ກອງປະຊຸມສຸດຍອດຄັ້ງທຳອິດຂອງປະເທດລຸ່ມແມ່ນ້ຳຂອງຈັດຂຶ້ນຢູ່ໄທ
(GMT+08:00) 2010-04-02 16:35:24 cri
ຕາມຂ່າວCRI, ແຕ່ວັນທີ2ຮອດວັນທີ5ເມສານີ້, ຢູ່ຫົວຫີນ, ຄະນະກຳມະການແມ່ນ້ຳຂອງທີ່ປະກອບດ້ວຍປະເທດລຸ່ມແມ່ນ້ຳຂອງ, ຄື, ລາວ, ໄທ, ຫວຽດນາມ, ແລະກຳປູເຈຍໄດ້ຈັດກອງປະຊຸມສຸດຍອດຄັ້ງທຳອິດ. ສີ່ປະເທດຈະຫາລືບັນຫາໄພແຫ້ງແລ້ງໃນລຸ່ມແມ່ນ້ຳຂອງຍ້ອນລະດັບນ້ຳຂອງຫຼຸດລົງຫຼາຍ. ຈີນແລະມຽນມາທີ່ຂຶ້ນກັບລຸ່ມແມ່ນ້ຳຂອງເຊັ່ນກັນໄດ້ສົ່ງຜູ້ແທນເຂົ້າຮ່ວມປະຊຸມໃນນາມປະເທດຜູ້ສັງເກດການ.
ອີງຕາມວາລະປະຊຸມ, ແຕ່ວັນທີ2ຮອດວັນທີ3ເມສານີ້, ຈະຈັດກອງປະຊຸມ ສາກົນພາຍໃຕ້ຫົວຂໍ້ທີ່ວ່າ"ການຄຸ້ມຄອງຊັບພະຍາກອນນ້ຳຂ້າມຊາດພາຍໃຕ້ການປ່ຽນແປງຂອງໂລກ". ຜູ້ຮ່ວມປະຊຸມຈະຮ່ວມກັນຫາລືແລະແລກປ່ຽນບົດຮຽນແລະສົນໃຈຮ່ວມກັນ, ແລະມີຂໍ້ສະເໜີໂດຍແນໃສ່ປັບປຸງການພັດທະນາແລະການຄຸ້ມຄອງຊັບພະຍາກອນນ້ຳຂ້າມຊາດ. ຖະແຫຼງການຂອງກອງປະຊຸມດັ່ງກ່າວຈະຍື່ນໃຫ້ກອງປະຊຸມສຸດຍອດສີ່ປະເທດຄະນະກຳມະການແມ່ນ້ຳຂອງທີ່ຈະຈັດຂຶ້ນໃນວັນທີ5ເມສານີ້.
