ໃນໂອກາດວັນກຳມະກອນສາກົນໃກ້ຈະມາເຖິງນີ້ຢູ່ທີ່ປັກກິ່ງ, ທ່ານຢາງຈື້ໝິງ, ລັດຖະມົນຕີຊ່ວຍວ່າການ ກະຊວງຊັບພະຍາກອນມະນຸດແລະປະກັນສັງຄົມຈີນໄດ້ເຜີຍແຜ່ຂໍ້ມູນຕ່າງໆກ່ຽວກັບຊາວກະສິກອນທີ່ເຮັດວຽກຢູ່ຕົວເມືອງ, ຂໍ້ມູນເຫຼົ່ານີ້ມີ: ຊາວກະສິກອນທີ່ເຮັດວຽກຢູ່ຕົວເມືອງຂອງຈີນມີປະມານ 230 ລ້ານຄົນ; ພາຍໃຕ້ການກະທົບຂອງວິກິດການການເງິນສາກົນ, ລັດຖະບານຈີນໄດ້ຈ່າຍເງິນເດືອນເພີ່ມເຕີມໃຫ້ເຂົາເຈົ້າປະມານ 1 ລ້ານ 5 ແສນຄົນ. ພ້ອມກັນນັ້ນຈີນຈະເພີ່ມນະໂຍບາຍທີ່ຮັບປະກັນໃຫ້ຊາວກະສິກອນທີ່ເຮັດວຽກຢູ່ຕົວເມືອງໃນດ້ານລາຍໄດ້, ການອົບຮົມວິຊາຊີບ, ໃຫ້ການສຶກສາແກ່ລູກຂອງເຂົາເຈົ້າແລະຊີວິດທາງຈິດໃຈເປັນຕົ້ນ, ບັນຫາການຂຶ້ນສຳມະໂນຄົວຢູ່ຕົວເມືອງທີ່ເຂົາເຈົ້າສົນໃຈຫຼາຍນັ້ນກໍຈະໄດ້ຮັບການແກ້ໄຂຢ່າງວ່ອງໄວກວ່າເກົ່າ.
ຊາວກະສິກອນທີ່ເຮັດວຽກຢູ່ຕົວເມືອງແມ່ນຄຳສັບສະເພາະຂອງຈີນທີ່ໝາຍເຖິງຊາວກະສິກອນທີ່ເຮັດວຽກຢູ່ຕົວເມືອງໃນຂະບວນການທີ່ຈີນເລີ່ມປະຕິບັດການປະຕິຮູບເປີດປະຕູສູ່ພາຍນອກ, ຫັນເປັນອຸດສາຫະກຳແລະຕົວເມືອງ. ວັນທີ 28 ເມສານີ້, ທ່ານຢາງຈື້ໝິງ, ລັດຖະມົນຕີຊ່ວຍວ່າການ ກະຊວງຊັບພະຍາກອນມະນຸດແລະປະກັນສັງຄົມຈີນໄດ້ແຈ້ງສະພາບການວຽກງານທີ່ຍົກຍ້າຍກຳລັງແຮງງານຂອງຊົນນະບົດແລະຮັບປະກັນສິດຜົນປະໂຫຍດຂອງຊາວກະສິກອນທີ່ເຮັດວຽກຢູ່ຕົວເມືອງຕໍ່ຄະນະປະຈຳສະພາປະຊາຊົນແຫ່ງຊາດຈີນ.
