ຕາມຂ່າ cri:ວັນທີ 10 ພຶດສະພານີ້,ຕາມເວລາທ້ອງຖີ່ນ, ຟິລິບປິນໄດ້ຈັດການປ່ອນບັດເລືອກຕັ້ງທົ່ວປະເທດແລະທ້ອງຖີ່ນທີ່ຈັດຂຶ້ນທຸກໆ 6 ປີ.ຕອນຮຸ່ງເຊົ້າວັນທີ 11 ພຶດສະພານີ້, ຜົນການນັບບັດເລືອກຕັ້ງປະທານາທິບໍດີຫລ້າສຸດທີ່ຄະນະກຳມະ ການເລືອກຕັ້ງຟິລິບປິນປະກາດນັ້ນສະແດງໃຫ້ເຫັນວ່າ: ທ່ານເບນີກໂນ ອາກີໂນ,ຜູ່ສະຫມັກຮັບເລືອກຕັ້ງຂອງພັກເສລີທີ່ອາຍຸ 50 ປີໄດ້ຮັບບັດເລືອກຕັ້ງ 11 ລ້ານ 9 ແສນ 2 ຫມື່ນບັດ, ຫລາຍກວ່າທ່ານໂຈເຊັຟ ເອັສຕຼາດາ,ອະດີດປະທານາທິບໍດີເປັນ ອັນດັບໄດ້ບັດຫລາຍທີສອງນັ້ນຕັ້ງ 4 ລ້ານ 3 ແສນ 8 ຫມື່ນບັດ,ສະນັ້ນ, ຈິ່ງຖືວ່າທ່ານເບນີກໂນ ອາກີໂນໄດ້ຮັບໄຊຊະນະໃນການເລືອກຕັ້ງແລ້ວ.
ພາຍໃຕ້ຄວາມພະຍາຍາມຢ່າງບໍ່ລົດລະຂອງນາງອາກີໂນ, ຟິລິບປິນໄດ້ໃຊ້ມາດຕະການຕ່າງໆຢ່າງຫມັ້ນຄົງໃນຂົງເຂດຕ່າງໆເຊັ່ນ:ການເມືອງ,ເສດຖະກິດ ,ການທະຫານແລະອື່ນໆ, ເພື່ອປັບປຸງສະພາບຄວາມຫຍຸ້ງຍາກທີ່ປະຊາຊົນພວມປະເຊີນຢ່າງຫນັກຫນ່ວງ.ການອັນຂ້ຽວຂາດທີ່ປະຊາຊາດປະເຊີນຫນ້າຢ່າງແຂງແຮງ. ການເຖິງແກ່ມໍລະນະກຳຂອງນາງອາກີໂນ ໄດ້ເຮັດໃຫ້ປະຊາຊົນຮູ້ສຶກໂສກເສົ້າທີ່ສຸດ, ອັນໄດ້
ອີກດ້ານຫນຶ່ງ, ປະຊາຊົນຟິລິບປິນໄດ້ຄອງຄອຍໃຫ້ການເລືອກຕັ້ງທົ່ວ ປະເທດເທື່ອນີ້ ຈະສາມາດນຳເອົາການປ່ຽນແປງໃຫມ່ບາງຢ່າງມາໃຫ້ເສດ ຖະກິດຂອງຟິລິບປິນ. ເຖິງວ່າເສດຖະກິດຂອງພາຍໃນປະເທດຟິລິບປິນໃນທ້າຍປີກາຍນີ້ໄດ້ມີທ່າອຽງທີ່ເຕີບໂຕກໍຕາມ,ແຕ່ອັດຕາໄພເງິນເຟີ້ກໍ່ເລີ່ມມີທ່າອຽງທີ່ເພີ່ມຂຶ້ນອີກ, ສະພາບແຫ້ງແລ້ງຮຸນແຮງໃນປີນີ້ກໍ່ເຮັດໃຫ້ມີຄວາມເສຍຫາຍອັນຫຼວງຫຼາຍໃນດ້ານກະສິກຳຂອງຟິລິບປິນ. ບໍ່ພຽງແຕ່ ເທົ່ານັ້ນ, ປະກົດການສໍ້ລາດບັງຫຼວງທີ່ນັບມື້ນັບຫນັກຫນ່ວງກໍ່ເຮັດໃຫ້ປະຊາຊົນນັບມື້ນັບສູນເສຍຄວາມໄວ້ເນື້ອເຊື່ອໃຈກັນຕໍ່ລັດຖະບານ. ໃນຫຼາຍສິບປີຜ່ານມາ, ການຈັດອັນດັບຂອງຟິລິບປິນໃນການສຳຫຼວດການສໍ້ລາດບັງຫຼວງໃນທົ່ວໂລກໄດ້ລົງໄປຢູ່ໃນອັນດັບທີ່ບໍ່ດີຫຼາຍຂຶ້ນ.
