ຕາມຂ່າວCRI: ວັນທີ 7 ເມສານີ້ຢູ່ທີ່ບາງກອກ, ທ່ານອະພິສິດ ເວດຊະຊີວະ, ນາຍົກ ລັດຖະມົນຕີໄທປະກາດວ່າ, ຍ້ອນວ່າການໂຮມຊຸມນຸມທີ່ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດໄທຫຼືກຸ່ມເສື້ອແດງຈັດຂຶ້ນຢ່າງຜິດກົດໝາຍຢູ່ໃຈກາງຂອງນະຄອນບາງກອກໄດ້ທຳລາຍຄວາມເປັນລະບຽບຮຽບຮ້ອຍທາງສັງຄົມຂອງບາງກອກຢ່າງໜັກໜ່ວງ, ແລະໄດ້ສ້າງຜົນກະທົບຢ່າງໜັກໜ່ວງຕໍ່ຄວາມປອດໄພທາງຊີວິດວຽກງານແລະຊີວິດການເປັນຢູ່ຂອງປະຊາຊົນບາງກອກ, ລັດຖະບານ ໄທຕົກລົງປະກາດໃຊ້ ພະລາຊະບັນຍັດການບໍລິຫານລາຊະການໃນສະຖານະການສຸກເສີນຢູ່ບາງກອກຢ່າງເປັນທາງການ. ສະພາບວຸ້ນວາຍທາງການເມືອງຂອງໄທທີ່ແກ່ຍາວມາເກືອບ 1 ເດືອນເລີ່ມແຕ່ວັນທີ 14 ມີນາແລ້ວນີ້ກໍຍິ່ງເຄັ່ງຕຶງຂຶ້ນຍ້ອນການປະກາດດັ່ງກ່າວແລະຄາດສະຖານະການໃນອະນາຄົດຍາກ.
ເລີ່ມແຕ່ວັນທີ 3 ເມສານີ້, ຜູ້ປະທ້ວງຂອງກຸ່ມເສື້ອແດງໄດ້ແຫ່ຂະບວນປະທ້ວງໄປທາງແຍກລາຊະປະສົງເຊິ່ງແມ່ນສູນການຄ້າຂອງນະຄອນຫຼວງບາງກອກ, ປະທ້ວງລັດຖະບານທີ່ບໍ່ປະກາດຍຸບສະພາຜູ້ແທນລາຊະດອນ.ການໂຮມຊຸມນຸມປະທ້ວງທີ່ວາງແຜນສຳລັບ 3 ວັນໄດ້ສືບຕໍ່ໄປຮອດວັນທີ 7 ເມສານີ້, ແຕ່ຜູ້ປະທ້ວງຍັງບໍ່ຍອມຖອນອອກໄປ.
