ຈີນຕອບໂຕ້ຖ້ອຍຄວາມທີ່ວ່າ"ການສ້າງເຂື່ອນໄຟຟ້າຢູ່ແມ່ນ້ຳລ້ານລ້າງເຮັດໃຫ້ແມ່ນ້ຳຂອງຂາດນ້ຳ"
(GMT+08:00) 2010-03-30 18:27:55 cri
ຕາມຂ່າວCRI, ວັນທີ30ມີນານີ້ຢູ່ປັກກິ່ງ, ທ່ານຊີນກ່າງ, ໂຄສົກກະຊວງການຕ່າງປະເທດຈີນໄດ້ຕອບໂຕ້ຄວາມເວົ້າທີ່ວ່າ" ຈີນສ້າງເຂື່ອນໄຟຟ້າຢູ່ແມ່ນ້ຳລ້ານລ້າງເຮັດໃຫ້ແມ່ນ້ຳຂອງຂາດນ້ຳ". ທ່ານກ່າວເນັ້ນວ່າ, ພາກຕາເວັນຕົກສຽງໃຕ້ຂອງຈີນແລະປະເທດອະນຸພາກພື້ນແມ່ນ້ຳຂອງໄດ້ປະສົບໄພແຫ້ງແລ້ງແມ່ນຍ້ອນລ້ວນແຕ່ປະສົບໄພພິບັດທາງອາກາດ, ຈີນຈະບໍ່ມີການກະທຳທີ່ທຳລາຍຜົນປະໂຫຍດ ຂອງປະເທດໃກ້ຄຽງ.
ຫວ່າງມໍ່ໆນີ້, ບາງສື່ມວນຊົນກ່າວວ່າ, ລະດັບນ້ຳຂອງແມ່ນ້ຳຂອງຫຼຸດຕ່ຳລົງແມ່ນຍ້ອນວ່າຈີນສ້າງເຂື່ອນໄຟຟ້ານ້ຳຕົກຢູ່ແມ່ນ້ຳລ້ານຊ້າງທີ່ຢູ່ຍ່ານເໜືອແມ່ນ້ຳຂອງ. ໃນກອງປະຊຸມຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ30ມີນານີ້, ທ່ານຊີນກ່າງກ່າວວ່າ, ຄວາມເວົ້າດັ່ງກ່າວບໍ່ມີມູນຄວາມຈິງ.
ທ່ານຊີນກ່າງກ່າວເນັ້ນວ່າ, ໃນປະລິມານນ້ຳຂອງແມ່ນ້ຳຂອງ, ປະລິມານນ້ຳທີ່ໄຫຼຈາກແມ່ນ້ຳລ້າງຊ້າງເຂົ້າໃນແມ່ນ້ຳຂອງນັ້ນກວມພຽງແຕ່13,5%ເທົ່ານັ້ນ. ທ່ານຍັງກ່າວເນັ້ນຕື່ມອີກວ່າ, ໃນຖານະເປັນປະເທດທີ່ຢູ່ຍ່ານເໜືອຂອງແມ່ນ້ຳຈຳນວນໜຶ່ງ, ຈີນມີທ່າທີຮັບຜິດຊອບໃນການພັດທະນາຊັບພະຍາກອນນ້ຳ, ແລະໄດ້ພິຈາລະນາເຖິງຄວາມເອົາໃຈໃສ່ທີ່ສົມເຫດສົມຜົນຂອງປະເທດທີ່ຢູ່ຍ່ານໃຕ້ແມ່ນ້ຳ. ທ່ານແຈ້ງໃຫ້ຊາບວ່າ, ຫຼາຍປີມານີ້, ຈີນໄດ້ສະເໜີຂໍ້ມູນສະພາບອຸທະກະທາລາຂອງຍ່ານເໜືອໃຫ້ປະເທດໃນອະນຸພາກພື້ນແມ່ນ້ຳຂອງຕະຫຼອດມາ.
