ຕາມຂ່າວ cri:ເມື່ອໄດ້ເກີດການປະທະກັນຢ່າງນອງເລືອດແລະເຮັດໃຫ້ 31 ຄົນເສຍຊີວິດແລ້ວ, ວັນທີ 16 ພຶດສະພານີ້, ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການຂອງໄທຫລືກຸ່ມເສື້ອແດງກ່າວວ່າຍິນດີເຈລະຈາກັບລັດຖະບານໂດຍມີສະຫະປະຊາຊາດເປັນຜູ່ໄກ່ເກ່ຍ,ລັດຖະບານຕ້ອງຢຸດຍິງໃນທັນທີ,ແລະຖອນທະຫານອອກ,ແຕ່ຄວາມຮຽກຮ້ອງຂອງກຸ່ມເສື້ອແດງຖືກລັດຖະບານໄທປະຕິເສດ.ຜູ່ວິເຄາະເຫັນວ່າ, ສະຖານະການຂອງໄທຍັງມີປັດໄຈບໍ່ແນ່ນອນຫລາຍຢ່າງໃນປັດຈຸບັນ.
ເລີ່ມແຕ່ຕອນຄ່ຳວັນທີ 13 ພຶດສະພານີ້, ກອງທະຫານໄທກັບຜູ່ປະທ້ວງຂອງກຸ່ມເສຶ້ອແດງໄດ້ຄ້ຳຢັນກັນແລະປະທະກັນຢູ່ສີ່ແຍກຕ່າງໆທີ່ໃກ້ກັບເຂດຈັດງານໂຮມຊຸມນຸມທີ່ລາດຊະປະສົງ, ມາຮອດເວລາ 22 ໂມງຂອງວັນທີ 16 ພຶດສະພານີ້,ການປະທະກັນໄດ້ເຮັດໃຫ້ 31 ຄົນເສຍຊີວິດ,ປະມານ 250 ຄົນບາດເຈັບ,ໃນນັ້ນມີນັກຂ່າວ 5 ຄົນ. ລັດຖະບານໄທປະກາດໃຫ້ຖະຫນົນສາຣາແດງ,ຖຸະຫນົນລາຊະປຼາຣົບ, ຖະຫນົນພຣະຣາມສີ່ແລະຖະຫນົນບອນໄກເປັນເຂດທີ່ໃຊ້ລູກປືນແທ້,ແລະເຕືອນໃຫ້ປະຊາຊົນຢ່າສູ່ໄປເຂດທີ່ມີຄວາມອັນຕະລາຍສູງດັ່ງກ່າວ.ນອກນີ້, ເດັກນ້ອຍ, ຜູ່ຍິງແລະຜູ່ເຖົ້າໃນຜູ່ປະທ້ວງຂອງກຸ່ມເສື້ອແດງໄດ້ຫນີອອກຈາກບ່ອນຈັດງານໂຮມຊຸມນຸມແລ້ວ, ຖືກຍ້າຍໄປຢູ່ວັດແຫ່ງຫນຶ່ງທີ່ໃກ້ກັບບ່ອນຈັດງານຊຸມນຸມ.
ວັນທີ 16 ພຶດສະພານີ້, ທ່ານອະພິສິດ ເວດຊາຊີວະ, ນາຍົກລັດຖະມົນຕີໄທໄດ້ກ່າວຢ້ຳຫຼັກໝັ້ນຂອງລັດຖະບານແລະກອງທັບທີ່ຈະສືບຕໍ່ໃຊ້ມາດຕະການແຂງແຮງ. ພ້ອມກັນນັ້ນທ່ານຍັງກ່າວວ່າ, ຖ້າວ່າຜູ້ປະທ້ວງຢາກສິ້ນສຸດການປະທະກັນໂດຍໄວ, ກໍຕ້ອງສິ້ນສຸດການໂຮມຊຸມນຸມແລະຖອນອອກເປັນເຈົ້າການ. ວັນທີ 16 ພຶດສະພານີ້ລັດຖະບານໄທຍັງປະກາດວ່າ, ຍ້ອນວ່າປະຈຸບັນເຫດການປະທະກັນທີ່ເກີດຢູ່ຕ່າງຈັງຫວັດກໍຮຸນແຮງຂຶ້ນຕື່ມອີກ, ຂອບເຂດທີ່ປະຕິບັດພະລາຊະບັນຍັດການບໍລິຫານລາຊະການໃນສະຖານະການສຸກເສີນຈະເພີ່ມ 5 ຈັງຫວັດຕື່ມອີກບົນພື້ນຖານທີ່ປະຕິບັດໃນ 17 ຈັງຫວັດກ່ອນໜ້ານີ້. ນອກນີ້, ຕອນຄ່ຳວັນທີ 16 ພຶດສະພານີ້, ທ່ານທະຫວິນ ຫຼຽນສີ, ເລຂາທິການໃຫຍ່ຄະນະກຳມການຄວາມປອດໄພແຫ່ງຊາດໄທກ່າວວ່າ, ລັດຖະບານໄດ້ວົດ 106 ບັນຊີທີ່ສະໜອງເງິນໃຫ້ແກ່ກຸ່ມເສື້ອແດງ. ທ່ານເຕືອນໃຫ້ຜູ້ປະທ້ວງອອກຈາກເຂດໂຮມຊຸມນຸມໃນທັນທີ, ກ່າວວ່າຈະສະໜອງລົດແລະຄ່າໃຊ້ຈ່າຍກັບບ້ານໃຫ້ແກ່ຜູ້ປະທ້ວງ.
