ລັດຖະມົນຕີປ້ອງກັນປະເທດຟິລິບປິນກ່າວວ່າຈະໂຈມຕີອົງການກະບົດທີ່ປະຕິເສດບໍ່ເຈລະຈາສັນຕິພາບນັ້ນຢ່າງສຸດຂີດ
(GMT+08:00) 2010-03-13 15:52:52 cri
ຕາມຂ່າວສານຊີນຮວາ, ວັນທີ12ມີນານີ້, ທ່ານໂນເບິໂຕ ກົງຊາເລັສ, ລັດຖະມົນຕີປ້ອງກັນປະເທດຟິລິບປິນກ່າວວ່າ, ກອງທັບລັດຖະບານຟິລິບປິນຈະອອກແຮງໂຈມຕີອົງການກະບົດທີ່ປະຕິເສດບໍ່ເຈລະຈາສັນຕິພາບນັ້ນຢ່າງສຸດຂີດ.
ທ່ານກົງຊາເລັສແມ່ນໃຫ້ທັດສະນະດັ່ງກ່າວໃນເວລາກ່າວຄຳປາໄສໃນພິທີຮັບຕຳແໜ່ງຂອງທ່ານເຣນານໂດ ມາປາກູ, ຜູ້ບັນຊາການຜູ້ໃໝ່ຂອງກອງທັບບົກຟິລິບປິນ. ທ່ານກ່າວວ່າ, ນະໂຍບາຍຂອງລັດຖະບານຟິລິນປິນຕໍ່ການກະບົດດ້ວຍກຳລັງອາວຸດຍັງແມ່ນພະຍາຍາມແກ້ໄຂບັນຫາດ້ວຍວິທີສັນຕິພາບ.
