ຕອນເຊົ້າວັນທີ28ມີນານີ້, ຜູ້ຕາງໜ້າຊົນເຜົ່າຕ່າງໆ3000ກວ່າຄົນຂອງເຂດປົກຄອງຕົນເອງຕິເບດນຸ່ງຊຸດວັນບຸນ, ເຕົ້າໂຮມກັນຢູ່ສະໜາມຫຼວງວັງບູດາລານະຄອນລາຊາ, ເທສະບານເຂດຕິເບດ, ເຂົ້າຮ່ວມພິທີຊັກທຸງຊາດຂຶ້ນສູ່ຍອດເສົາແລະຮ້ອງເພງຊາດເພື່ອສະຫຼອງວັນລະລຶກປົດປ່ອຍຂ້າທາດກະສິກອນລ້ານຄົນ. ມື້ດຽວກັນ, ຢູ່ແຫ່ງຕ່າງໆຂອງເຂດຕິເບດກໍ່ໄດ້ຈັດກິດຈະກຳສະຫຼອງຕ່າງໆ. ບຸກຄົນວົງການຕ່າງໆຂອງຕິເບດກ່າວວ່າ, ຊີວິດການເປັນຢູ່ທີ່ມີຄວາມສຸກແມ່ນຍາດມາບໍ່ໄດ້ງ່າຍ, ມີແຕ່ຈື່ຈຳປະຫວັດສາດ, ທະນຸຖະໜອມປະຈຸບັນ, ຈຶ່ງສາມາດປະດິດສ້າງອະນາຄົດ.
ວັນທີ28ມີນາປີ1959, ລັດຖະບານຈີນປະກາດວ່າຍຸບອົງການປົກຄອງຕິເບດ, ໃຫ້ຄະນະກຳມະການກະກຽມເຂດປົກຄອງຕົນເອງຕິເບດປະຕິບັດສິດອຳນາດຂອງອົງການປົກຄອງຕິເບດ, ເລີ່ມດຳເນີນການປະຕິຮູບປະຊາທິປະໄຕຢູ່ຕິເບດຢ່າງເປັນທາງການ, ຍົກເລີກລະບອບຂ້າທາດກະສິກອນສັກດິນາທີ່ການປົກຄອງກັບສາສະໜາເປັນລະບົບດຽວ, ເຮັດໃຫ້ຂ້າທາດກະສິກອນແລະຂ້າທາດລ້ານຄົນໄດ້ຮັບສິດເສລີພາບ, ໄດ້ຮັບທີ່ດິນ, ແລະຊົມໃຊ້ສິດທິການເມືອງທີ່ກຳນົດໄວ້ໃນກົດໝາຍ. ເດືອນມັງກອນປີ2009, ກອງປະຊຸມເທື່ອທີສອງສະໄໝທີ9ຂອງສະພາປະຊາຊົນເຂດປົກຄອງຕົນເອງຕິເບດໄດ້ລົງຄະແນນສຽງຮັບຮອງຍັດຕິສະບັບໜຶ່ງ, ຕົກລົງເອົາວັນທີ28ມີນາທຸກປີເປັນວັນລະລຶກປົດປ່ອງຂ້າທາດກະສິກອນລ້ານຄົນ, ເພື່ອລະລຶກການປະຕິຮູບປະຊາທິປະໄຕເທື່ອນີ້.
ໃນພິທີຊັກທຸງຊາດຂຶ້ນສູ່ຍອດເສົາແລະຮ້ອງເພງຊາດທີ່ຈັດຂຶ້ນຢູ່ສະໜາມຫຼວງວັງບຸດດາລາໃນວັນທີ28ມີນານີ້, ທ່ານສິນອີ ເລຂາຄະນະພັກນະຄອນລາຊາກ່າວຄຳປາໄສໂດຍຊີ້ອອກວ່າ, ເນື້ອທີ່ເທດສະບານນະຄອນລາຊາໃນສະໄໝເກົ່າບໍ່ຮອດ3ກິໂລຕາແມັດ, ມີປະຊາກອນບໍ່ຮອດ2ໝື່ນຄົນ, ບໍ່ມີໂຮງຮຽນຈັກຫຼັງທີ່ຄືກັນກັບໂຮງຮຽນປະຈຸບັນ, ອັດຕາກືກໜັງສືມີເຖິງ95%, ເງື່ອນໄຂປິ່ນປົວແລະສາທາລະນະສຸກຫຼ້າຫຼັງທີ່ສຸດ, ອາຍຸສະເລ່ຍຕໍ່ຫົວຄົນມີແຕ່35,5ປີ. ໃນ51ປີທີ່ຕິເບດດຳເນີນການປະຕິຮູບແບບປະຊາທິປະໄຕມານີ້, ພາລະກິດທຸກລາຍຂອງນະຄອນລາຊາເກີດມີການປ່ຽນແປງປານປີ້ນໜ້າມືເປັນຫຼັງມື, ນີ້ແມ່ນມະຫັດສະຈັນເມືອງຄົນທີ່ບໍ່ເຄີຍມີມາແຕ່ກ່ອນ.
