ງານວາງສະແດງໂລກຊຽງໄຮ ຈະເຮັດໃຫ້ຊີວິດການເປັນດີກວ່າເກົ່າ
(GMT+08:00) 2010-04-30 17:43:14 cri
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ່ຟັງທີ່ໂຄລົບ, ໃນຄ່ຳຄືນວັນທີ 30 ເມສານີ້, ທ່າມກາງແສງສີສຽງຂອງດອກໄມ້ໄຟທີ່ສວຍງາມສະແຫວາງສະໄຫວຕາມທ້ອງຟ້າ ແຄມແມ່ນ້ຳຫວງຜູຂອງນະຄອນຊຽງໄຮ, ງານວາງສະແດງໂລກຊຽງໄຮປີ 2010 ໄດ້ຈັດຂຶ້ນຢ່າງເປັນທາງການ. ພາຍໃນ 6 ເດືອນຕໍ່ຫນ້າ, 246 ປະເທດແລະອົງການຈັດຕັ້ງສາກົນ ຈະວາງສະແດງເຕັກໂນໂລຊີແລະວັດທະນະທຳ, ເພື່ອສະແດງໃຫ້ເຫັນຫົວຂໍ້ທີ່ວ່າ:＂ຕົວເມືອງທີ່ດີກວ່າ,ຊີວິດທີ່ດີກວ່າ＂ຢ່າງມີຊີວິດຊີວາໃນເຂດງານວາງສະແດງໂລກທີ່ກວມເນື້ອທີ່ 5,28 ກິໂລຕາແມັດ, ຄົນທັງຫຼາຍບໍ່ພຽງແຕ່ຈະໄດ້ເຫັນຫມາກຜົນດ້ານອາລິຍະທຳທີ່ທັນສະໄຫມທີ່ສຸດໃນໂລກເທົ່ານັ້ນ,ຍັງຈະມີການສຳຜັດກັບການແລກປ່ຽນແລະຕິດຕໍ່ພົວພັນລະຫວ່າງວັດທະນະທຳຂອງປະເທດຕ່າງໆ, ສ້າງຄວາມມຸ້ງມາດປາຖະຫນາສູງສຸດໃຫ້ແກ່ຊີວິດອັນຈົບງາມຂອງມວນມະນຸດໃນອະນາຄົດ. ຕໍ່ໄປເຊີນຟັງການລາຍງານລະອຽດ:
ໄດ້ຮ້ອຍກວ່າປີມາແລ້ວ, ງານວາງສະແດງໂລກໄດ້ເລີ່ມຕົ້ນຈາກເອີລົບໄປສູ່ອາເມລິກາເຫນືອ, ແລະຈາກອາເມລິກາເຫນືອໄປສູ່ອາຊີ, ການປະດິດສ້າງໃຫມ່ແມ່ນເນື້ອໃນແທ້ຈິງຂອງງານວາງສະແດງໂລກມາໂດຍຕະຫຼອດ. ກໍ່ຍ້ອນການປະດິດສ້າງໃຫມ່ທີ່ຕິດພັນກັບສັນຍາລັກພິເສດຂອງຍຸກສະໄຫມຢ່າງແຫນັ້ນແຟ້ນ, ໂທລະ ສັບເບວ ແລະ ເຄື່ອງຫຼິ້ນແຜ່ນສຽງເອດີເຊິນໃນງານວາງສະແດງໂລກປາຣີຝຣັ່ງປີ 1878, ໂທລະພາບແລະມະນຸດຈັກໃນງານວາງສະແດງໂລກນິວຢອກປີ 1939, ທາງລົດໄຟທີ່ແລ່ນດ້ວຍແຮງແມ່ເຫຼັກແລະລົດແທັກຊີ Taxiສີຂຽວໃນງານວາງສະແດງໂລກອາອິຈິຍີ່ປຸ່ນປີ2005ແລະອື່ນໆໄດ້ເຂົ້າສູ່ຊີວິດຕົວຈິງຂອງຄົນທັງຫຼາຍ,ແລະໄດ້ປ່ຽນແປງແບບວິທີດຳລົງຊີວິດຂອງມະນຸດເຮົາ.
ກົງລໍ້ປະຫວັດສາດໄດ້ໝູນມາຮອດປະຈຸບັນນີ້,ເມື່ອປະຊາກອນທົ່ວໂລກມີຫຼາຍກວ່າເຄິ່ງ ໜຶ່ງດຳລົງຊີວິດຢູ່ໃນຕົວເມືອງແລະປະເຊີນໜ້າກັບໂອກາດແລະການທ້າທາຍຕ່າງໆໃນ ຕົວເມືອງ,ການພິຈາລະນາເສັ້ນທາງການພັດທະນາຂອງຕົວເມືອງໃນອະນາຄົດແລະເນື້ອໃນຂອງຊີວິດການເປັນຢູ່ອັນດີງາມໃນຕົວເມືອງກໍ່ກາຍເປັນຫົວຂໍ້ສຳຄັນຂອງມວນມະນຸດ.ງານວາງສະແດງໂລກຊຽງໄຮ້ໄດ້ຖື"ຕົນເມືອງ"ເປັນຫົວຂໍ້ຫຼັກ,ທັງໄດ້ສະທ້ອນເອກະລັກພິເສດຂອງຍຸກສະໄໝ,ທັງໄດ້ສະໜອງເວທີໃຫ້ຜູ່ເຂົ້າຮ່ວມງານສະແດງຄວາມສາມາດດ້ານການປະດິດສ້າງ.ຄື:ໃນຫໍຍີ່ປຸ່ນທີ່ຊື່ວ່າ"ເກາະຝັກຫຼອກສີໝາກຄໍ້",ທ່ານຈະເຫັນສິ່ງກໍ່ສ້າງທີ່ຫັນໃຈໄດ້,ມະນຸດກົນທີ່ສີໄວໂອລິນເປັນ,ແລະຕົວເມືອງຮຳບວກ", ທ່ານຈະຮູ້ສຶກເຖິງຄວາມສະບາຍທີ່ອຸນຫະພູມໃນຫ້ອງຮັກສາຢູ່ໃນລະດັບ25ອົງສາຢູ່ສະເໝີໂດຍບໍ່ຕ້ອງໃຊ້ອາຍອຸ່ນຫຼືແອເຢັນ;ສ່ວນຢູ່ຫໍອາເມລິກາທີ່ຊື່ວ່າ"ຟາມຢູ່ເທິງຫຼັງຄາໃນຕົວເມືອງ",ທ່ານຈະພົບຄວາມມ່ວນຊື່ນທີ່ເຮັດນາຢູ່ໃນຕົວເມືອງ……ໝາກຜົນແຫ່ງຄວາມສິວິໄລເຫຼົ່ານີ້ສອດຄ່ອງກັບເອກະລັກພິເສດຂອງຍຸກສະໄໝ ຍ່ອມຈະຍົກສູງຄຸນນະພາບຊີວິດໃນອະນາຄົດຂອງມວນມະນຸດຢ່າງຫຼວງຫຼາຍ.
