ທ່ານຫຸຍຫລຽງຢູ້ພົບປະເຈລະຈາກັບທ່ານຊົກອັນຮອງນາຍົກລັດຖະມົນຕີກໍາປູເຈຍ
(GMT+08:00) 2010-03-18 18:05:03 cri
ຕາມຂ່າວສານຊິນຮວາ:ວັນທີ18ມີນານີ້ຢູ່ທີ່ພະນົມເປັນ ທ່ານຫຸຍຫລຽງຢູ້ ຮອງນາຍົກລັດຖະມົນຕີຈີນໄດ້ພົບປະເຈລະຈາກັບທ່ານຊົກອັນ ຮອງນາຍົກລັດຖະມົນຕີກຳປູເຈຍ ລັດຖະມົນຕີຂອງຫ້ອງວ່າການລັດຖະບານກຳປູເຈຍ
ທ່ານຫຸຍຫລຽງຢູ້ກ່າວວ່າຫລັງຈາກຈີນ ແລະກຳປູເຈຍໄດ້ສ້າງຕັ້ງສາຍພົວພັນທາງການທູດເຄິ່ງສະຕະວັດມານີ້ ສາຍພົວພັນສອງຝ່າຍໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ໄດ້ກາຍເປັນແບບຢ່າງຂອງສາຍພົວພັນລະຫວ່າງປະເທດຕ່າງໆ ຝ່າຍຈີນເອົາໃຈໃສ່ສາຍພົວພັນຈີນ-ກຳປູເຈຍຢ່າງສູງ ຍິນດີຮ່ວມກັບກຳປູເຈຍພະຍາຍາມເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດເສີມສ້າງເນື້ອໃນສາຍພົວພັນຄູ່ຮ່ວມມືຮອບດ້ານຢ່າງບໍ່ຢຸດຢັ້ງ ຊຸກຍູ້ການຮ່ວມມືຂອງສອງປະເທດຂະຫຍາຍໄປສູ່ທິດທາງຫລາຍຂົງເຂດຫລາຍລະດັບ ແລະ ລະດັບສູງ
ທ່ານຊົກອັນໄດ້ສະແດງຄວາມຂອບອົກຂອບໃຈຕໍ່ຝ່າຍຈີນທີ່ໃຫ້ການສະຫນັບສະຫນຸນແລະ ຊ່ວຍເຫລືອໃນໄລຍະທີ່ຜ່ານມາ ຝ່າຍກຳປູເຈຍຫວັງຮ່ວມກັບຝ່າຍຈີນ ເພີ່ມທະວີການແລກປ່ຽນແລະການຮ່ວມມືໃນຂົງເຂດຕ່າງໆ ຊຸກຍູ້ສາຍພົວພັນລະຫວ່າງສອງປະເທດຂຶ້ນສູ່ລະດັບສູງ
