ໃນເວລາທ່ານເວີນເຈ່ຍປາວ,ນາຍົກລັດຖະມົນຕີຈີນຜ່ານບົດລາຍງານວຽກງານຂອງລັດຖະບານໃນກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງຊາດຈີນ,ທ່ານກ່າວວ່າ, ຈະພະຍາຍາມສ້າງລັດຖະບານແບບໃຫ້ບໍລິການທີ່ປະຊາຊົນພໍໃຈນຳ.ໃນເວລາໃຫ້ສຳພາດຕໍ່ນັກຂ່າວວິທະຍຸ cri,ຜູ່ຊ່ຽວຊານທີ່ກ່ຽວຂ້ອງເຫັນວ່າ, ນີ້ຫມາຍຄວາມວ່າລັດຖະບານຕ້ອງເຮັດວຽກຢ່າງຕັ້ງຫນ້າ,ເພື່ອຮັບປະກັນສິດທິຂອງປະຊາຊົນໃນດ້ານການເມືອງ,ເສດຖະກິດແລະດ້ານອື່ນໆ,ພ້ອມກັນນັ້ນຍັງຄວນສວຍໃຊ້ອຳນາດພາຍໃຕ້ແສງສະຫວ່າງ,ຈິ່ງຊຸກຍູ້ຄວາມຍຸດຕິທຳໃນສັງຄົມໄດ້.
ໃນເວລາຜ່ານບົດລາຍງານວຽກງານຂອງລັດຖະບານ, ທ່ານນາຍົກເວີນເຈ່ຍປາວກ່າວວ່າ, ຕ້ອງຖືການຫັນປ່ຽນພັນທະຫນ້າທີ່ເປັນໃຈກາງ, ແລ້ວລົງເລິກດຳເນີນການປະຕິຮູບລະບອບຄຸ້ມຄອງບໍລິຫານ,ອອກແຮງຊຸກຍູ້ການສ້າງລັດຖະບານແບບໃຫ້ບໍລິການ.ນາງຫລິນເຈີ,ສາສະດາຈານພະແນກການເມືອງແລະກົດຫມາຍຂອງໂຮງຮຽນສູນກາງພັກກອມມູນິດຈີນເຫັນວ່າ, ການກ່າວເນັ້ນເຖິງການສ້າງລັດຖະບານແບບໃຫ້ບໍລິການ,ແມ່ນສ່ອງແສງເຖິງທັດສະນະທີ່ຖືປະຊາຊົນເປັນກົກ,ເຮັດໃຫ້ລັກສະນະເປັນເຈົ້າການຂອງລັດຖະບານໃນການອຳນວຍການບໍລິການດ້ານສາທາລະນະໃຫ້ພົ້ນເດັ່ນຂຶ້ນ.ນີ້ໄດ້ສະຫນອງເງື່ອນໄຂໃຫ້ປະຊາຊົນດຳເນີນສິດທິຕ່າງໆຢ່າງບັງເກີດຜົນ.ນາງເວົ້າວ່າ:ເຊັ່ນວ່າໃນດ້ານການເມືອງ, ຄວນຕ່ອຍໆເຮັດໃຫ້ປະຊາຊົນຫລາຍກວ່າເກົ່າເຂົ້າຮ່ວມການເມືອງຢ່າງເປັນລະບົບ,ບັນລຸສິດດ້ານທິການເມືອງແລະສິດເຂົ້າຮ່ວມການປົກຄອງຂອງປະຊາຊົນ;ໃນດ້ານເສດຖະກິດ,ກໍ່ແມ່ນຄວນຍົກລະດັບຊີວິດການເປັນຢູ່ຂອງປະຊາຊົນໃຫ້ສູງຂຶ້ນເລື້ອຍໆ, ບັນລຸສິດທິດ້ານຊັບສິນຂອງປະຊາຊົນ, ເຮັດໃຫ້ປະຊາຊົນມີຊີວິດທີ່ອິ່ມຫນຳສຳລານ, ຫລຸດຜ່ອນຄວາມທຸກຍາກ.
ໃນບົດລາຍງານທ່ານເວີນເຈ່ຍປາວຍັງຊີ້ອອກວ່າ, ຈະພະຍາຍາມສ້າງສະພາບແວດລ້ອມແຫ່ງການພັດທະນາອັນຍຸຕິທຳໃຫ້ແກ່ພາກສ່ວນຕ່າງໆໃນຕະຫຼາດ, ຮັກສາຄວາມຍຸຕິທຳແລະຄວາມເປັນທຳຂອງສັງຄົມ. ສາດສະດາຈານລິນເຈີເຫັນວ່າ, ນີ້ໝາຍຄວາມວ່າການບໍລິການສາທາລະນະຈະສະເໝີພາບກວ່າເກົ່າ, ການຊ່ອຍເຫຼືອຕໍ່ກຸ່ມຄົນທີ່ດ້ອຍໂອກາດຈະດີຂຶ້ນກວ່າເກົ່າ.
