ກອງປະຊຸມປະຈຳປີ2010ຂອງເວທີປຶກສາຫາລືອາຊີໂປອາວໄຂຂຶ້ນ ຮອງປະທານປະເທດຈີນຮຽກຮ້ອງໃຫ້ປະເທດຕ່າງໆຂອງອາຊີຊຸກຍູ້ການພັດທະນາແບບປອດມົນລະພິດ
(GMT+08:00) 2010-04-10 17:54:06 cri
ວັນທີ10ເມສານີ້, ກອງປະຊຸມປະຈຳປີ2010ຂອງເວທີປຶກສາຫາລືອາຊີໂປອາວໄດ້ໄຂຂຶ້ນຢູ່ນະຄອນໂປອາວທີ່ຢູ່ພາກໃຕ້ຂອງຈີນ. ຫົວຂໍ້ຂອງກອງປະຊຸມຄັ້ງນີ້ແມ່ນ"ການພັດທະນາແບບປອດມົນລະພິດ, ການເລືອກເອົາຕົວຈິງຂອງການພັດທະນາແບບຍືນຍົງຂອງອາຊີ". ໃນເວລາກ່າວຄຳປາໄສໃນພິທີໄຂກອງປະຊຸມ, ທ່ານຊີຈີ້ນພິງ, ຮອງປະທານປະເທດຈີນກ່າວວ່າ, ເພື່ອບັນລຸການພັດທະນາແບບປອດມົນລະພິດແລະການພັດທະນາແບບຍືນຍົງຂອງອາຊີກໍ່ຄືທົ່ວໂລກ, ປະເທດຕ່າງໆຂອງອາຊີຄວນປະສານການເຕີບໂຕດ້ານເສດຖະກິດ, ການພັດທະນາຂອງສັງຄົມ, ແລະການອະນຸລັກສິ່ງແວດລ້ອມຢ່າງເປັນເອກະພາບກັນ, ຈີນຍິນດີຮ່ວມກັບປະເທດຕ່າງໆຂອງອາຊີສືບຕໍ່ທຳຄວາມພະຍາຍາມໃນດ້ານນີ້. ຕໍ່ໄປເຊີນຟັງລາຍລະອຽດ.
ພາຍໃຕ້ສະພາບທີ່ເສດຖະກິດໂລກຟື້ນຕົວຢ່າງຊັກຊ້າແຕ່ພື້ນຖານຍັງບໍ່ໜັກແໜ້ນ, ຜູ້ນຳປະເທດຕ່າງໆຂອງອາຊີທີ່ເຂົ້າຮ່ວມກອງປະຊຸມຄັ້ງນີ້ລ້ວນແຕ່ສົນໃຈນຳບັນຫາທີ່ເຮັດແນວໃດຫຼຸດພົ້ນອອກຈາກວິກິດການ, ພ້ອມທັງບັນລຸການພັດທະນາຢ່າງກົມກຽວກັນຂອງເສດຖະກິດ, ສັງຄົມແລະສິ່ງແວດລ້ອມ.
ໃນເວລາກ່າວຄຳປາໄສໃນພິທີໄຂກອງປະຊຸມ, ທ່ານຊີຈິ້ນພີງ, ຮອງປະທານປະເທດຈີນກ່າວວ່າ,
ຈີນແມ່ນປະເທດພວມພັດທະນາທີ່ຮັບຮອງ"ວາລະປະຊຸມສະຫະວັດທີ21"ໄວທີ່ສຸດ, ຈັດວາງ"ແຜນການວຽກງານສັງລວມດ້ານປະຢັດພະລັງງານແລະຫຼຸດການລະບາຍມົນລະພິດ"ແລະ"ແຜນການແຫ່ງລັດເພື່ອຮັບມືການປ່ຽນແປງຂອງດິນຟ້າອາກາດ"ໄວທີ່ສຸດ. ນັບມາຮອດທ້າຍປີ2009, ການສິ້ນເປືອງພະລັງງານຕໍ່ຫົວໜ່ວຍGDPຂອງ4ປີທຳອິດໃນແຜນການ5ປີຄັ້ງທີ11ຂອງຈີນໄດ້ຫຼຸດລົງ14,38%, ປະລິມານຕ້ອງການອອກຊີແຊນດ້ານເຄມີຫຼຸດລົງ9,66%, ປະລິມານລະບາຍຊຸນເປີດີອອກສິດຫຼຸດລົງ13,14%, ເທົ່າກັບວ່າໄດ້ຫຼຸດການລະບາຍກາກບອນດີອອກສິດເກືອບ900ລ້ານໂຕນ.
