວນຍຶດໝັ້ນສອງຫຼັກການຄື: ອັນທີໜຶ່ງແມ່ນເປີດເຜີຍຂໍ້ມູນຂ່າວສານ, ອັນທີ່ສອງແມ່ນເຮັດໃຫ້ລະບຽບການທີ່ກ່ຽວຂ້ອງສົມບູນຂຶ້ນ.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |