ວິສາຫະກິດຈີນຄວນໄປປະເທດອາຊຽນເພື່ອຊອກຮູ້ສະພາບຕົວຈິງຂອງຕະຫຼາດ
(GMT+08:00) 2010-03-12 16:45:01 cri
ຕາມຂ່າວCRI：ຫວ່າງມໍ່ໆມານີ້, ທ່ານຈ່າງຈີວຮວານ, ສະມາຊິກສະພາປຶກສາການເມືອງແຫ່ງຊາດຈີນ, ອະດີດເອກອັກຄະລັດຖະທູດຈີນປະຈຳໄທໄດ້ໃຫ້ສຳພາດຕໍ່ນັກຂ່າວຢູ່ຫ້ອງອັດສຽງຂອງCRI, ທ່ານກ່າວວ່າ, ວິສາຫະກິດຈີນທີ່ຢາກໄປບຸກເບີກຕະຫຼາດອາຊີອາຄະເນຄວນໄປປະເທດຕ່າງໆຂອງອາຊຽນເພື່ອຊອກຮູ້ສະພາບຕົວຈິງຂອງຕະຫຼາດ.
ທ່ານເຫັນວ່າ, 10 ປະເທດອາຊຽນມີສະພາບຕ່າງກັນ, ນັກທຸລະກິດຈີນຄວນໄປປະເທດຕ່າງໆ, ເພື່ອຊອກຮູ້ຈຸດພິເສດແລະສະພາບຕົວຈິງຂອງຕະຫຼາດ, ຊອກຮູ້ຂໍ້ກຳນົດກົດລະບຽບທີ່ກ່ຽວຂ້ອງຂອງເຂດການຄ້າເສລີຈີນອາຊຽນ, ວິເຄາະທ່າແຮງແລະທ່າເສຍປຽບຂອງຕົນເອງແລະຝ່າຍກົງກັນຂ້າມ, ແລ້ວຈິ່ງຊອກຫາຄູ່ຮ່ວມມືທີ່ເໝາະສົມ.