ທ່ານກ່າວວ່າ, ແຕ່ປີ2007ເປັນຕົ້ນມາ, ຈີນໄດ້ເລີ່ມເລັ່ງລັດປະຖິ້ມກຳລັງການຜະລິດທີ່ຫຼ້າຫຼັງ, ປິດໂຮງຜະລິດໄຟຟ້າດ້ວຍຖ່ານຫີນຂະໜາດນ້ອຍ, ບໍ່ຖ່ານຫີນຂະໜາດໜ້ອຍ, ໂຮງງານຫຼໍ່ຫຼອມເຫຼັກກ້າ, ໂຮງງານຜະລິດຊີມັງ, ໂຮງງານຜະລິດເຈ້ຍ, ໂຮງງານອຸດສາຫະກຳເຄມີ, ໂຮງງານຍ້ອມສີທີ່ມີມົນລະພິດອັນໜັກໜ່ວງເປັນຈຳນວນຫຼວງຫຼາຍ. ຈີນຍັງອອກແຮງພັດທະນາພະລັງງານສະອາດ, ປີ2009, ກຳລັງຕິດຕັ້ງເຄື່ອງຈັກຜະລິດໄຟຟ້ານ້ຳຕົກ, ຂະໜາດໂຮງຜະລິດໄຟຟ້າດ້ວຍນິວເຄຼຍທີ່ກຳລັງກໍ່ສ້າງຢູ່, ເນື້ອທີ່ເກັບຄວາມຮ້ອນຂອງເຄື່ອງຕົ້ມນ້ຳຮ້ອນດ້ວຍພະລັງຕາເວັນ, ແລະປະລິມານຜະລິດໄຟຟ້າດ້ວຍພະລັງງານຕາເວັນລ້ວນແຕ່ເປັນອັນດັບທີໜຶ່ງຂອງໂລກ.
ທ່ານສີຈິ້ນຜິງກ່າວວ່າ, ຈີນມີທ່າທີຕັ້ງໜ້າໃນດ້ານຮັບມືກັບການປ່ຽນແປງຂອງດິນຟ້າອາກາດແລະເພີ່ມທະວີການສ້າງສາຄວາມສາມາດຮັບມືກັບການປ່ຽນແປງຂອງດິນຟ້າອາກາດ, ແລະຈະປະຕິບັດຢ່າງເປັນເຈົ້າການແລະເອົາຈິງເອົາຈັງ.
ຈີນເຫັນວ່າ, ຮັບມືກັບການປ່ຽນແປງຂອງດິນຟ້າອາກາດພົວພັນເຖິງຜົນປະໂຫຍດຮ່ວມຂອງບັນດາປະເທດ, ແລະກໍແມ່ນໜ້າທີ່ຮັບຜິດຊອບຂອງບັນດາປະເທດ. ປະຈຸບັນ, ຈີນພວມຢູ່ໃນໄລຍະຂໍກະແຈທີ່ສ້າງສາສັງຄົມອີ່ມໜຳສຳລານຢ່າງຮອບດ້ານ, ພວມຢູ່ໃນໄລຍະສຳຄັນທີ່ຫັນເປັນສັງຄົມອຸດສາຫະກຳແລະເລັ່ງລັດການສ້າງສາຕົວເມືອງ, ແລະໜ້າທີ່ໜັກໜາໃນດ້ານພັດທະນາເສດຖະກິດແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ແຕ່ພວກເຮົາຍັງຈະເຂົ້າຮ່ວມກິດຈະກຳຮ່ວມຂອງທົ່ວໂລກເພື່ອຮັບມືກັບການປ່ຽນແປງຂອງດິນຟ້າອາກາດດ້ວຍຄວາມຕັດສິນໃຈແລະທ່າທີຕັ້ງໜ້າທີ່ສຸດ ໂດຍອີງໃສ່ຫຼັກການໜ້າທີ່ ຮ່ວມແຕ່ມີຄວາມຮັບຜິດຊອບຕ່າງກັນຂອງສະຫະປະຊາຊາດ.
ທ່ານສີຈິ້ນຜິງສະເໜີວ່າ, ບັນດາປະເທດອາຊີຄວນເລັ່ງລັດການພັດທະນາເຕັກນິກກາກບອນຕ່ຳ, ເຜີຍແຜ່ເຕັກນິກປະຢັດພະລັງງານທີ່ມີປະສິດທິພາບສູງ, ຍົກອັດຕາພະລັງງານໃໝ່ແລະພະລັງງານໝູນວຽນໃຫ້ສູງຂຶ້ນ; ພ້ອມກັນນັ້ນ, ຍຶດໝັ້ນແລະເປີດກວ້າງການເປີດຕະຫຼາດ, ນຳໃຊ້ກົນໄກສົນທະນາແລະຮ່ວມມືໃນພາກາພື້ນອາຊີແລະອະນຸພາກພື້ນຕ່າງໆຢ່າງເຕັມສ່ວນ, ຊຸກຍູ້ອາຊີແລະໂລກພັດທະນາຢ່າງກົມກຽວກັນແລະສືບເນື່ອງ. ທ່ານຮຽກຮ້ອງໃຫ້ບັນດາປະເທດອາຊີຈັບມືກັນຊຸກຍູ້ການພັດທະນາແບບຍືນຍົງຂອງພາກພື້ນອາຊີ.
ຕາມຂ່າວແຈ້ງວ່າ, ຜູ້ນຳລັດຖະບານແລະວິສາຫະກິດ, ຊ່ຽວຊານທີ່ມີຊື່ສຽງຂອງອາຊີແລະແຫ່ງຕ່າງໆຂອງໂລກພ້ອມດ້ວຍຜູ້ແທນອົງການຈັດຕັ້ງບໍ່ແມ່ນລັດຖະບານເກືອບ2ພັນກວ່າຄົນໄດ້ເຂົ້າຮ່ວມກອງປະຊຸມປະຈຳປີຂອງເວທີປຶກສາຫາລືອາຊີປໍອາວຄັ້ງນີ້.
