ກອງປະຊຸມເທື່ອທີ122ຂອງສະຫະພັນລັດຖະສະພາປະເທດຕ່າງໆຈັດຂຶ້ນຢູ່ບາງກອກ
(GMT+08:00) 2010-03-28 15:37:52 cri
ຕາມຂ່າວCRI, ວັນທີ27ມີນານີ້, ກອງປະຊຸມເທື່ອທີ122ຂອງສະຫະພັນລັດຖະສະພາປະເທດຕ່າງໆຈັດຂຶ້ນຢູ່ບາງກອກຂອງໄທຢ່າງຄຶກຄື້ນ.
ມະຫາຈັກຣີສິລິນທອນຂອງໄທເປັນປະທານພິທີໄຂກອງປະຊຸມໃນຕອນຄ່ຳມື້ດຽວກັນ, ທ່ານໄຊ ຊິດຊອບ, ປະທານລັດຖະສະພາໄທ, ທ່ານໄທຣົງ ຊຸວັນຄິລີ, ຮອງນາຍົກລັດຖະມົນຕີໄທໄດ້ເຂົ້າຮ່ວມພິທີໄຂ.
ໃນເວລາກ່າວຄຳປາໄສ, ປະທານລັດຖະສະພາໄທກ່າວວ່າ, ຫວັງວ່າກອງປະຊຸມເທື່ອນີ້ຈະມີຜົນດີຕໍ່ການເລັ່ງລັດບາດກ້າວສ້າງສາປະຊາທິປະໄຕຂອງປະເທດຕ່າງໆ.
ກອງປະຊຸມເທື່ອທີ122ຂອງສະຫະພັນລັດຖະສະພາປະເທດຕ່າງໆຈະຈັດຂຶ້ນຢູ່ບາງກອກແຕ່ວັນທີ27ມີນານີ້ຮອດວັນທີ1ເດືອນໜ້າ, ຄະນະຜູ້ແທນລັດຖະສະພາຂອງ131ປະເທດແລະຜູ້ຕາງໜ້າອົງການຈັດຕັ້ງສາກົນລວມ1470ກວ່າຄົນຮ່ວມປະຊຸມ. ທ່ານນາງຢຽນຈຸ້ນຊີ, ຮອງປະທານສະພາປະຊາຊົນແຫ່ງຊາດຈີນໄດ້ນຳພາຄະນະເຂົ້າຮ່ວມກອງປະຊຸມດັ່ງກ່າວ.
