ກຸ່ມເສື້ອແດງໄທກ່າວວ່າທ້າຍອາທິດນີ້ຈະໂຮມຊຸມນຸມປະທ້ວງຂະໜາດໃຫຍ່ອີກ
(GMT+08:00) 2010-03-31 17:15:11 cri
ຕາມຂ່າວສານຊີນຮວາ, ວັນທີ30ມີນານີ້,ທ່ານຈະຕຸພອນ ພົມພັນ, ໜຶ່ງໃນຜູ້ນຳກຸ່ມເສື້ອແດງປະກາດວ່າ, ຈະຈັດການໂຮມຊຸມນຸມປະທ້ວງຂະໜາດໃຫຍ່ອີກຢູ່ນະຄອນຫຼວງບາງກອກໃນວັນທີ3ເດືອນໜ້າ, ເພື່ອບັງຄັບລັດຖະບານທີ່ນຳພາໂດຍທ່ານອະພິສິດ ເວດຊາຊີວະຍຸບສະພາ.
ຕອນຄ່ຳວັນທີ29ມີນານີ້, ການເຈລະຈາຮອບທີສອງລະຫວ່າງລັດຖະບານໄທກັບຜູ້ຕາງໜ້າກຸ່ມເສື້ອແດງໄດ້ສິ້ນສຸງລົງໂດຍຕົກລົງກັນບໍ່ໄດ້ຍ້ອນສອງຝ່າຍມີຫຼັກໝັ້ນທີ່ບໍ່ເປັນເອກະພາບກັນກ່ຽວກັບເວລາຍຸບສະພາຜູ້ແທນລາຊະດອນ. ຕອນບ່າຍວັນທີ30ມີນານີ້, ຜູ້ນຳກຸ່ມເສື້ອແດງຕົກລົງຈະຈັດການໂຮມຊຸມນຸມປະທ້ວງຂະໜາດໃຫຍ່ອີກ, ເພື່ອເພີ່ມແຮງກົດດັນຕໍ່ລັດຖະບານຕື່ມອີກ. ແຕ່ວ່າ, ທ່ານຈະຕຸພອນບໍ່ໄດ້ແຈ້ງວ່າກຸ່ມເສື້ອແດງຈະໃຊ້ການກະທຳແນວໃດໃນການປະທ້ວງທີ່ໃກ້ຈະຈັດຂຶ້ນ.