ພາຍໃຕ້ສະພາບທີ່"ກຸ່ມເສື້ອແດງ"ບໍ່ສົນໃຈຕໍ່ຄ່ຳເຕືອນຂອງລັດຖະບານ, ໃນກອງປະຊຸມຄະນະລັດຖະບານທີ່ຈັດຂຶ້ນໃນຕອນເຊົ້າວັນທີ 7 ເມສານີ້, ທ່ານອະພິສິດສະເໜີວ່າຕາມຂໍ້ສະເໜີຂອງກອງບັນຊາການຮັກສາຄວາມໝັ້ນຄົງໃຫ້ດີ, ເລື່ອນວັນເວລາປະຕິບັດ ພະລາຊະບັນຍັດການຮັກສາຄວາມໝັ້ນຄົງໃນລະຊະອານາຈັກໄປຮອດວັນທີ 20 ເມສານີ້. ຂໍ້ຕົກລົງດັ່ງກ່າວໄດ້ຮັບການຮັບຮອງຈາກຜູ້ເຂົ້າຮ່ວມກອງປະຊຸມທັງໝົດ, ບໍລິເວນປະຕິບັດຍັງແມ່ນນະຄອນຫຼວງບາງກອກ, ຈັງຫວັດນົນທະຸລີແລະຈັງຫວັດສະມຸດປາການທີ່ຢູ່ອ້ອມຂ້າງ.ພາຍຫຼັງມາ,ທ່ານອະພິສິດ ເວດຊາຊີວະ,ນາຍົກລັດຖະມົນຕີໄທໄດ້ຈັດກອງປະຊຸມດ່ວນຢູ່ກອງບັນຊາການປ້ອງກັນຄວາມປອດໄພແຫ່ງຊາດໃນຄ້າຍກອງພັນໃຫຍ່ທະຫານລາບທີ11ທີ່ຕັ້ງຢູ່ເຂດເໜືອຂອງບາງກອກ,ເພື່ອປຶກສາຫາລືສະພາບການເມືອງໃນປະຈຸບັນນີ້,ແລະປະກາດວ່າ,ພະລາຊະບັນຍັດການຮັກສາຄວາມໝັ້ນຄົງພາຍໃນລາຊະອານາຈັກທີ່ປະຕິບັດໃນປະຈຸບັນນີ້ບໍ່ສອດຄ່ອງກັບສະພາບປະຈຸບັນຢູ່ບາງກອກແລ້ວ,ສະນັ້ນແຕ່ນີ້ເປັນຕົ້ນໄປ,ຈະປະຕິບັດພະລາຊະບັນຍັດການບໍລິຫານໃນສະຖານະການສຸກເສີນຢູ່ບາງ ກອກແລະເຂດອ້ອມແອ້ມ.ພ້ອມກັນນັ້ນ,ກໍ່ຈະສ້າງຕັ້ງສູນປະຕິບັດພາວະສຸກເສີນ,ແລະແຕ່ງຕັ້ງທ່ານສຸເທບ ເທືອກສຸບັນ,ຮອງນາຍົກລັດຖະມົນຕີທີ່ຮັບຜິດຊອບຄວາມໝັ້ນຄົງເປັນຫົວໜ້າສູນດັ່ງກ່າວເພື່ອຮັບຜິດຊອບປະຕິບັດພະວະສຸກເສີນ.ທ່ານອະພິສິດຍັງກ່າວເນັ້ນວ່າ,ການປະຕິບັດພະລາຊະບັນຍັດການບໍລິຫານລາຊະ ການໃນສະຖານະການສຸກເສີນແມ່ນຢາກນຳໃຊ້ເຄື່ອງມືທາງກົດໝາຍເພື່ອແກ້ໄຂຄວາມຂັດແຍ່ງກັນດ້ານການເມືອງໃນປະຈຸບັນນີ້ໃຫ້ດີກວ່າເກົ່າ,ແຕ່ບໍ່ແມ່ນເພື່ອປາບປາມຫຼືທຳ ຮ້າຍປະຊາຊົນ.
ພາຍຫຼັງລັດຖະບານປະກາດພາວະສຸກເສີນແລ້ວ,ຜູ່ນຳຂອງກຸ່ມເສື້ອແດງກໍກ່າວວ່າ,ຈະສືບຕໍ່ຍຶດໝັ້ນການໂຮມຊຸມນຸມປະທ້ວງ,ບໍ່ປະນີປະນອມຕໍ່ລັດຖະບານຢ່າງເດັດຂາດ.ໃນຕອນຄ່ຳມື້ດຽວກັນ,ຜູ່ປະທ້ວງຈຳນວນຫຼວງຫຼາຍຂອງກຸ່ມເສື້ອແດງເດີນທາງຈາກບ່ອນໂຮມຊຸມນຸມຕົ້ນຕໍຢູ່ຂົວຜ່ານຟ້າລີລາດໄປບ່ອນໂຮມຊຸມນຸມຢູ່ທາງແຍກລາຊະປະສົງ,ກ່າວວ່າຈະຕັ້ງກຳແພງມະນຸດເພື່ອປົກປ້ອງເວທີກ່າວຄຳປາໄສ,ແລະບໍ່ໃຫ້ລັດຖະບານຂັບໄລ່ຜູ່ປະທ້ວງຢ່າງເດັດຂາດ.
