ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ່ຟັງທີ່ໂຄລົບ, ໃນເວລາເອົາຂ່າວຢູ່ໃນງານວາງສະແດງໂລກຊຽງໄຮໃນຫຼາຍມື້ມໍ່ໆມານີ້, ນັກຂ່າວກໍ່ໄດ້ພົບວ່າ, ໃນເວລາເຂົ້າຮ່ວມງານວາງສະແດງໂລກຊຽງໄຮ, ຫຼາຍປະເທດຂອງອາຊຽນບໍ່ພຽງແຕ່ໂຄສະນາເຜີຍແຜ່ແຫຼ່ງທ່ອງທ່ຽວທີ່ມີຊື່ສຽງຂອງປະເທດຕົນເທົ່ານັ້ນ,ຍັງຫວັງຖືເອົາ ໂອກາດງານວາງສະແດງໂລກເທື່ອນີ້ເພື່ອດຶງດູດໃຫ້ນັກທຸລະກິດຈີນໄປລົງທຶນເພີ່ມຂຶ້ນ.
ອິນໂດເນເຊຍທີ່ມີນາມມະຍົດວ່າ"ປະເທດພັນເກາະ" ແມ່ນປະເທດທີ່ມີເນື້ອທີ່ແລະມີປະຊາກອນຫຼາຍທີ່ສຸດໃນອາຊີອາຄະເນ, ແລະກໍ່ແມ່ນອົງກອນເສດຖະກິດໃຫຍ່ອັນດັບຫນຶ່ງໃນອາຊຽນ. ໃນເວລາເປີດຫໍວາງສະແດງຂອງອິນໂດເນເຊຍ, ນາງມາຣີ ເອວກາ ປັ່ນເກສ໌ຕູ,ລັດຖະມົນຕີວ່າການກະຊວງການຄ້າຂອງອິນໂດເນເຊຍ ກ່າວວ່າ: "ຕະຫຼາດພາຍໃນປະເທດຂອງອິນໂດເນເຊຍ ນັບມື້ນັບກວ້າງຂວາງຂຶ້ນແລະຫມັ້ນທ່ຽງກວ່າເກົ່າ, ສະພາບແວດລ້ອມດ້ານເສດຖະກິດແລະການລົງທຶນກໍ່ໄດ້ຮັບການປັບປຸງໃຫ້ສົມບູນຂຶ້ນຢ່າງບໍ່ຢຸດຢັ້ງ, ແລະຫວັງນຳໃຊ້ງານວາງສະແດງໂລກຊຽງໄຮເທື່ອນີ້,ເພື່ອສາມາດຊຸກຍູ້ໃຫ້ຈີນກັບປະເທດອື່ນໆພ້ອມດ້ວຍອິນໂດເນເຊຍ ແລກປ່ຽນແລະຮ່ວມມືກັນດ້ານເສດຖະກິດ. "
ຂໍ້ມູນແນະນຳສະພາບແວດລ້ອມການຄ້າທີ່ຫໍວາງສະແດງອິນໂດເນເຊຍສະຫນອງນັ້ນກໍ່ສະແດງໃຫ້ເຫັນວ່າ,ຈີນກັບອິນໂດເນເຊຍໄດ້ຊ່ອຍຊູຍູ້ຫນູນກັນໃນດ້ານເສດຖະ ກິດການຄ້າຢ່າງແຂງແຮງກວ່າເກົ່າ. ຊັບພະຍາກອນບໍ່ແຮ່ແລະຜະລິດຕະພັນກະສິກຳເຂດຮ້ອນຈາກອິນໂດເນເຊຍ ລ້ວນແຕ່ແມ່ນຜະລິດຕະພັນທີ່ອຸດົມສົມບູນທີ່ຈີນຕ້ອງ ການຊື້ໃນໄລຍະນານ. ສ່ວນຜະລິດຕະພັນຂອງຈີນເຊັ່ນ: ກົນຈັກແລະເຄື່ອງໄຟຟ້າຕ່າງໆ, ຢາຫຼວງ ຢາພື້ນເມືອງຈີນ ດອກຝ້າຍແລະອື່ນໆກໍ່ໄດ້ມີຕະຫຼາດຢ່າງກວ້າງຂວາງກວ່າເກົ່າຢູ່ອິນໂດເນເຊຍ.
ປະຈຸບັນຈີນແມ່ນຄູ່ການຄ້າໃຫຍ່ອັນດັບ 4 ຂອງອິນໂດເນເຊຍແລ້ວ, ນອກນີ້ຍັງມີວິສາຫະກິດຈີນປະມານ 700 ແຫ່ງລົງທຶນຢູ່ອິນໂດເນເຊຍ. ໃນຖານະເປັນວິສາຫະກິດໜຶ່ງທີ່ອຸດໜູນຫໍວາງສະແດງອິນໂດເນເຊຍ, ກຸ່ມບໍລິສັດອາດາກຼາຮາຂອງນະຄອນຫຼວງຈາກາຕາຂອງອິນໂດເນເຊຍໄດ້ຕັ້ງເວທີວາງສະແດງພິເສດໃນຫໍວາງສະແດງອິນໂດເນເຊຍ. ທ່ານກົ່ວຫຼີ້ເຈ, ຜູ້ຈັດການການຄ້າຂອງກຸ່ມບໍລິສັດນີ້ບອກນັກຂ່າວວ່າ, ກຸ່ມບໍລິສັດດັ່ງກ່າວໄດ້ຮ່ວມມືກັບບໍລິສັດແນວພັນເສສວນຂອງຈີນໃນປີ 2004, ເພື່ອເຜີນແຜ່ເຕັກນິກເຂົ້າພັນ ປະສົມຂອງຈີນຢູ່ອິນໂດເນເຊຍ.