ໃນນັ້ນ, ບັນຫາການປະຕິຮູບລະບຽບການສຳມະໂນຄົວຂອງຊາວກະສິກອນທີ່ເຮັດວຽກຢູ່ຕົວເມືອງແມ່ນໄດ້ຮັບຄວາມສົນໃຈຫຼາຍທີ່ສຸດ. ທ່ານຢາງຈື້ໝິງກ່າວວ່າ, ຕໍ່ໄປ, ຈີນຈະນັ້ນໃສ່ການປັບປຸງເງື່ອນໄຂດຳລົງຊີວິດຢູ່ຕົວເມືອງຂອງຊາວກະສິກອນໃຫ້ດີຂຶ້ນກວ່າເກົ່າ, ຊຸກຍູ້ໃຫ້ຊາວກະສິກອນເຫຼົ່ານີ້ຍ້າຍໄປຢູ່ຕົວເມືອງ.ທ່ານຢາງຈື້ມີງກ່າວວ່າ:"ສົ່ງເສີມໃຫ້ຕົວເມືອງທີ່ມີເງື່ອນໄຂຮັບເອົາຊາວກະສິກອນທີ່ມີອາຊີບໝັ້ນຄົງແລະດຳລົງຊີວິດຢູ່ໃນຕົວເມືອງມາຫຼາຍປີແລ້ວນັ້ນເຂົ້າໃນລະບົບເຮືອນຢູ່ລັກສະນະຮັບປະກັນຂອງຕົວເມືອງ,ຄົ້ນຄວ້າສ້າງຕັ້ງລະບອບເຮືອນຢູ່ທີ່ໃຫ້ກຳມະກອນເຊົ່າເຮືອນສາທາລະນະ,ໃຊ້ຫຼາຍຊ່ອງທາງເພື່ອເລັ່ງລັດປັບປຸງເງື່ອນໄຂເຮືອນຢູ່ຂອງຊາວກະສິກອນທີ່ເຮັດວຽກໃນຕົວເມືອງ.ເລັ່ງລັດປະຕິບັດນະໂຍບາຍທີ່ຜ່ອນຍານເງື່ອນໄຂຕໍ່ການຂຶ້ນສຳມະໂນຄົວຢູ່ໃນຕົວເມືອງຂະໜາດກາງຂະໜາດນ້ອຍ,ໂດຍສະເພາະແມ່ນເມືອງທີ່ເປັນເທດສະບານ,ຊຸກຍູ້ໃຫ້ຜູ່ທີ່ມີເງື່ອນໄຂຂຶ້ນສຳມະໂນຄົວຢູ່ໃນຕົວເມືອງໃຫ້ມີສິດແລະຜົນປະໂຫຍດເທົ່າທຽມກັບຄົນໃນຕົວເມືອງ."ພ້ອມກັນນັ້ນ,ສິ່ງທີ່ໜ້າສົນໃຈຍັງມີການປ່ຽນແປງໃໝ່ຂອງຄົນກຸ່ມນີ້.ທ່ານຢາງຈື້ມີງກ່າວວ່າ:"ດຽວນີ້ມີຄົນນັບມື້ນັບຫຼາຍມັກອອກຈາກບ້ານໄປເຮັດວຽກຢູ່ຕ່າງຖິ່ນ;ສ່ວນຫຼາຍແມ່ນຄົນລຸ້ນໃໝ່ທີ່ມີອາຍຸຕ່ຳກວ່າ30ປີ,ລະດັບວັດທະນະທຳກໍ່ສູງກວ່າແຕ່ກ່ອນ;ບ່ອນທີ່ຮັບເອົາເຂົາເຈົ້າເຂົ້າເຮັດວຽກຕົ້ນຕໍກໍແມ່ນເຂດພາກຕາເວັນອອກ,ແຕ່ມາດຕາສ່ວນມີການຫຼຸດລົງ;ແລະທີ່ສຳຄັນແມ່ນລາຍໄດ້ຂອງເຂົາເຈົ້າເພີ່ມຂຶ້ນທຸກປີ."
