ຊ່ຽວຊານດ້ານການປ້ອງກັນຂອງຈີນແລະອາຊຽນປຶກສາຫາລືວິທີຮ່ວມມືດ້ານຄວາມໝັ້ນຄົງເປັນເອກກະລັກອາຊີຕາເວັນອອກ
(GMT+08:00) 2010-03-29 18:56:19 cri
ວັນທີ29ມີນານີ້, ການເຈລະຈາການປ້ອງກັນແລະຄວາມໝັ້ງຄົງລະຫວ່າງຈີນກັບອາຊຽນໄດ້ຈັດຂຶ້ນຢູ່ປັກກິ່ງ. ເຈົ້າໜ້າທີ່ແລະນັກວິຊາການກ່ຽວກັບນະໂຍບາຍປ້ອງກັນທີ່ມາຈາກຈີນແລະປະເທດອາຊຽນປະມານ40ທ່ານໄດ້ເຂົ້າຮ່ວມກອງປະຊຸມ ທີ່ດຳເນີນເປັນເວລາ3ວັນເທື່ອນີ້. ຕໍ່ໄປເຊີນຟັງລາຍລະອຽດ:
ການເຈລະຈາເທື່ອນີ້ຖືກົນໄກຄວາມໝັ້ນຄົງແລະນະໂຍບາຍປ້ອງກັນຂອງພາກພື້ນເປັນຫົວຂໍ້ຫຼັກ, ລວມມີຫົວຂໍ້ນ້ອຍ3ຂໍ້ ຄືສະພາບປະຈຸບັນແລະການພັດທະນາຂອງກົນໄກປ້ອງກັນຂອງພາກພື້ນ, ການຮ່ວມມືດ້ານການປ້ອງກັນແລະຄວາມໝັ້ນຄົງລະຫວ່າງຈີນກັບອາຊຽນແລະນະໂຍບາຍປ້ອງກັນປະເທດຂອງຈີນແລະ ປະເທດອາຊຽນ, ມີຈຸດປະສົງທີ່ເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນດ້ານການເມືອງແລະຄວາມໝັ້ນຄົງລະຫວ່າງຈີນກັບປະເທດອາຊຽນຢ່າງບໍ່ຢຸດຍັ້ງ, ລົງເລິກການຮ່ວມມືດ້ານການປ້ອງກັນແລະຄວາມໝັ້ນຄົງ.
ໃນພິທີໄຂປະຊຸມ, ພົນໂທຫຼິວເສິງຈຸ່ນ, ຫົວໜ້າສະພາບັນດິດວິທະຍາສາດການທະຫານຂອງກອງທັບປົດປ່ອຍປະຊາຊົນຈີນກ່າວວ່າ, ຜ່ານຈາກຄວາມພະຍາ ຍາມຮ່ວມຂອງຝ່າຍຕ່າງໆ, ການສ້າງສາກົນໄກຄວາມໝັ້ນຄົງຂອງອາຊີຕາເວັນອອກໄດ້ຮັບຜົນຫຼາຍ, ແຕ່ການສ້າງສາກົນໄກຮ່ວມມືດ້ານການປ້ອງກັນຂອງພາກພື້ນຍັງຢູ່ໃນໄລຍະຊອກຄົ້ນ.
ທ່ານຊີ້ອອກວ່:"ປະຈຸບັນ, ພາພື້ນອາຊີຕາເວັນອອກມີຄວາມໝັ້ນຄົງແລະສະຖຽນລະພາບ, ແຕ່ຍັງມີການຂົ່ມຂູ່ດ້ານຄວາມໝັ້ນຄົງຕ່າງໆໃນຂົງເຂດດັ້ງເດີມແລະຂົງເຂດທີ່ບໍ່ແມ່ນດັ້ງເດີມ, ມັນແມ່ນສິ່ງທ້າທາຍຕໍ່ຜົນປະໂຫຍດຮ່ວມຂອງພວກເຮົາແລະພວມທົດສອບສະຕິບັນຍາຮ່ວມຂອງພວກເຮົາ. ພວກເຮົາຕ້ອງອອກແຮງປັບປຸງກົນໄກໃນປະຈຸບັນໃຫ້ສົມບູນ, ຕັ້ງໜ້າຄົ້ນຄ້ວາຊອກຫາຮູບແບບການຮ່ວມມືໃໝ່, ຢຶດໝັ້ນການເປັນເຈົ້າຕົນເອງຂອງພາກພື້ນ, ນັບຖືຄວາມຫຼາກຫຼາຍຂອງພາກພື້ນ, ນັບຖືຫຼັກການທີ່ຮ່ວມມືຢ່າງສະເໝີພາບກັນ, ການປຶກສາຫາລືໃຫ້ເປັນເອກະພາບກັນ, ບໍ່ແຊກແຊງວຽກງານພາຍໃນແລະແກ້ໄກຄວາມຂັດແຍ່ງຢ່າງເໝາະສົມ, ຄ່ອຍເປັນຄ່ອຍໄປ, ຈາກງ່າຍຫາຍາກ, ຊອກຫາເສັ້ນທາງຮ່ວມມືດ້ານຄວາມໝັ້ນຄົງທີ່ມີເອກະລັກອາຊີຕາເວັນອອກ."
ທ່ານຫຼຸນເສີນຈິ່ນຊີ້ອອກວ່າ, ການຊຸກຍູ້ຂະບວນການຮ່ວມມືໃຫ້ມີກົນໄກຢ່າງຕັ້ງໜ້າແລະໝັ້ນທ່ຽງ, ແມ່ນການຮັບປະກັນສຳຄັນແຫ່ງການຮ່ວມມືດ້ານຄວາມໝັ້ງຄົງມີການພັດທະນາແບບຍືນຍົງແລະຈະໄດ້ຮັບຜົນທີ່ແທ້ຈິງ.
