ກຸ່ມເສື້ອແດງໄທຈະຈັດການໂຮມຊຸມນຸມປະທ້ວງອີກເທື່ອໜຶ່ງຢູ່ບາງກອກ
(GMT+08:00) 2010-03-22 17:56:41 cri
ຕາມຂ່າວສານຊີນຮວາ: ວັນທີ22ມີນານີ້,ທ່ານຈະຕຸພອນ ພົມພັນ,ຫົວໜ້າກຸ່ມເສື້ອແດງທີ່ຕໍ່ຕ້ານລັດຖະບານໄທກ່າວວ່າ,ກຸ່ມເສື້ອແດງຈະຈັດການໂຮມຊຸມນູມປະທ້ວງອີກເທື່ອໜຶ່ງຢູ່ນະຄອນຫຼວງບາງກອກຂອງໄທໃນທ້າຍອາທິດນີ້.
ທ່ານຈະຕຸພອນ ພົມພັນຮຽກຮ້ອງໃຫ້ຜູ້ສະໜັບສະໜູນຂອງກຸ່ມເສື້ອແດງທີ່ຢູ່ບາງກອກແລະຢູ່ນອກບາງກອກເຂົ້າຮ່ວມການປະທ້ວງ.ທ່ານກ່າວວ່າ,ຖ້າຜູ້ສະໜັບສະໜູນຂອງກຸ່ມເສື້ອແດງຢູ່ນອກບາງກອກບໍ່ສາມາດໄປຮອດບາງກອກ,ກໍ່ໃຫ້ຈັດການໂຮມຊຸມນຸມປະທ້ວງຢູ່ຕໍ່ໜ້າຫ້ອງການປົກຄອງຈັງຫວັດຕ່າງໆຂອງໄທ.
ທ່ານຍັງກ່າວວ່າ,ກຸ່ມເສື້ອແດງໄທຈະສືບຕໍ່ຈັດການໂຮມຊຸມນຸມປະທ້ວງ,ຈົນກວ່າລັດຖະບານຂອງທ່ານອະພິສິດ ເວດຊາຊີວະຈະຍຸບສະພາແລະຈັດການເລືອກຕັ້ງຄືນໃໝ່ຕາມເງື່ອນໄຂຂອງເຂົາເຈົ້າ.
