ໄຕມາດທີຫນຶ່ງໃນປີນີ້,ເສດຖະກິດຈີນເຕີບໂຕ 11,9%
(GMT+08:00) 2010-04-15 18:30:18 cri
ວັນທີ 15 ເມສານີ້, ກົມສະຖິຕິແຫ່ງຊາດຈີນໄດ້ເຜີຍແຜ່ຂໍ້ມູນກ່ຽວກັບການພັດທະນາຂອງເສດຖະກິດຈີນໃນໄຕມາດທີຫນຶ່ງຂອງປີນີ້.ໃນນັ້ນ, ລວມຍອດຜະລິດຕະພັນພາຍໃນຂອງຈີນຫລື GDP ໄດ້ເພີ່ມຂຶ້ນຫລາຍກວ່າເວລາດຽວກັນຂອງປີກາຍ 11,9%,ດັດສະນີລາຄາຜູ່ບໍລິໂພກ 2,2%. ທ່ານຫລີສ້ຽວຊາວ, ໂຄສົກຖະແຫລງຂ່າວຂອງກົມສະຖິຕິແຫ່ງຊາດຈີນເຫັນວ່າ,ທ່າອຽງທີ່ເສດຖະກິດຈີນຖີບສູງຂຶ້ນໄດ້ຂະຫຍາຍໄປສູ່ທາງທີ່ດີຕື່ມອີກ, ປີນີ້ສາມາດບັນລຸເປົ້າຫມາຍທີ່ເຕີບໂຕ 8%.
ລວມຍອດຜະລິດຕະພັນພາຍໃນປະເທດຈີນໃນໄຕມາດທີຫນຶ່ງຂອງປີນີ້ຫລາຍກວ່າ 8 ພັນຕື້ຢວນ,ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 11,9%,ໄວກວ່າໄລຍະດຽວກັນຂອງປີກາຍ 5,7%.ທ່ານຫລີສ້ຽວຊາວໄດ້ໃຫ້ຄຳຕອບປະຕິເສດກ່ຽວກັບບັນຫາທີ່ເສດຖະກິດຈີນໄປໄວເກີນໄປຫລືໄປອ່າວແຮງ.ທ່ານເວົ້າວ່າ:ລວມຍອດຜະລິດຕະພັນພາຍໃນປະເທດຈີນໃນໄຕມາດທີຫນຶ່ງປີນີ້ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 11,9%, ອຸດສາຫະກຳທີ່ມີມູນຄ່າເພີ່ມ 5 ລ້ານຢວນຂຶ້ນໄປນັ້ນໄດ້ເພີ່ມຂຶ້ນ 19,6%, ນີ້ແມ່ນຜົນຂອງນະໂຍບາຍກະຕຸ້ນເສດຖະກິດ,ແລະກໍ່ມີສາເຫດຍ້ອນຂໍ້ມູນພື້ນຖານໃນໄລຍະດຽວກັນຂອງປີກາຍນີ້ອ່າວຕ່ຳ.
ໃນໄຕມາດທີຫນຶ່ງ, ການລົງທຶນຄົງທີ່ໃນທົ່ວສັງຄົມຂອງຈີນໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍເກືອບ 26%,ຍອດມູນຄ່າເຄື່ອງບໍລິໂພກຂາຍຍ່ອຍຂອງສັງຄົມໄດ້ເພີ່ມຂຶ້ນປະມານ 18%, ທ່ານຫຼີສຽວຈ່າວ ກ່າວວ່າ, ຄວາມຕ້ອງການຂອງພາຍໃນປະເທດໄດ້ກາຍເປັນພະລັງແຮງທີ່ສຳຄັນ ໃນການເຕີບໂຕຂອງເສດຖະ ກິດຈີນ. ຕາມການຄາດຄະເນໃນເບື້ອງຕົ້ນ, ໃນໄຕມາດທີຫນຶ່ງປີນີ້, ອັດຕາປະກອບສ່ວນຕໍ່ການເຕີບໂຕທາງເສດຖະກິດຂອງການບໍລິໂພກໄດ້ບັນລຸເຖິງ 52%, ລົງທຶນ 57,9%, ອັດຕາການຄ້າກັບຕ່າງປະເທດຫຼຸດລົງເຖິງ ລົບ 9,9%, ໃນນັ້ນ,ການປະກອບສ່ວນດ້ານການບໍລິໂພໄດ້ຫມັ້ນທ່ຽງເທົ່າທີ່ສົມຄວນ, ເຖິງວ່າອັດຕາປະກອບສ່ວນການລົງທຶນໄດ້ສູງກວ່າຫມູ່ກໍຕາມ,ແຕ່ຍັງຫຼຸດລົງຢ່າງຫຼວງຫຼາຍຈາກລະດັບ 94,6%ໃນປີກາຍນີ້ .