ຕາມກົດຫມາຍຂອງໄທ,ພາລາຊະບັນຍັດການບໍລິຫານລາຊະການໃນສະຖານະການສຸກເສີນໄດ້ມອບສິດໃຫ້ທະຫານຄວບຄຸມສະຖານະການຢ່າງຮອບ ດ້ານໄດ້.ຖ້າປະກາດໃຊ້ແລ້ວ,ຈະເປັນບ່ອນອີງທາງກົດຫມາຍໃຫ້ແກ່ການສົ່ງທະຫານໄປຂັບໄລ່ຜູ່ປະທ້ວງທີ່ຕ້ານລັດຖະບານຂອງ"ກຸ່ມເສື້ອ ແດງ".
ພາຍໃຕ້ສະພາບທີ່ການໂຮມຊຸມນຸມປະທ້ວງຂອງ"ກຸ່ມເສື້ອແດງ"ໄດ້ດຳເນີນໄປ ເປັນເວລາເກືອບ1ເດືອນແລະນັບມື້ນັບຮຸນແຮງຂຶ້ນເພື່ອຂົ່ມຂູ່ຕໍ່ລັດຖະບານ, ລັດຖະ ບານໄທຈຶ່ງອົດທົນບໍ່ໄດ້ໃນທີ່ສຸດ,ແລ້ວປະກາດປ່ຽນຈາກພະລາຊະບັນຍັດການຮັກສາຄວາມຫມັ້ນຄົງພາຍໃນລາຊະອານາຈັກ ມາເປັນພະລາຊະບັນຍັດການບໍລິຫານລາຊະການໃນສະຖານະການສຸກເສີນ,ເຊິ່ງໄດ້ສ້າງສະພາບທີ່ສອງຝ່າຍ ອາດຈະເກີດການປະທະກັນໄດ້,ສະຖານະການການເມືອງຂອງໄທຈະຕົກຢູ່ໃນສະພາບ ອັນຕະລາຍທີ່ສຸດ. ນັກວິເຄາະເຫັນວ່າ, ສະຖານະການການເມືອງຂອງໄທຈະເປັນໄປໃນທິດທາງຢູ່ໃດນັ້ນ ມີຄວາມອາດເປັນໄປໄດ້ສອງຢ່າງ ກໍຄື: ອັນທີຫນຶ່ງ: ລັດຖະບານຈະສົ່ງທະຫານໄປຂັບໄລ່ຜູ່ປະທ້ວງຕາມການປະກາດພາວະສຸກເສີນ. ຖ້າກຸ່ມເສື້ອແດງ ຍັງສືບຕໍ່ດື້ດ້ານຕໍ່ໄປ, ສອງຝ່າຍກໍ່ອາດຈະເກີດການປ ະທະກັນໄດ້ງ, ແລ້ວອາດຈະເຮັດໃຫ້ມີຜູ່ເສຍຊີວິດແລະບາດເຈັບ, ເຫດການແບບນີ້ ສອງຝ່າຍລ້ວນແຕ່ບໍ່ຢາກໃຫ້ເກີດຂຶ້ນ. ອັນທີສອງກໍ່ແມ່ນ ຜູ່ນຳຂອງກຸ່ມເສື້ອແດງຮັບຮູ້ສະຖານະການທີ່ເພີ່ມຄວາມເຄັ່ງຕຶງຂຶ້ນ,ແລະສະເຫນີ ເຈລະຈາຮອບ 3 ກັບລັດຖະບານກ່ອນເພື່ອແກ້ໄຂວິກິດການການເມືອງໃນປະຈຸບັນ.
