ນາຍົກໄທຫຼີກລ້ຽງບໍ່ພົບກຸ່ມເສື້ອແດງແລະປະຕິເສດບໍ່ເຂົ້າຮ່ວມກອງປະຊຸມລັດຖະສະພາ
(GMT+08:00) 2010-03-18 16:50:27 cri
ຕາມຂ່າວສານຊີນຮວາ: ວັນທີ 18 ມີນານີ້, ທ່ານອະພິສິດ ເວດຊາຊີວະ, ນາຍົກລັດຖະມົນຕີໄທໄດ້ປະຕິເສດອີກເທື່ອໜຶ່ງບໍ່ເຂົ້າຮ່ວມກອງປະຊຸມລັດຖະສະພາ, ເພື່ອຫຼີກລ້ຽງບໍ່ພົບກັບກຸ່ມເສື້ອແດງທີ່ພວມໂຮມຊຸມນຸມປະທ້ວງຢູ່.
ວຸດທິສະພາແລະສະພາຜູ້ແທນລາຊະດອນໄທທຳອິດມີແຜນຈັດກອງປະຊຸມປະສົມໃນວັນທີ 16 ມີນານີ້, ເພື່ອພິຈາລະນາເອກະສານຂອງລັດຖະບານທີ່ຈະເຊັນກັບຕ່າງປະເທດ. ຍ້ອນເປັນຫ່ວງກຸ່ມເສື້ອແດງຈະປິດລ້ອມລັດຖະສະພາ, ສະມາຊິກສະພາທີ່ເປັນພັກຮ່ວມລັດຖະບານແລະທ່ານອະພິສິດລ້ວນແຕ່ຕົກລົງບໍ່ເຂົ້າຮ່ວມກອງປະຊຸມໃນວັນທີ 16. ວັນທີ 17, ຍ້ອນຜູ້ເຂົ້າຮ່ວມບໍ່ຄົບຈຳນວນທີ່ກຳນົດໃນກົດໝາຍ, ກອງປະຊຸມຈຶ່ງຖືກເລື່ອນເວລາຈັດອອກໄປ, ຈົນຮອດຕອນເຊົ້າວັນທີ 18 ຈຶ່ງຈັດຂຶ້ນໄດ້.