ໃນດ້ານການຄ້າກັບຕ່າງປະເທດ, ເຖິງວ່າຍອດມູນຄ່າຂາເຂົ້າຂາອອກໃນໄຕມາດທີຫນຶ່ງໄດ້ເພີ່ມຂຶ້ນຫຼາຍກວ່າ 40% ແຕ່ເມື່ອທຽບກັບເດືອນມີນາແລ້ວ, ຈີນໄດ້ຂາດດຸນເຖິງ 7 ຕື້ 240 ລ້ານໂດລາ. ດ້ານຫນຶ່ງແມ່ນຍ້ອນວ່າ ຄວາມຕ້ອງການຂອງພາຍໃນປະເທດຈີນໄດ້ເພີ່ມຂຶ້ນຢ່າງແຂງແຮງ, ພາໃຫ້ຂາເຂົ້າເພີ່ມຂຶ້ນຢ່າງຫຼວງຫຼາຍ, ແຕ່ວ່າສະພາບແວດລ້ອມພາຍນອກທີ່ຈີນປະເຊີນຢູ່ນັ້ນກໍ່ບໍ່ເປັນໄປໃນແງ່ດີ, ຄວາມຕ້ອງການຂອງພາຍນອກຍັງອ່ອນຢູ່.
ເຈົ້າຫນ້າທີ່ຜູ່ນີ້ກ່າວວ່າ, ຈີນຈະຮັກສາຄວາມຫມັ້ນທ່ຽງແລະຕໍ່ເນື່ອງຂອງນະໂຍບາຍເສດຖະກິດມະຫາພາກ, ແຕ່ຄຽງຄູ່ກັບເສດຖະກິດໂດຍລວມໄດ້ຟື້ນຕົວດີຂຶ້ນ, ຈີນກໍ່ຈະເອົາໃຈໃສ່ນຳຄວາມຄ່ອງແຄ້ວແລະຈຸດສຸມຂອງນະໂຍບາຍ, ເພື່ອບັນລຸຄາດຫມາຍເຕີບໂຕ 8% ໃນຫມົດປີນີ້.ທ່ານກ່າວວ່າ:
"ເຖິງວ່າGDPໃນໄຕມາດທີໜຶ່ງປີນີ້ໄດ້ເຕີບໂຕ11,9%,ໄວກວ່າເປົ້າໝາຍທີ່ຄາດໄວ້ລ່ວງໜ້າ8%ໃນໝົດປີ,ແຕ່ພວກເຮົາກໍຮູ້ດີວ່າ,ການຟື້ນຟູຂອງເສດຖະກິດໂລກມີຄວາມບໍ່ແນ່ ນອນຫຼາຍຢ່າງ,ການພັດທະນາເສດຖະກິດພາຍໃນປະເທດຍັງປະເຊີນກັບຄວາມຫຍຸ້ງ ຍາກແລະຄວາມຂັດແຍ່ງກັນບໍ່ໜ້ອຍ.ທັງໝົດເຫຼົ່ານີ້ລ້ວນແຕ່ເປັນການທົດສອບແລະການ ທ້າທາຍຕໍ່ເປົ້າໝາຍເຕີບໂຕ8%ໃນປີນີ້."ຂໍ້ມູນຕົວເລກທີ່ປະກາດໃນມື້ນີ້ຍັງຊີ້ອອກວ່າ,ລາຄາບໍລິໂພກຂອງປະຊາຊົນຈີນໃນໄຕມາດທີໜຶ່ງໄດ້ເພີ່ມຂຶ້ນ2,2%ເມື່ອທຽບໃສ່ໄລຍະດຽວກັນຂອງປີ2009,ໃນນັ້ນ,ລາຄາອາຫານແພງຂຶ້ນຫຼາຍກວ່າ5%.ໃນເວລາວິເຄາະສາເຫດເລື່ອງນີ້,ທ່ານຫຼີສຽວຊ່າວກ່າວວ່າ,ຍ້ອນມີຜົນກະທົບຈາກອຸນຫະພູມຕ່ຳແລະມີຝົນຕົກຫິມະຕົກ,ຜັກສົດແລະໝາກໄມ້ສົດແພງຂຶ້ນ ຫຼາຍ.ຜ່ານການວິເຄາະຕື່ມອີກ,ພວກເຮົາເຫັນໄດ້ວ່າ,ລາຄາເຄື່ອງບໍລິໂພກຂອງປະຊາຊົນໃນປະຈຸບັນແມ່ນໝັ້ນທ່ຽງໃນດ້ານກວມລວມໂດຍພື້ນຖານ.ເພື່ອສັງເກດຈາກຂໍ້ມູນຕົວເລກໃນເດືອນມີນາແລ້ວນີ້,ລາຄາບໍລິໂພກຂອງປະຊາຊົນໃນເດືອນມີ ນາແລ້ວນີ້ໄດ້ເພີ່ມຂຶ້ນ2,4%ເມື່ອທຽບໃສ່ໄລຍະດຽວກັນຂອງປີ2009,ຫຼຸດລົງກວ່າ ເດືອນກຸມພາປີກາຍນີ້.ກ່ຽວກັບເລື່ອງນີ້,ມີຜູ່ຊ່ຽວຊານຈຳນວນໜຶ່ງຊີ້ອອກວ່າ,ນີ້ເຮັດໃຫ້ ການຄາດຄະເນລ່ວງໜ້າຂອງບຸກຄົນທີ່ກ່ຽວຂ້ອງທີ່ວ່າ ຄວາມອາດເປັນໄປໄດ້ທີ່ຈະເພີ່ມອັດຕາດອກເບ້ຍໃນມໍ່ໆນີ້ຫຼຸດລົງ.
