ໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫລວງປັກກິ່ງໃນວັນທີ 31 ມີນານີ້, ທ່ານຫລິວນິງ,ລັດຖະມົນຕີຊ່ວຍວ່າການກະຊວງຊົນລະປະທານຈີນ,ທັງເປັນເລຂາທິການຫ້ອງການຕ້ານແລ້ງຕ້ານຖ້ວມແຫ່ງຊາດຈີນແຈ້ງວ່າ, ໄລ່ມາຮອດວັນທີ 30 ມີນານີ້,ດິນປູກຝັງຂອງຈີນມີ 7 ລ້ານ 7 ແສນກວ່າເຮັກຕາປະສົບໄພແຫ້ງແລ້ງ,ມີປະຊາຊົນ 24 ລ້ານ 2 ແສນ 5 ຫມື່ນຄົນຂາດເຂີນນ້ຳດື່ມ.ປັດຈຸບັນ, ລັດຖະບານຈີນພວມໃຊ້ຫລາຍມາດຕະການພະຍາຍາມແກ້ໄຂບັນຫາການ ຜະລິດແລະຊີວິດການເປັນຢູ່ຂອງປະຊາຊົນຢູ່ເຂດປະສົບໄພແຫ້ງແລ້ງ. ນັບແຕ່ລະດູໃບໄມ້ຫລົ່ນປີກາຍນີ້ມາ, ພາກຕາເວັນຕົກສຽງໃຕ້ຂອງຈີນມີປະລິມານນ້ຳຝົນຫນ້ອຍກວ່າທຸກປີທີ່ຜ່ານມາເຖິງ 50%,ໃນນັ້ນ ແຂວງຢຸນນານ,ແລະບາງເຂດຂອງແຂວງກຸ້ຍໂຈວຫນ້ອຍກວ່າ 70-90%, ອຸນຫະພູມກໍ່ສູງກວ່າໄລຍະດຽວກັນຂອງທຸກປີທີ່ຜ່ານມາ.
ພ້ອມກັນນັ້ນ, ນ້ຳໃນແມ່ນ້ຳຫນອງບຶງຂອງພາກຕາເວັນຕົກສຽງໃຕ້ກໍ່ບົກແຫ້ງ,ພຽງແຕ່ແຂວງຢຸນນາມກໍ່ມີນ້ຳ 622 ສາຍບົກແຫ້ງ.ແຕ່ວັນທີ 22 ມີນານີ້ເປັນຕົ້ນມາ, ບາງເຂດຂອງພາກຕາເວັນຕົກສຽງໃຕ້ມີຝົນຕົກແລ້ວ, ແຕ່ເຂດແຫ້ງແລ້ງສ່ວນຫລາຍຍັງບໍ່ມີຝົນຕົກເທື່ອ.ປັດຈຸບັນ, ເນື້ອທີ່ດິນປູກຝັງຂອງພາກຕາເວັນຕົກສຽງໃຕ້ຂອງຈີນທີ່ປະສົບໄພແຫ້ງແລ້ງນັ້ນກວມ 84% ຂອງທີ່ດິນໃນທົ່ວປະເທດ, ສ່ວນປະຊາຊົນທີ່ປະສົບໄພແຫ້ງແລ້ງນັ້ນກໍ່ກວມ 80% ຂອງປະຊາຊົນໃນທົ່ວປະເທດຈີນ.
ທ່ານລິວຫນິງ,ເລຂາທິການ ຂອງຫ້ອງການຕ້ານແລ້ງຕ້ານຖ້ວມແຫ່ງຊາດຈີນກ່າວວ່າ, ປະຈຸບັນ, ສະຖານະການທີ່ຮັບມືກັບໄພແຫ້ງແລ້ງໃນເຂດພາກຕາເວັນຕົກສຽງໃຕ້ຂອງຈີນຍັງເຄັ່ງຂືງຢູ່ຄືເກົາ. ທ່ານກ່າວວ່າ:(ປ່ອຍສຽງ 1) "ເຂດແຫ້ງແລ້ງທີ່ຢູ່ພາກຕາເວັນຕົກສຽງໃຕ້ ໄດ້ມີຝົນຕົກ,ແຕ່ຜະລິດຝົນທຽມບໍ່ແຮງປານໃດ, ແຕ່ບັນເທົາປູກຝັງ ຫນ້ອຍຫນຶ່ງ, ແຕ່ຊ່ອຍເຫຼືອແກ້ໄຂບັນຫາຂາດນ້ຳດື່ມຍັງບໍ່ຫຼາຍປານໃດ. ປະຈຸບັນ, ຈຳນວນຄົນຂາດນ້ຳດື່ມໃນທົ່ວປະເທດ ໄດ້ຈາກຂໍ້ມູນໃນມື້ວານນີ້ ເພີ່ມຂື້ນເປັນ 24 ລ້ານ 2 ແສນ 5 ຫມື່ນຄົນ, ໃນນັ້ນ, 80% ຊີວິດຢູ່ໃນເຂດແຫ້ງແລ້ງທີ່ພາກຕາເວັນຕົກສຽງໃຕ້. ໂດຍອີງຕາມການພະຍາກອນຂອງອຸຕຸນິຍົມໃນປະຈຸບັນແລະສະພາບນ້ຳໃນອະນາຄົດ, ຕາມທຳມະດາ, ນັບແຕ່ວັນທີ 20 ພຶດ ສະພາເປັນຕົ້ນໄປ, ພາກຕາເວັນຕົກສຽງໃຕ້ ຈະເຂົ້າສູ່ໄລຍະມີຝົນຕົກ, ແຕ່ພວກເຮົາຍັງຄວນກຽມພ້ອມເພື່ອຮັບມືກັບໄພແຫ້ງແລ້ງທີ່ຮຸນແຮງແລະດົນນານ."
