ຜູ່ໃຊ້ອິນເຕີເນັດຈີນຮູ້ສຶກເສີຍໆ ຕໍ່ເລື່ອງທີ່Google ຈະຖອນຕົວອອກຈາກແຜ່ນດິນໃຫຍ່ຈີນ
(GMT+08:00) 2010-03-23 16:37:27 cri
ຕອນຂ້ອນແຈ້ງວັນທີ23ມີນານີ້ຕາມເວລາປັກກິ່ງ, ທ່ານເດວິດ ດຣຳມອນ,ຮອງປະທານອາວຸໂສ,ເຈົ້າໜ້າທີ່ກົດໝາຍຜູ່ທຳອິດຂອງບໍລິສັດກູໂກ（Google）ໄດ້ອອກຖະແຫຼງການຢ່າງເປີດເຜີຍ, ເພື່ອຕິຕຽນຈີນອີກເທື່ອໜຶ່ງ ກ່ຽວກັບບັນຫາທີ່ຖືກໂຈມຕີຈາກແຮັກເກີ,ແລະປະກາດຢຸດຕິການ"ກວດກາກັ່ນຕອງ" ຕໍ່ຜົນທີ່ເວັບໄຊກູໂກຈີນຄົ້ນຫາໄດ້,ແລະຍ້າຍການບໍລິການຄົ້ນຫາທາງອິນເຕີເນັດຈາກແຜ່ນດິນໃຫຍ່ຈີນໄປຮົງກົງຈີນ. ເມື່ອໄດ້ສັງເກດຈາກເວທີປຶກສາຫາລືແລະblog ບັນທຶກສ່ວນຕົວຈຳນວນຫຼວງຫຼາຍຢູ່ພາຍປະເທດທີ່ສົນໃຈນຳ ແລະໄປສຳພາດຕໍ່ຜູ່ໃຊ້ອິນເຕີເນັດ, ນັກຂ່າວກໍ່ໄດ້ປະກົດເຫັນວ່າ, ຜູ່ໃຊ້ອິນເຕີເນັດຈີນຮູ້ສຶກຄວາມສະຫງົບລົງທີ່ສຸດຕໍ່ບໍລິສັດກູໂກຖອນຕົວອອກຈາກຈີນ. ຕໍ່ໄປເຊີນທ່ານຟັງລາຍລະອຽດ:
ຈີນແມ່ນປະເທດທີ່ມີຈຳນວນຜູ່ໃຊ້ອິນເຕີເນັດຫຼາຍທີ່ສຸດໃນໂລກ. ປີ 2009, ອັດຕາປົກຄຸມຂອງບໍລິສັດກູໂກ ໄດ້ຫຼາຍກວ່າ 30% ໃນຕະຫຼາດການບໍລິການຄົ້ນຫາຂໍ້ມູນຂ່າວສານທາງອິນເຕີເນັດຈີນ. ນັບແຕ່ວັນທີ 23 ມີນາເປັນຕົ້ນໄປ,ຫຼັງຈາກບໍລິສັດGoogle ຍ້າຍການບໍລິການຄົ້ນຫາທາງອິນເຕີເນັດໄປຮົງກົງຈີນແລ້ວ, ນັກຂ່າວໄດ້ເຂົ້າເບິ່ງເວັບໄຊຫຼາຍແຫ່ງທີ່ໄດ້ຮັບຄວາມນິຍົມຊົມຊອບຫຼາຍຢູ່ຈີນ, ແລ້ວພົບອັນທີ່ວ່າເຫດການບໍລິສັດກູໂກຖອນຕົວອອກຈາກຈີນ ບໍ່ໄດ້ເຮັດໃຫ້ຜູ່ໃຊ້ອິນເຕີເນັດຢູ່ຈີນສົນໃຈນຳຫຼາຍປານໃດ, ແຕ່ສິ່ງທີ່ຜູ່ໃຊ້ອິນເຕີເນັດເຮັດຫຼາຍກວ່ານັ້ນກໍ່ແມ່ນເຂົາເຈົ້າ ຂຽນຄຳເວົ້າຈີນໃສ່ເວັບໄຊ ວ່າ"ເຈົ້າຈົ່ງໄປດີ."ທີ່ມີຄວາມຫມາຍເຍາະເຍີ້ຍສຽດສີຕໍ່ກູໂກ.
ທ້າວຈ່າງຈິງເຟ່ທີ່ເຮັດວຽກຢູ່ບໍລິສັດແຫ່ງໜຶ່ງຢູ່ຈົ່ງກວ່ນຂຸນຂອງປັກກິ່ງກ່າວວ່າ: "ຂ້ອຍໄດ້ໃຊ້ກູໂກຕະຫຼອດມາ, ໃນເວລາເຮັດວຽກກໍໃຊ້ຫຼາຍ. ສິ່ງທີ່ດີອັນໜຶ່ງຂອງກູໂກແມ່ນສາມາດຊອກດ້ວຍພາສາຈີນແລະພາສາອັງກິດ, ອີກຢ່າງໜຶ່ງແມ່ນຊອກໄດ້ຫຼາຍໜ້າແລະຄົບຖ້ວນ. ຖ້າວ່າກູໂກຖອນອອກຈາກຕະຫຼາດຈີນ, ໃນໄລຍະທຳອິດກໍ່ອາດຈະບໍ່ລືງເຄີຍປານໃດ, ແຕ່ວ່າຖ້າມີບໍລິສັດອື່ນສາມາດສະໜອງການບໍລິການທີ່ຄ້າຍຄືກັບກູໂກ, ຂ້ອຍເຊື່ອວ່າຂ້ອຍກໍຈະສາມາດໃຊ້ເວັບໄຊຊອກໃໝ່ເພື່ອຊອກຫາຂໍ້ມູນທີ່ຕ້ອງການ."ຕາມສູນຂໍ້ມູນຂ່າວສານອິນເຕີເນັດຈີນແຈ້ງວ່າ, ຜູ້ໃຊ້ອິນເຕີເນັດຂອງຈີນມີຫຼາຍກວ່າ 384 ລ້ານຄົນແລ້ວ, ເວັບໄຊຫຼາຍກວ່າ 3 ລ້ານ 2 ແສນ 3 ໝື່ນແຫ່ງ.
ການຫັນເປັນແບບພາຍໃນແມ່ນຂໍກະແຈທີ່ວິສາຫະກິດອິນເຕີເນັດສາມາດໄດ້ຮັບຜົນສຳເລັດໃນບັນຫາດັ່ງກ່າວ, ກູໂກເຮັດບໍ່ດີປານໃດ. ຜູ້ໃຊ້ອິນເຕີເນັດຈີນຫຼາຍຄົນເຫັນວ່າ, ກູໂກແມ່ນປະກາດຈະຖອນອອກຈາກຕະຫຼາດຈີນກ່ອນ, ແລ້ວປ່ຽນເວັບໄຊຂອງຕົນໄປເຮັດຢູ່ຮົງກົງ, ໃນນັ້ນສາເຫດສຳຄັນອັນໜຶ່ງແມ່ນເພື່ອໂຄສະນາ.