ນະໂຍບາຍຕ່າງໆທີ່ລັດຖະບານຈີນຕັ້ງຫນ້າຊຸກຍູ້ເຊັ່ນວ່າ:ຊຸກຍູ້ໃຫ້ຊາວກະ ສິກອນມີລາຍໄດ້ເພີ່ມຂຶ້ນແລະຊຸກຍູ້ໃຫ້ຊາວກະສິກອນທີ່ເຮັດວຽກໃນຕົວເມືອງ ມີເງິນເດືອນເພີ່ມຂຶ້ນ,ເພີ່ມການອົບຮົມດ້ານວິຊາຊີບໃຫ້ຊາວກະສິກອນທີ່ເຮັດວຽກໃນຕົວເມືອງແລະອື່ນໆໄດ້ຮັບປະກັນການປ່ຽນແປງດັ່ງກ່າວຢ່າງຈະແຈ້ງ. ພາຍໃຕ້ຜົນກະທົບຂອງວິກິດການການເງິນ, ຈີນໄດ້ນຳໃຊ້ໂຄງການທີ່ລັດຖະບານໃຊ້ງົບກໍ່ສ້າງນັ້ນປະກາດຮັບເອົາຊາວກະສິກອນທີ່ເຮັດວຽກໃນຕົວເມືອງຢ່າງຫຼວງຫຼາຍ, ເພື່ອສ້າງໂອກາດມີວຽກເຮັດງານທຳໃຫ້ແກ່ເຂົາເຈົ້າ,ສົ່ງເສີມວິສາຫະກິດຂະຫນາດໃຫຍ່ບໍ່ໃຫ້ຫຼຸດຈຳນວນຫຼືຫຼຸດຈຳນວນຊາວກະສິກອນທີ່ເຮັດວຽກໃນຕົວເມືອງໃນຈຳນວນຫນ້ອຍ, ພ້ອມທັງຍັງອອກແຮງແກ້ໄຂບັນຫາຖ່ວງດຶງການຈ່າຍເງິນເດືອນໃຫ້ເຂົາເຈົ້າຂອງເຈົ້າຂອງບໍລິສັດໂຮງຈັກໂ6ງງານ.ດ້ວຍເຫດນີ້, ເຖິງວ່ານີ້ໄດ້ຮັບຜົນກະທົບຈາກວິກິດການການເງິນກໍຕາມ, ແຕ່ປີ 2009ຜ່ານມາ, ຊາວກະສິກອນທີ່ເຮັດວຽກໃນຕົວເມືອງ ຍັງໄດ້ເພີ່ມຂື້ນ 4 ລ້ານ 9 ແສນ2 ຫມື່ນຄົນເມື່ອທຽບກັບ ປີ2008,ແລະຊາວກະສິກອນເກືອບ 1 ລ້ານ 5 ແສນຄົນກໍ່ໄດ້ຮັບເງິນເດືອນແລະຄ່າຕອບແທນທີ່ໄດ້ຖືຖ່ວງດຶງການຈ່າຍເງິນເດືອນແລ້ວ.
ໃນດ້ານຄວາມປອດໄພດ້ານອາຊີບ, ເຂົາເຈົ້າບໍ່ພຽງແຕ່ ໄດ້ຮັບການອົບຮົມດ້ານຄວາມປອດໄພເຖິງລ້ານຄົນເທົ່ານັ້ນ, ການປັບປຸງຄວາມປອດໄພດ້ານອາຊີບໂດຍສະເພາະ ກໍ່ໄດ້ຮັບການປັບປຸງຢ່າງບັງເກີດຜົນ. ສ່ວນລູກຂອງເຂົາເຈົ້າ 80% ໄດ້ຮັບການສຶກສາພາກບັງຄັບໂດຍບໍ່ຕ້ອງເສຍຄ່າຢູ່ໂຮງຮຽນໃນຕົວເມືອງ.
ວັນທີ 28 ເມສານີ້,ທ່ານຢາງຈີ້ມິງ ຍັງເປີດເຜີຍວ່າ, ລັດຖະບານຈີນຈະຈັດເອົາວຽກງານຂອງຊາວກະສິກອນທີ່ເຮັດວຽກໃນຕົວເມືອງທີ່ກັບຄືນຊົນນະບົດເຂົ້າໃນແຜນ ການພັດທະນາເສດຖະກິດສັງຄົມແຫ່ງຊາດ ໃນ 5 ປີຕໍ່ຫນ້າ.