ງານວາງສະແດງໂລກບໍ່ພຽງແຕ່ໄດ້ວາງສະແດງຫມາກຜົນແຫ່ງຄວາມສີວິໄລແລະກຳລັງແຮງຕົວຈິງແຫ່ງຊາດທໍ່ນັ້ນ,ຍັງແມ່ນເວທີສຳຄັນທີ່ຊຸກຍູ້ການແລກປ່ຽນແລະການເຊື່ອມໂຍງກັນລະຫວ່າງວັດທະນະທຳທີ່ຫລາກຫລາຍ.ງານວາງສະແດງໂລກຊຽງໄຮກໍ່ມີບົດບາດແນວນີ້ຄືກັນ: ດານມາກໄດ້ສົ່ງຮູບປັ້ນນາງເງືອກນ້ອຍ,ຝຣັ່ງໄດ້ສົ່ງຮູບແຕ້ມຈິນຕະນາການແລະຮູບປັ້ນຂອງທ່ານໂລແດງມາ,ອິນເດຍໄດ້ສົ່ງດາລານັກສະແດງຂອງໂບລິວຸດມາຮ່ວມ, ການາດາໄດ້ນຳເອົາການສະແດງຂອງຄະນະລະຄອນສັດ,ສ່ວນຈີນໃນຖານະທີ່ເປັນປະເທດເຈົ້າພາບຈະວາງສະແດງສິ່ງລ້ຳຄ່າແຫ່ງຊາດຫລາຍອັນ, ເພື່ອສະແດງໃຫ້ເຫັນຄວາມສະເຫນ່ຂອງວັດທະນະທຳຈີນ 5 ພັນປີ.ໃນຂະນະດຽວກັນນີ້, ຫໍວາງສະແດງຕ່າງໆທີ່ມີສີສັນພິເສດ, ການສະແດງທີ່ມີຫລາຍກວ່າ 100 ຮອບໃນແຕ່ລະມື້, ລ້ວນແຕ່ເຮັດໃຫ້ວັດທະນະທຳທີ່ຫລາກຫລາຍຂອງທົ່ວໂລກເຕົ້າໂຮມກັນຢູ່ແຫ່ງນີ້.ໃນຖານະທີ່ເປັນປະເທດພວມພັດທະນາທີ່ຈັດງານວາງສະແດງ ຫລາຍໆປະເພດເທື່ອທຳອິດ, ພາຍຫລັງໄດ້ຮັບສິດເປັນເຈົ້າພາບແລ້ວ, ຈີນໄດ້ໃຊ້ເວລາກະກຽມຢ່າງລະອຽດເປັນເວລາ 8 ປີ.ໃນບັ້ນທ້າຍຂອງການກະກຽມ,ທົ່ວໂລກກໍ່ໄດ້ເກີດວິກິດການການເງິນ,ແຕ່ຝ່າຍຕ່າງໆທີ່ຈະເຂົ້າຮ່ວມງານທັງຫມົດຍັງໄດ້ໄປເຂົ້າຮ່ວມງານນີ້ຕາມການນັດໄວ້, ສາເຫດອັນຫນຶ່ງກໍ່ຍ້ອນວ່າງານວາງສະແດງໂລກໄດ້ບັນທຶກຄວາມມຸ້ງມາດປາຖະຫນາຕໍ່ອະນາຄົດທີ່ສວຍງາມຂອງມວນມະນຸດ.ມັນແມ່ນງານຊຸມນຸມຂະຫນາດໃຫຍ່ຂອງມວນມະນຸດເພື່ອສະແຫວງຫາການພັດທະນານຳກັນ.ໃນໄລຍະຈັດງານວາງສະແດງໂລກຊຽງໄຮ,ປະເທດອາຟຼີກາໄດ້ເຂົ້າຮ່ວມງານວາງສະແດງເທື່ອທຳອິດດ້ວຍຮູບແບບຫໍວາງສະແດງປະສົມ.ບໍ່ຈຳແນກປະເທດ, ບໍ່ຈຳແນກຜິວພັນ,ໃນງານວາງສະແດງໂລກຊຽງໄຮ, ທົ່ວໂລກຈະເຕົ້າໂຮມກັນຢ່າງມ່ວນຊື່ນ,ຈັບມືກັນສ້າງອະນາຄົດທີ່ດີງາມ.
