ຕາມຂ່າວສານຊີນຮວາ, ວັນທີ15ມີນານີ້, ທ່ານເຫວງ ໂຕຈິຣາການ, ຜູ້ນຳກຸ່ມແນວໂຮມປະຊາທິປະໄຕຕ້ານຜະເດັດການແຫ່ງຊາດໄທຫຼືກຸ່ມເສື້ອແດງທີ່ສະໜັບສະໜູນທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທກ່າວວ່າ, ກຸ່ມເສື້ອແດງຈະບໍ່ປິດສະໜາມບິນສາກົນບາງກອກ.
ມື້ດຽວກັນ, ກຸ່ມເສື້ອແດງໄດ້ໂຮມຊຸມນຸມຢູ່ໜ້າຄ້າຍທະຫານກອງພັນໃຫຍ່ທີ11ຂອງກອງທັບບົກທີ່ພາກເໜືອບາງກອກ, ທ່ານເຫວງ ໂຕຈິຣາການກ່າວວ່າ, ກຸ່ມເສື້ອແດງຈະບໍ່ເຮັດຄືກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງທີ່ປິດລ້ອມສະໜາມບິນສາກົນບາງກອກໃນປີ2008ເພື່ອກົດດັນລັດຖະບານ.
12ໂມງຂອງວັນທີ15ມີນານີ້ແມ່ນເວລາສຸດທ້າຍທີ່ກຸ່ມເສື້ອແດງທວງໃຫ້ລັດຖະບານຍຸບສະພາຜູ້ແທນລາຊະດອນໃນ24ຊົ່ວໂມງ. ກ່ອນນີ້, ທ່ານອະພິສິດ ເວດຊາຊີວະໄດ້ປະຕິເສດຄຳຂາດດັ່ງກ່າວ.
ປະຈຸບັນ, ກຸ່ມເສື້ອແດງຍັງບໍ່ໄດ້ທຳການຕົກລົງວ່າຈະເພີ່ມແຮງກົດດັນໃສ່ລັດຖະບານຫຼືບໍ່.