ພົນເອກພິເສດວູວັນຄານ, ຮອງຫົວໜ້າກົມຄົ້ນຄ້ວາການພົວພັນສາກົນຂອງສະຖາບັນຄົ້ນຄ້ວາຍຸດທະສາດການທະຫານປ້ອງກັນປະເທດຫວຽດນາມກ່າວວ່າ, ປະຈຸບັນ, ອາຊຽນກັບຈີນລ້ວນແຕ່ປະເຊີນກັບສິ່ງທ້າທາຍຮ່ວມ ຄືຈາກບັນຫາຄວາມໝັ້ງຄົງດັ້ງດີມຫາລັດທິກໍ່ການຮ້າຍ, ການຄ້າຂາຍເຖື່ອນຂອງໂຈນສະຫຼັດແລະບັນຫາຄວາມໝັ້ນຄົງທີ່ບໍ່ແມ່ນດັ້ງເດີມ, ໃນຄະນະທີ່ເພີ່ມທະວີການເຈລະຈາ, ປະເທດຕ່າງໆຄວນລົງເລິກການຮ່ວມມືດ້ານການປ້ອງກັນໃນຂົງເຂດຄວາມໝັ້ນຄົງທີ່ບໍ່ແມ່ນດັ້ງເດີມ.
ທ່ານກ່າວວ່າ: "ຂ້າພະເຈົ້າເຫັນວ່າ, ປະເທດທັງໝົດຄວນເພີ່ມຄວາມໄວ້ເນື້ອເຊື່ອໃຈເຊິ່ງກັນແລະກັນໂດຍຜ່ານເວທີປຶກສາຫາລື, ກອງປະຊຸມແລະກົນໄກອື່ນໆ, ນີ້ສາມາດປຶກສາຫາລືບັນຫາປ້ອງກັນແລະຄວາມໝັ້ນຄົງ, ແລະພະຍາຍາມແກ້ໄຂບັນຫາໂດຍສັນຕິ. ທຳອິດ, ຈະເລີ່ມຈາກການຮ່ວມມືໃນຂົງເຂດກູ້ໄພ, ຄ່ອຍໆເປີດກວ້າງໄປຮອດຂົງເຂດອື່ນ, ແລະຍົງສູງປະສິດທິພາບຂອງການຮ່ວມມື."
ພົນຕີກ່ວນຢອຍເຟີ່ຍ, ຮອງຫົວໜ້າຫ້ອງການພົວພັນຕ່າງປະເທດຂອງກະຊວງປ້ອງກັນປະເທດຈີນກ່າວວ່າ, ໃນປີຜ່ານມາ, ພາກພື້ນນີ້ໄດ້ມີສະຖຽນລະພາບໃນດ້ານກວມລວມ, ສັນຕິພາບ, ການພັດທະນາແລະການຮ່ວມມືຍັງຄົງແມ່ນທ່າອ່ຽງ, ແຕ່ລັດທິກໍ່ການຮ້າຍ, ລັດທິຫົວຮຸນແຮງແລະລັດທິແບ່ງແຍກແມ່ນການຂົ່ມຂູ່ຢ່າງຮ້າຍແຮງຕໍ່ສະຖຽນລະພາບ, ໄພທຳມະຊາດ, ພະຍາດວະມາດແລະການຂົ່ມຂູ່ຄວາມໝັ້ນຄົງທີ່ບໍ່ແມ່ນດັ້ງເດີມຈະຮ້າຍແຮງຂຶ້ນຕື່ມອີກ, ສິ່ງທ້າຍທາຍຮ່ວມທີ່ຂ້າມຊາດຈະນັບມື້ນັບເພີ່ມຂຶ້ນ, ການພົວພັນລະຫວ່າງ ການພັດທະນາແລະບັນຫາຄວາມໝັ້ນຄົງຈະໃກ້ຊິດກວ່າເກົ່າ, ການຊຸກຍູ້ການພັດທະນາ, ສະແຫວງຫາ ສະຖຽນລະພາບຈະກາຍເປັນໜ້າທີ່ຮ່ວມຂອງປະເທດຕ່າງໆ.
ທ່ານກ່າວວ່າ: "ອາຊຽນໄດ້ເສີມຂະຫຍາຍບົດບາດທີ່ໜ້າແທນບໍ່ໄດ້ໂດຍຕະຫຼອດ ໃນການສ້າງກົນໄກຄວາມປອດໄພແລະກົນໄກປ້ອງກັນຂອງພາກພື້ນ. ພວກຂ້າ ພະເຈົ້າຍິນດີຊົມເຊີຍອາຊຽນສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນຫຼາຍກວ່າເກົ່າໃນວຽກງານຄວາມໝັ້ນຄົງຂອງພາກພື້ນ, ກໍ່ຫວັງວ່າຈະເພີ່ມທະວີການຮ່ວມມືກັບອາຊຽນດ້ານການປ້ອງກັນທີ່ແທ້ຈິງຕື່ມອີກ, ຮ່ວມກັນຊຸກຍູ້ການ ສ້າງສາກົນໄກປ້ອງກັນແລະຄວາມໝັ້ນຄົງຂອງພາກພື້ນ, ປະກອບສ່ວນເຂົ້າໃນການຮັກສາສັນຕະພາບແລະສະຖຽນລະພາບຂອງພາກພື້ນ.