ທ່ານເບນິກໂນ ອາກີໂນເຫັນວ່າ, ການສໍ້ລາດບັງຫຼວງແມ່ນສາເຫດຕົ້ນຕໍທີ່ເຮັດໃຫ້ປະຊາຊົນທຸກຍາກກວ່າເກົ່າແລະຂາດຄວາມໄວ້ເນື້ອເຊື່ອໃຈກັນຕໍ່ລັດຖະບານ. ທ່ານໄດ້ໃຫ້ຄຳຫມັ້ນສັນຍາວ່າ, ຖ້າໄດ້ຮັບເລືອກຕັ້ງ,ທ່ານຈະທຸ່ມເທກຳລັງເຂົ້າໃນການຕໍ່ຕ້ານການສໍ້ລາດບັງຫຼວງ, ຫຼຸດຜ່ອນຄວາມທຸກຍາກ, ພັດທະນາເສດຖະກິດໃຫ້ຈະເລີນ ຄືນໃຫມ່,ຊຸກຍູ້ການປະກອບອາຊີບ,ຍົກລະດັບການສຶກສາແລະປິ່ນປົວຮັກ ສາສຸຂະພາບໃຫ້ປະຊາຊົນ, ໂດຍບໍ່ຕ້ອງສົງໄສເລີຍວ່າ,ນະໂຍບາຍການເມືອງໃນການແຂ່ງຂັນເລືອກຕັ້ງຂອງທ່ານໄດ້ສອດຄ່ອງກັບຄວາມມຸ້ງມາດປາຖະຫນາຂອງປະຊາຊົນໃນການຕໍ່ຕ້ານການສໍ້ລາດບັງຫຼວງແລະພັດທະນາເສດຖະກິດໃຫ້ດີຂຶ້ນ.
ນັກວິເຄາະເຫັນວ່າ, ທ່ານເບນີກໂນ ອາກີໂນໄດ້ຮັບໄຊຊະນະໃນການເລືອກຕັ້ງປະທານາທິບໍດີເທື່ອນີ້,ກ່ອນອື່ນແມ່ນຍ້ອນວ່າປະຊາຊົນມີຄວາມຮັກແພງເຄົາລົບນັບຖືນາງອາກີໂນ, ຄອບຄົວຂອງທ່ານເບນີກໂນໄດ້ສ້າງພື້ນຖານທາງຫາງສຽງທີ່ດີໃຫ້ແກ່ທ່ານ. ພໍ່ຂອງທ່ານເບນິກໂນເຄີຍເປັນສະມາຊິກວຸດທິສະພາແລະເລຂາທິການໃຫຍ່ພັກເສລີຂອງຟິລິບປິນ,ປີ 1983,ພໍ່ເພິ່ນກຽມຮ່ວມກັບພັກຝ່າຍຄ້ານຕ່າງໆເຂົ້າຮ່ວມການເລືອກຕັ້ງປະ ທານາທິບໍດີ,ແຕ່ຖືກລອບສັງຫານ.ເມື່ອຜົວຖືກລອບສັງຫານແລ້ວ,ນາງໂກຣາຊອນ ອາກີໂນໄດ້ເຂົ້າສູ່ເວທີການເມືອງ,ແລະໄດ້ຮັບເລືອກຕັ້ງເປັນປະທານາທິບໍດີເພດຍິງຜູ່ທຳອິດໃນປະຫວັດສາດຂອງຟິລິບປິນແລະຂອງອາຊີ.ພາຍຫລັງນາງອາກີໂນດຳລົງຕຳແຫນ່ງປະທານາທິບໍດີແລ້ວ, ນາງໄດ້ຮັກສາຄວາມປອດໃສຂາວສະອາດແລະສັດຊື່,ຈິ່ງໄດ້ຮັບຄວາມເຄົາລົບຮັກແພງແລະສະຫນັບສະຫນູນຈາກປະຊາຊົນຟິລິບປິນ.
ແຕ່ວ່າ, ນັກວິເຄາະເຫັນວ່າ, ປະທານາທິບໍດີຜູ້ໃໝ່ຂອງຟີລິບປີນຈະປະເຊີນກັບການທ້າທາຍຢ່າງຫຼວງຫຼາຍ. ນອກຈາກແກ້ໄຂບັນຫາການສໍ້ລາດບັງຫຼວງທີ່ມີມາດົນນານແລ້ວ, ປະທານາທິບໍດີຜູ້ໃໝ່ຍັງຕ້ອງປະເຊີນກັບການທ້າທາຍຈາກກຸ່ມຫົວຮຸນແຮງແລະບັນຫາຄວາມປອດໄພພາຍໃນປະເທດຕ່າງໆອີກ. ປະຈຸບັນຟີລິບປີນນອກຈາກມີກຸ່ມແບ່ງແຍກດິນແດນແລ້ວ, ຍັງມີກຸ່ມກໍ່ການຮ້າຍທີ່ເຄື່ອນໄຫວຕະຫຼອດ. ເຫດການໃຊ້ຄວາມຮຸນແຮງທີ່ເກີດຂຶ້ນກ່ອນການເລືອກຕັ້ງທົ່ວໄປສ່ວນຫຼາຍມີການພົວພັນກັບກຸ່ມເຫຼົ່ານີ້. ຕາມຕຳຫຼວດຟີລິບປີນແຈ້ງຂໍ້ມູນ, ໃນໄລຍະການເລືອກຕັ້ງ, ໃນທົ່ວປະເທດມີປະມານ 30 ຄົນເສຍຊີວິດຍ້ອນຄວາມຮຸນແຮງ. ນອກນີ້, ການທີ່"ທະຫານເຂົ້າແຊກແຊງການເມືອງ"ກໍເກີດຂຶ້ນເລື້ອຍໆໃນວົງການການເມືອງຟີລິບປີນ.ການຈະເຮັດວຽກຮ່ວມກັບກອງທັບແນວໃດດີ, ກໍແມ່ນສິ່ງທ້າທາຍທີ່ສຳຄັນທີ່ປະທານາທິບໍດີຜູ້ໃໝ່ຈະປະເຊີນ.
