ຕາມຂ່າວສານຊີນຮວາ: ວັນທີ11ມີນານີ້,ລັດຖະສະພາກຳປູເຈຍໄດ້ຮັບຮອງ"ກົດໝາຍວ່າດ້ວຍການຕ້ານການສໍ້ລາດບັງຫຼວງ",ເພື່ອໃຊ້ເປັນຊ່ອງທາງກົດໝາຍສະກັດກັ້ນແລະປາບປາມການກະທຳສໍ້ລາດບັງຫຼວງດ້ວຍຮູບແບບຕ່າງໆ,ສ້າງສະພາບແວດລ້ອມການພັດທະນາທີ່ດີໃຫ້ແກ່ເສດຖະກິດແລະສັງຄົມການພັດທະນາແຫ່ງຊາດ.
ທ່ານສົກອານ,ຮອງນາຍົກລັດຖະມົນຕີກຳປູເຈຍ,ທັງເປັນລັດຖະມົນຕີວ່າການກະຊວງພາຍໃນກຳປູເຈຍກ່າວວ່າ,ກຳປູເຈຍໄດ້ທຳຄວາມພະຍາຍາມ10ກວ່າປີ,ຫຼັງຈາກຖອດຖອນບົດຮຽນຈາກປະເທດຕ່າງໆແລະຮັບເອົາຄຳເຫັນແລະຂໍ້ສະເໜີຂອງຝ່າຍຕ່າງໆໃນກຳປູເຈຍແລະຕ່າງປະເທດ,ໄດ້ສ້າງກົດໝາຍສະບັບນີ້ຕາມສະພາບຕົວຈິງຂອງກຳປູເຈຍ.ນີ້ຈະກາຍເປັນບ່ອນອີງທາງກົດໝາຍທີ່ສຳຄັນທີ່ສຸດເພື່ອຕ້ານການສໍ້ລາດບັງຫຼວງຂອງກຳປູເຈຍ.
ກົດໝາຍສະບັບນີ້ລະບຸວ່າ,ເຈົ້າໜ້າທີ່ກຳປູເຈຍຕ້ອງແຈ້ງຊັບສິນສ່ວນຕົວຕໍ່ອົງການຕ້ານການສໍ້ລາດບັງຫຼວງ;ຖ້າມີການໃຫ້ແລະຮັບສິນບົນ,ການສໍ້ລາດບັງຫຼວງແລະການກະທຳອື່ນໆ,ຈະຖືກລົງໂທດຕາມກົດໝາຍແລະຕາມສະຖານໜັກຫຼືເບົາ.
