ກອງປະຊຸມລັດຖະສະພາຂອງໄທເລື່ອນເວລາຈັດ
(GMT+08:00) 2010-03-16 13:15:11 cri
ຕາມຂ່າວສານຊິນຮວາ:ວັນທີ16ມີນານີ້,ທ່ານໄຊ ຊິດຊອບ,ປະທານລັດຖະສະພາໄທຕົກລົງວ່າ,ກອງປະຊຸມປະສົມຂອງວຸດທິສະພາແລະສະພາຜູ່ແທນລາດຊະດອນທີ່ແຕ່ເດີມຈະຈັດຂຶ້ນໃນຕອນເຊົ້າວັນທີ16ມີນານີ້ຈະເລື່ອນເວລາຈັດອອກໄປ.
ຕາມຂ່າວຈາກລັດຖະສະພາ,ສາເຫດທີ່ເລື່ອນເວລາຈັດກອງປະຊຸມແມ່ນຍ້ອນວ່າ ຄາດວ່າຈຳນວນສະມາຊິກສະພາທີ່ເຂົ້າຮ່ວມກອງປະຊຸມຈະບໍ່ຄົບ327ຄົນທີ່ກຳນົດໃນກົດໝາຍ.ທ່ານໄຊ ຊິດຊອບບໍ່ໄດ້ກ່າວວ່າກອງປະຊຸມຈະຈັດຂຶ້ນໃນເວລາໃດ.
ເຖິງວ່າສະມາຊິກສະພາຂອງພັກຝ່າຍຄ້ານກ່າວວ່າຈະເຂົ້າຮ່ວມກອງປະຊຸມ,ແຕ່ສະມາຊິກ ສະພາຂອງບັນດາພັກຝ່າຍລັດຖະບານຕົກລົງບໍ່ເຂົ້າຮ່ວມກອງປະຊຸມຍ້ອນເປັນຫ່ວງວ່າກຸ່ມເສື້ອ ແດງຈະປິດລ້ອມສະພາໃນໄລຍະກອງປະຊຸມ.ທ່ານປະນິທານ ວັດທະນາຍະກອນ,ໂຄສົກລັດຖະບານໄທກ່າວວ່າ,ທ່ານອະພິສິດ ເວດຊາຊີວະ,ນາຍົກລັດຖະມົນຕີໄທຈະບໍ່ເຂົ້າຮ່ວມກອງປະຊຸມ.
ຕາມແຜນການເດີມ,ກອງປະຊຸມຄັ້ງນີ້ຈະພິຈາລະນາເອກະສານຈຳນວນໜຶ່ງທີ່ລັດຖະບານລົງນາມກັບປະເທດອື່ນ.