ທ່ານກົ່ວຫຼີ້ເຈກ່າວວ່າ, ລະດັບຄວາມໜາແໜ້ນດ້ານປະຊາກອນຂອງອິນໂດເນເຊຍຄ້າຍຄືກັບຈີນ, ແຕ່ລະດັບພັດທະ ນາກະສິກຳຕ່ຳກວ່າຈີນ, ໂດຍສະເພາະໃນການປູກເຂົ້າເຊິ່ງເປັນອາຫານຫຼັກ, ອັດຕາທົ່ວເຖິງຂອງເຕັກນິກປະສົມພັນເຂົ້າຕ່ຳຫຼາຍ, ເຮັດໃຫ້ບໍ່ສາມາດກຸ້ມຕົນເອງດ້ານເຂົ້າກິນ. ທ່ານເຫັນວ່າ, ໃນຂົງເຂດກະສິກຳປ່າໄມ້ແລະບໍ່ແຮ່, ວິສາຫະກິດຂອງຈີນແລະອິນໂດເນເຊຍມີຊ່ອງທາງຮ່ວມມືກັນຢ່າງຫຼວງຫຼາຍ.ນາງດາຕຸກເຢັນເຢັນ, ລັດຖະມົນຕີວ່າການກະຊວງທ່ອງທ່ຽວຂອງມາເລເຊຍກ່າວວ່າ,"ງານວາງສະແດງໂລກແມ່ນຮູບການໂຄສະນາທີ່ຮອບດ້ານ. ພວກເຮົາຢາກໃຫ້ປະຊາຊົນຈີນຮູ້ຈັກວ່າ, ມາເລເຊຍບໍ່ພຽງແຕ່ແມ່ນຈຸດໝາຍປາຍທາງທ່ອງທ່ຽວທີ່ດີ, ຍັງແມ່ນບ່ອນລົງທຶນແລະການຄ້າທີ່ດີອີກ.
"ທ່ານໄຕ້ເຕີຊິ່ງ,ກຳມະການສະມາຄົມມິດຕະພາບມະເລເຊຍຈີນ,ເລຂາທິການກົມການທະ ນາຄານແລະການລົງທຶນຂອງມະເລເຊຍບອກນັກຂ່າວວ່າ:"ອີງຕາມສັນຍາທີ່ລົງນາມໃນເວລາທ່ານປະທານຫູຈິນທ່າວຢ້ຽມຢາມມະເລເຊຍໃນປີ2009,ຕໍ່ໄປພວກເຮົາຈະຊຸກຍູ້ການຮ່ວມມືໃນຂົງເຂດການທະນາຄານລະຫວ່າງວິສາຫະກິດຈີນກັບມະເລເຊຍ.ຕົວຢ່າງຄື:ຊຸກຍູ້ໃຫ້ວິສາຫະກິດສອງປະເທດຈຳໜ່າຍຫຸ້ນສ່ວນຢູ່ຕະຫຼາດຫຸ້ນສ່ວນຂອງອີກຝ່າຍໜຶ່ງ."ໃນຫໍວາງສະແດງຂອງກຳປູເຈຍໃນງານວາງສະແດງໂລກຊຽງໄຮ້,ເມື່ອນັກທ່ອງທ່ຽວເຂົ້າ ຊົມຮູບຈຳລອງຂອງອັງກໍວັດແລະລາຍການສະແດງສິລະປະ"ຮອຍຍີ້ມຂອງຂະແມ"ແລ້ວ, ຍັງຈະໄດ້ແຜ່ນພັບອັນໜຶ່ງທີ່ຊື່ວ່າ"ນະໂຍບາຍລົງທຶນຂອງເຂດເສດຖະກິດພິເສດອ່າວສີຫະນຸ".ມີນັກທ່ອງທ່ຽວຜູ່ໜຶ່ງທີ່ມາຈາກກຸ່ມບໍລິສັດເຫຼັກກ້າຫວູຮ້ານຈີນບອກ ນັກຂ່າວວ່າ:"ໃນສະໝອງຂອງຄົນຈີນ,ກຳປູເຈຍແມ່ນປະເທດທີ່ບູຮານເກົ່າແກ່,ບໍ່ຄິດເລີຍວ່າ,ກຳປູເຈຍ ກໍມີການໂຄສະນາດຶງດູດນັກທຸລະກິດຫຼາຍປານນີ້,ແຜ່ນພັບນີ້ອາດຈະແມ່ນເຄື່ອງວາງສະແດງທີ່ມີເອກະລັກພິເສດທີ່ສຸດໃນຫໍວາງສະແດງນີ້."ທ່ານໄຕ້ເຕີຊິ່ງກ່າວວ່າ,ໃນວິກິດການການເງິນເທື່ອນີ້,ວິສາຫະກິດຈີນໄດ້ມີຄວາມປາຖະ ໜາຢ່າງແຂງແຮງທີ່ຢາກໄປລົງທຶນຢູ່ຕ່າງປະເທດ.ໃນໄລຍະທີ່ເສດຖະກິດທົ່ວໂລກຟື້ນຕົວ,ສິ່ງທີ່ບັນດາປະເທດອາຊຽນຢາກດຶງດູດນັ້ນບໍ່ພຽງແຕ່ແມ່ນນັກທ່ອງທ່ຽວຂອງຈີນທໍ່ນັ້ນ,ຍັງມີກ້ອນທຶນຈາກຈີນອີກດ້ວຍ.
