ການວາງສະແດງກົນຈັກຈີນເທື່ອທີ8,2010ຈະຈັດຂຶ້ນຢູ່ທີ່ຫວຽດນາມ
(GMT+08:00) 2010-03-24 16:30:03 cri
ຕາມຂ່າວCRI:ການວາງສະແດງເຄື່ອງຈັກຈີນຊຸດທີ8ຈະຈັດຂຶ້ນຢູ່ທີ່ສູນວາງສະແດງໄຊງ່ອນຫວຽດນາມແຕ່ວັນທີ28ຫາວັນທີ31ເດືອນກໍລະກົດ2010.
ສື່ມວນຊົນຫວຽດນາມລາຍງານວ່າ,ການວາງສະແດງຄັ້ງນີ້ຈະມີບໍລິສັດຜະລິດກົນຈັກຈີນທີ່ມີຊື່ສຽງ200ກວ່າຫົວຫນ່ວຍເຂົ້າຮ່ວມ,ຈະມີກົນຈັກຊະນິດຕ່າງໆໃນ7ຂະແຫນງການ,ເຊັ່ນ:ກົນຈັກກໍ່ສ້າງ,ເຄມີແລະອື່ນໆ.ຈະມີທັງຫມົດ300ຮ້ານ.ໃນໄລຍະການວາງສະແດງ,ຄະນະກຳມະການຈັດງານຍັງຈະຈັດຕັ້ງພາກສ່ວນທຸລະກິດທີ່ກ່ຽວຂ້ອງດຳເນີນການສຳຫລວດແລະ ທັດສະນະສຶກສາ.ນອກນີ້, ເພື່ອອຳນວຍຄວາມສະດວກໃຫ້ແກ່ການແລກປ່ຽນແລະການໄປມາຫາສູ່ກັນດ້ານການຄ້າລະຫວ່າງວິສາຫະກິດຈີນແລະ ຫວຽດນາມ,ຄະນະກຳມະການຍັງຈະຈັດຕັ້ງກິດຈະກຳຕ່າງໆເຊັ່ນ:ກອງປະຊຸມເຜີຍແຜ່ນະໂຍບາຍການລົງທຶນເສດຖະກິດ-ການຄ້າຫວຽດນາມແລະ ບົດຮຽນການລົງທຶນຢູ່ຫວຽດນາມ,ກອງປະຊຸມປຶກສາຫາລືສະພາບເສດຖະກິດຈີນ-ຫວຽດນາມແລະອື່ນໆ.