ທ່ານກ່າວວ່າ, ປະຈຸບັນ, ເທດສະບານນະຄອນລາຊາມີປະຊາກອນ4ແສນ5ໝື່ນຄົນ, ເນື້ອທີ່ກວ້າງ50ກິໂລຕາແມັດ, ໄດ້ຈໍ່ຕົວຂຶ້ນເປັນລະບົບສຶກສາຊົນເຜົ່າທັນສະໄໝທີ່ລວມທັງການສຶກສາອະນຸບານ, ການສຶກສາພາກບັງຄັບ, ການສຶກສາຊັ້ນກາງ, ການສຶກສາຊັ້ນສູງ, ອາຊີວະສຶກສາແລະການສຶກສາພິເສດ, ໄດ້ປະຕິບັດນະໂຍບາຍລູກຫຼານຊາວກະສິກອນບໍ່ຕ້ອງເສຍຄ່າກິນ, ຄ່າຢູ່ແລະຄ່າຮຽນໃນການສຶກສາພາກບັງຄັບແລະມັດທະຍົມປາຍ, ເດັກນ້ອຍທີ່ເຖິງອາຍຸເຂົ້າຮຽນມີເຖິງ99,4%, ອັດຕາເຂົ້າຮຽນຂອງມັດທະຍົມຕົ້ນມີເຖິງ99,5%. ປະຈຸບັນ, ຢູ່ນະຄອນລາຊາກໍມີອົງການສາທາລະນະສຸກ462ອົງການ, ຢູ່ເຂດປູກຝັງແລະເຂດລ້ຽງສັດໄດ້ສ້າງລະບົບປິ່ນປົວໂດຍບໍ່ຕ້ອງເສຍຄ່າ, ອາຍຸສະເລ່ຍຕາມຫົວຄົນເພີ່ມຂຶ້ນຮອດ67ປີ.
ນອກຈາກພິທີທີ່ຈັດຂຶ້ນຢູ່ສະໜາມຫຼວງວັງບູດາລາ, ວັນທີ 28 ມີນານີ້, ຢູ່ເຂດຊຸມຊົນ, ຕາແສງແລະບ້ານ ໂຮງຮຽນຕ່າງໆຂອງນະຄອນລາຊາຍັງໄດ້ຈັດກິດຈະກຳຕ່າງໆ ເຊັ່ນ,ງານສົນທະນາ,ງານວາງສະແດງຮູບພາບ ແລະ ການສະແດງຟ້ອນລຳທຳເພງເປັນຕົ້ນ. ນາງລາຊົງໂຊກາ ຮອງປະທານສະພາປຶກສາການເມືອງນະຄອນລາຊາເຄີຍດຳລົງຊີວິດ10ກວ່າປີໃນສະໄໝເກົ່າກ່ອນການດຳເນີນການປະຕິຮູບແບບປະຊາທິປະໄຕເປັນ, ເມື່ອຫວນຄືນນະຄອນລາຊາໃນສະໄໝເກົ່າ, ນາງພຽງສາມາດຄິດເຖິງຖະໜົນອັນເປິເປື້ອນ,ຜູ້ຂໍທານທີ່ຫຼວງຫຼາຍ ແລະ ຂ້າທາດກະສິກຳທີ່ຈ່ອຍຜອມທີ່ສຸດ, ສະນັ້ນຄວນຈື່ຈຳຄວາມທຸກຍາກຂອງຕິເບດໃນສະໄໝເກົ່າຢ່າງ, ຊົມໃຊ້ຄວາມສຸກຄວາມເບີກບານມ່ວນຊື່ນຂອງຕິເບດໃໝ່."
ປັດຈຸບັນ,ເມື່ອຍ່າງຢູ່ຕາມຖະໜົນຫົນທາງຂອງນະຄອນລາຊາ, ທຸງແດງປິວສະປັດ, ດວດໄມ້ສົດມີຢູ່ທຸກຫົນທຸກແຫ່ງ, ເຕັມໄປດ້ວຍບັນຍາກາດຂອງວັນບຸນ. ທ່ານຊາໂກກາງໂຈ ອີຊີປານເດັນ ຊາວຕິເບດທີ່ເຄີຍດຳລົງຊີວິດຢູ່ຕ່າງປະເທດ 35 ປີ,ເມື່ອກັບຄືນປະເທດຊາດຕັ້ງພູມລຳເນົາຢູ່ນະຄອນລາຊາ ທ່ານມີຄວາມກະດຸ້ງໃຈຫຼາຍຕໍ່ຕິເບດໃໝ່ທີ່ພັດທະນາຢ່າງວ່ອງໄວນັ້ນ.
"ພັດທະນາ ແລະ ປ່ຽນແປງໄວຫຼາຍ, ການພັດທະນາແລະການປ່ຽນແປງໄວປານນີ້ບໍ່ເຄີຍເຫັນຢູ່ໃນປະເທດອື່ນໆ. ຕົວຢ່າງ,ອາເມລິກາທັນສະໄໝຫຼາຍ,ແຕ່ຈັງຫວະເຕີບໂຕການພັດທະນາໄວ້ສົມຄວນແບບນີ້ກໍ່ບໍ່ມີ, ເວລາບໍ່ເທົ່າໃນປີນີ້ໄດ້ເຮັດໃຫ້ເຮົາຕື່ນຕົກໃຈ, ລັດເອົາໃຈໃສ່ນຳຊາວກະສິກອນ ແລະ ຊາວລ້ຽງສັດແນວນີ້,ຢູ່ຕ່າງປະເທດຂ້ອຍບໍ່ເຄີຍເຫັນ, ເປັນຕາເຄົາລົບຫຼາຍ!"
