ສະຖານີໂທລະພາບສອງແຫ່ງໃນບາງກອກເກີດເຫດການລະເບີດ
(GMT+08:00) 2010-03-28 16:11:29 cri
ຕາມຂ່າວCRI：ຕອນຄ່ຳວັນທີ 27 ມີນານີ້, ສະຖານີໂທລະພາບສອງແຫ່ງໃນບາງກອກຂອງໄທໄດ້ຖືກໂຈມຕີດ້ວຍລະເບີດຢ່າງຕໍ່ເນື່ອງກັນ, ລວມມີ 8 ຄົນບາດເຈັບ, ໃນນັ້ນມີທະຫານ 3 ຄົນ.
ປະມານ 19 ໂມງຂອງເວລາທ້ອງຖິ່ນ, ໂທລະພາບຊ່ອງ 5 ທີ່ຕັ້ງຢູ່ຖະໜົນພາຮົນໂຢຕີນຖືກໂຈມຕີດ້ວຍລູກລະເບີດ, ເຮັດໃຫ້ 6 ຄົນບາດເຈັບ, ໃນນັ້ນມີທະຫານເຝົ້າຍາມ 2 ຄົນແລະຊາວເມືອງທີ່ກຳລັງຍ່າງຜ່ານ 4 ຄົນ, ໃນນັ້ນ, 2 ຄົນເຈັບໜັກ.
21 ໂມງ 40 ນາທີ, ໂທລະພາບNBT ທີ່ຕັ້ງຢູ່ຖະໜົນວິພາວະດີຂອງບາງກອກກໍ່ເກີດເຫດການລະເບີດ, ເດີ່ນຫຍ້າຢູ່ນອກຕຶກຫ້ອງການຂອງສະຖານີໂທລະພາບຖືກລະເບີດແຕກເປັນຂຸມໃຫຍ່, ທະຫານເຝົ້າຍາມຜູ້ໜຶ່ງແລະຜູ້ປ້ອງກັນຄວາມໝັ້ນຄົງຂອງໂທລະພາບ 1 ຄົນບາດເຈັບ.
ຕອນຄ່ຳວັນດຽວກັນ, ທ່ານສານເສີນ ແກ້ວກຳເນີດ ໂຄສົກກອງບັນຊາການດ້ານຄວາມໝັ້ນຄົງພາຍໃນປະເທດໄທກ່າວວ່າ, ປະຈຸບັນຍັງບໍ່ຮູ້ຄັກຈຸດປະສົງຂອງສອງເຫດການນີ້, ແຕ່ຄວນແມ່ນຝ່າຍທີ 3 ຢາກສວຍໂອກາດກໍ່ຄວາມວຸ້ນວາຍ.
