ການສົນທະນາລະຫວ່າງເຈົ້າໜ້າທີ່ອາວຸໂສກະຊວງປ້ອງກັນປະເທດຂອງເວທີປຶກສາຫາລືພາກພື້ນອາຊຽນຈັດຂຶ້ນຢູ່ຫວຽດນາມ
(GMT+08:00) 2010-03-19 18:43:49 cri
ຕາມຂ່າວສານຊີນຮວາ: ວັນທີ 18 ມີນານີ້, ການສົນທະນາລະຫວ່າງເຈົ້າໜ້າທີ່ອາວຸໂສກະຊວງປ້ອງກັນປະເທດໃນຂອບເວທີປຶກສາຫາລືພາກພື້ນອາຊຽນໄດ້ຈັດຢູ່ເມືອງເງ່ຍຈ່າງ ເມືອງແຄມທະເລພາກກາງຫວຽດນາມ. ການສົນທະນາແມ່ນເຈົ້າໜ້າທີ່ກະຊວງປ້ອງກັນປະເທດຫວຽດນາມແລະອິນເດຍເປັນປະທານຈັດຂຶ້ນ.
ຕາມຂ່າວສານຫວຽດນາມລາຍງານວ່າ, ຫົວຂໍ້ຕົ້ນຕໍຂອງການສົນທະນາແມ່ນ"ຍົກສູງຄວາມສາມາດເພື່ອຮັບມືກັບໄພທຳມະຊາດ"ແລະເພີ່ມບົດບາດຂອງເວທີປຶກສາຫາລືພາກພື້ນອາຊຽນ". ຜູ້ຮ່ວມປະຊຸມໄດ້ຫາລືສະຖານະການສາກົນແລະພາກພື້ນ, ຄວາມໝັ້ນຄົງພາຍໃນຂອບເວທີປຶກສາຫາລືທີ່ສົນໃຈຮ່ວມກັນ, ແລະໄດ້ວາງມາດຕະການກ່ຽວກັບສະມາຊິກຕ່າງໆຂອງເວທີປຶກສາຫາລືເພີ່ມ ການຮ່ວມມືແນວໃດໃນຂົງເຂດຄວາມໝັ້ນຄົງແລະວຽກງານປ້ອງກັນຊາດ.