ມີບາງຄົນເປັນຫ່ວງວ່າ, ຄວາມປອດໄພດ້ານອາຫານຂອງຈີນຈະໄດ້ຖືກຜົນກະທົບຫຼືບໍ່. ກ່ຽວກັບເລື່ອງນີ້, ທ່ານລິວຫນິງ ກ່າວວ່າ, ປະຈຸບັນ,ເນື້ອທີ່ປູກຝັງພືດພັນທັນຍາຫານທີ່ຖືກຜົນກະທົບຈາກໄພແຫ້ງແລ້ງໃນທົ່ວປະເທດຈີນໄດ້ຫຼຸດຫນ້ອຍກວ່າປີກາຍນີ້,ແຕ່ຈະບໍ່ກະທົບກະເທືອນເຖິງຄວາມປອດໄພດ້ານອາຫານ.
"ໄພແຫ້ງແລ້ງທີ່ເກີດຢູ່ພາກຕາເວັນຕົກສຽງໃຕ້ທີ່ມີດິນປູກຝັງປະມານ 23 ລ້ານເຮັກຕາ, ກວມເນື້ອທີ່ດິນປູກຝັງ 18%ຂອງຈີນ, ດິນທີ່ປູກເຂົ້າປະມານ 17 ລ້ານເຮັກຕາ, ກວມພຽງແຕ່ 16% ຂອງຈີນ, ສະນັ້ນໄພແຫ້ງແລ້ງດັ່ງກ່າວມີຜົນສະທ້ອນບໍ່ຫຼາຍປານໃດຕໍ່ຄວາມປອດໄພດ້ານອາຫານຂອງຈີນບໍ່ຫຼາຍປານໃດ. ສິ່ງທີ່ຂ້າພະເຈົ້າເວົ້າໄປນັ້ນແມ່ນສະພາບແຫ້ງແລ້ງຢູ່ພາກເໜືອພຽງແຕ່ແມ່ນສະພາບແຫ້ງແລ້ງທໍ່ນັ້ນ, ບໍ່ໝາຍຄວາມວ່າໄດ້ເກີດໄພແຫ້ງແລ້ງໃນເນື້ອທີ່ກວ້າງແລ້ວ. ຕາມສະຖິຕິໃນປະຈຸບັນ, ປີນີ້ດິນປູກຝັງທີ່ໃຊ້ໃນການປູກເຂົ້ານັ້ນປະສົບໄພແຫ້ງແລ້ງໜ້ອຍກວ່າປີກາຍ. ເມື່ອທຽບກັບໄລຍະດຽວກັຂອງປີກາຍນີ້ແລ້ວ, ດິນປູກເຂົ້າທີ່ປະສົບໄພແຫ້ງແລ້ງໃນປະຈຸບັນໄດ້ຫຼຸດລົງ 50%."
ຕາມການຄາດຄະເນຂອງອຸຕິນິຍົມໃນປະຈຸບັນແລະສະພາບການຝົນຕົກໃນອະນາຄົດ, ທຳມະດາແລ້ວຫຼັງວັນທີ 20 ພຶດສະພາປີນີ້, ພາກຕາເວັນຕົກສຽງໃຕ້ຈະເຂົ້າສູ່ໄລຍະຝົນຕົກ, ຮອດເວລານັ້ນ, ສະພາບແຫ້ງແລ້ງຢູ່ເຂດດັ່ງກ່າວຈະຫຼຸດລົງ
