ເສດຖະກິດອິນໂດເນເຊຍໃນປີ2011ອາດຈະເຕີບໂຕ6,3%
(GMT+08:00) 2010-03-22 18:59:44 cri
ຕາມຂ່າວສານຊີນຮວາ: ຫວ່າງບໍ່ດົນມານີ້, ທ່ານອາມີດາ ອາລິສຈາບານາ,ລັດຖະມົນຕີລັດຖະກິດທີ່ຮັບຜິດຊອບແຜນການພັດທະນາແຫ່ງຊາດ,ທັງເປັນປະທານຄະນະກຳມະການແຜນການພັດທະນາແຫ່ງຊາດອິນໂດເນເຊຍກ່າວວ່າ,ໂດຍໄດ້ຮັບຜົນສະທ້ອນຈາກລາຍຈ່າຍແລະການລົງທຶນຂອງລັດຖະບານອິນໂດເນເຊຍເພີ່ມຂຶ້ນ,ປີ2011,ເສດຖະກິດອິນໂດເນເຊຍຈະເຕີບໂຕ6,3%.
ທ່ານອາມີດາ ອາລິສຈາບານາກ່າວວ່າ,ຄາດວ່າ,ລາຍຈ່າຍແລະການລົງທຶນຂອງລັດຖະບານອິນໂດເນເຊຍໃນປີ2010ຈະເພີ່ມຂຶ້ນ10%ເມື່ອທຽບໃສ່ປີກາຍ,ພ້ອມກັນນັ້ນ,ຂະໜາດທຶນຂອງແຜນການກະຕຸ້ນເສດຖະກິດຈະເພີ່ມຂຶ້ນຫຼາຍກວ່າ15%.ຄາດວ່າ,ເສດຖະກິດອິນໂດເນເຊຍໃນປີ2010ຈະເພີ່ມຂຶ້ນ5,5%,ເພີ່ມຂຶ້ນ1%ເມື່ອທຽບໃສ່4,5%ຂອງປີກາຍ.
ໃນໄຕມາດທີ4ຂອງປີ2009,ອັດຕາເຕີບໂຕຂອງເສດຖະກິດອິນໂດເນເຊຍແມ່ນ5,4%.