"ມີແຕ່ລະຫວ່າງຄົນກັບຄົນບໍ່ມີຄວາມແຕກຕ່າງກັນແລ້ວ, ສັງຄົມຈິ່ງຈະສາມາດບັນລຸຄວາມເປັນທຳແລະຍຸຕິທຳ. ແຕ່ວ່າ, ຈາກສິດທິຜົນປະໂຫຍດດ້ານກົດໝາຍຫັນເປັນສິດທິຜົນປະໂຫຍດຕົວຈິງແມ່ນຕ້ອງການຊັບພະຍາກອນ, ບຸກຄົນຕ້ອງການການຊ່ອຍເຫຼືອຈາກສັງຄົມ. ໃນຫຼາຍປີມານີ້, ໃນຂະບວນການປະຕິຮູບ, ພວກເຮົາໄດ້ປະຕິບັດໂຄງການຄວາມຫວັງທີ່ຊ່ອຍເຫຼືອເດັກນ້ອຍທີ່ເຊົາຮຽນໄດ້ກັບຄືນສູ່ໂຮງຮຽນຄືນໃໝ່, ໂຄງການປະກອບອາຊີບຄືນໃໝ່, ແຜນການກີບດອກໄມ້ໃນລະດູບານໃໝ່ທີ່ຊ່ອຍເຫຼືອນັກຮຽນຍິງຜູ້ທຸກຍາກເຂົ້າຮຽນແລະການພັດທະນາພາກຕາເວັນຕົກເປັນຕົ້ນ, ລ້ວນແຕ່ໄດ້ສະແດງໃຫ້ເຫັນນ້ຳໃຈທີ່ຊ່ອຍເຫຼືອກຸ່ມຄົນທີ່ດ້ອຍໂອກາດຢ່າງຕັ້ງໜ້າ."
ໃນບົດລາຍງານວຽກງານຂອງລັດຖະບານທີ່ທ່ານເວີ່ນເຈ່ຍປາວ,ນາຍົກລັດ ຖະມົນຕີກ່າວນັ້ນ ກ່າວເນັ້ນວ່າ, ຕ້ອງພະຍາຍາມຍົກສູງຄວາມສາມາດໃນການນຳໃຊ້ສິດອຳນາດແລະຄວາມຫນ້າເຊື່ອຖືຂອງລັດຖະ ບານ. ນີ້ບໍ່ພຽງແຕ່ຕ້ອງອາໄສການຍົກລະດັບກຳອຳນາດຂອງລັດຖະບານໃຫ້ສູງຂຶ້ນ, ແຕ່ຍັງຕ້ອງການຊຸກຍູ້ວຽກງານຕ້ານການສໍ້ລາດບັງຫຼວງໃຫ້ກ້າວສູ່ລວງເລິກ, ໂດຍສະເພາະແມ່ນຕ້ອງປັບປຸງລະບຽບການຄຸ້ມຄອງໃນຂົງເຂດຕ່າງໆໃຫ້ສົມບູນຂຶ້ນ ເຊັ່ນວ່າ: ການຈັດສັນຊັບພະຍາກອນດ້ານສາທາລະນະ, ການຊື້ຂາຍຊັບສິນດ້ານສາທາລະນະ,ການຜະລິດຜະລິດຕະພັນດ້ານສາທາ ລະນະແລະອື່ນໆ, ເພີ່ມຄວາມສາມາດຈຳກັດດ້ານລະບຽບການໃຫ້ຫຼາຍຂຶ້ນ. ທ່ານສາດສະດາຈານລິນເຈີ່ ເຫັນວ່າ, ທ່ານນາຍົກລັດຖະມົນຕີເວີ່ນເຈ່ຍປາວໄດ້ກ່າວເຖິງເປັນພິເສດວ່າ "ສ້າງເງື່ອນໄຂແລະຊ່ອງທາງໃຫ້ແກ່ປະຊາຊົນຕຳນິຕິຊົມແລະຕິດຕາມກວດກາລັດຖະບານ",ນີ້ບໍ່ພຽງແຕ່ມີຜົນດີຕໍ່ການຊຸກຍູ້ການປະຕິຮູບໂຄງປະກອບການເມືອງເທົ່ານັ້ນ,ຍັງມີຜົນດີຕໍ່ການສ້າງເວທີແລະໂອກາດຫຼາຍກວ່າເກົ່າໃຫ້ພົນລະເມືອງເຂົ້າຮ່ວມການສ້າງສາຂອງລັດຖະບານ,ແລະເຕົ້າໂຮມສະຕິປັນຍາແລະກຳລັງວັງຊາ ຕ່າງໆຂອງປະຊາຊົນຢ່າງເຕັມທີ່. ພຽງແຕ່ເຮັດແບບນີ້ເທົ່ານັ້ນ, ຈຶ່ງເຮັດໃຫ້ຊີວິດການເປັນຢູ່ຂອງປະຊາຊົນມີຄວາມສຸກກວ່າເກົ່າແລະມີກຽດສັກສີກວ່າເກົ່າ, ແລະສັງຄົມຈຶ່ງມີຄວາມຍຸດຕິທຳແລະກົມກຽວກັນກວ່າເກົ່າ".
"ລະບຽບການຕ້ອງການແສງສະຫວ່າງ, ແລະເຮັດໃຫ້ການກະທຳທັງຫມົດທີ່ນຳໃຊ້ສິດອຳນາດ ພາຍໃຕ້ການຕິດຕາມກວດກາ. ຫຼັງຈາກນຳໃຊ້ສິດອຳນາດຕ່າງໆແລ້ວ, ລ້ວນແຕ່ສຳຫຼວດກວດກາຢ່າງຕັ້ງຫນ້າ, ຖ້າຊອກເຫັນຂໍ້ບົກພ່ອງກໍ່ຕ້ອງ ດັດແກ້ໃຫ້ທັນການ, ຖ້າເຮັດແບບນີ້ ຈຶ່ງສາມາດບັນລຸຈຸດ ປະ ສົງເບື້ອງຕົ້ນໃນການສ້າງລະບຽບການ" .