ພາຍໃຕ້ສະພາບການທີ່ປະທະກັນລະຫວ່າງສອງຝ່າຍສືບຕໍ່ຮຸນແຮງຂຶ້ນ, ທ່ານນະທະວຸດ ສາຍາເກື້ອ, ຜູ້ນຳໜຶ່ງຂອງກຸ່ມເສື້ອແດງໄດ້ຈັດງານຖະແຫຼງຂ່າວຢູ່ເຂດໂຮມຊຸມນຸມໂດຍກ່າວວ່າ, ຖ້າວ່າລັດຖະບານຢຸດຕິໃຊ້ກຳລັງອາວຸດຕໍ່ຜູ້ປະທ້ວງ, ແລະຖອນທະຫານອອກຈາກບ່ອນເກີດປະທະກັນແລ້ວ, ກຸ່ມເສື້ອແດງກໍຈະປະກາດສິ້ນສຸດການໂຮມຊຸມນຸມໃນທຸກເວລາ, ຮັບເອົາແຜນການສັນຕິພາບທີ່ລັດຖະບານສະເໜີອອກກ່ອນໜ້ານີ້, ແລະດຳເນີນການເຈລະຈາພາຍໃຕ້ການໄກ່ເກ່ຍຂອງສະຫະປະຊາຊາດ. ແຕ່ຄວາມຮຽກຮ້ອງຂອງກຸ່ມເສື້ອແດງຖືກລັດຖະບານໄທປະຕິເສດ. ລັດຖະບານກ່າວວ່າ, ລັດຖະບານໃດໆກໍຕາມລ້ວນແຕ່ບໍ່ອະນຸຍາດໃຫ້ອົງການພາຍນອກແຊກແຊງວຽກງານ
ນັກວິເຄາະເຫັນໂດຍທົ່ວໄປວ່າ,ລັດຖະບານໄທປະຕິເສດຄວາມຮຽກຮ້ອງຂອງ"ກຸ່ມເສື້ອແດງ"ແມ່ນຢູ່ໃນການຄາດຄິດ.ສັງເກດຈາກການກະທຳຂອງລັດຖະບານແລະກອງທະຫານໄທໃຊ້ໃນປະຈຸບັນນີ້ແລ້ວເຫັນວ່າ,ຈຸດປະສົງຕົ້ນຕໍແມ່ນເພື່ອຂັບໄລ່ຜູ່ປະທ້ວງໂດຍໄວ,ເຮັດໃຫ້ສັງຄົມຟື້ນຟູຄວາມໝັ້ນທ່ຽງ,ສ່ວນການທີ່ເດັກນ້ອຍ,ແມ່ຍິງແລະຜູ່ເຖົ້າຖອນອອກ ຈາກບ່ອນໂຮມຊຸມນຸມປະທ້ວງນັ້ນກໍໄດ້ສ້າງຄວາມສະດວກແກ່ກອງທະຫານໃຊ້ການ ເຄື່ອນໄຫວແຂງແຮງ.ນອກນີ້,ສັງເກດຈາກສະພາບການທີ່ການເຈລະຈາສອງຮອບລະ ຫວ່າງກຸ່ມເສື້ອແດງກັບລັດຖະບານບໍ່ໄດ້ຮັບໝາກຜົນ,ແລະພາຍຫຼັງກຸ່ມເສືອແດງປະກາດ ຮັບເອົາແຜນການສັນຕິພາບແລ້ວພັດປະຕິເສດບໍ່ຮັບເອົາ,ລັດຖະບານຈະບໍ່ສະໜອງໂອ ກາດຕໍ່ລາຄາໃຫ້ກຸ່ມເສື້ອແດງອີກແລ້ວ.ເວົ້າສຳລັບລັດຖະບານ,ຖ້າວ່າເກີດສະພາບການທີ່ແກ່ຍາວເວລາອີກ,ຍັງບໍ່ທໍ່ການໃຊ້ການເຄື່ອນໄຫວແຂງແຮງໃນປະຈຸບັນນີ້ຈົນເຖິງບັນລຸຈຸດປະສົງ.
ສິ່ງທີ່ໜ້າສົນໃຈແມ່ນ,ໃນຂະນະທີ່ການປະທະກັນຢູ່ບາງກອກລະຫວ່າງທະຫານໄທກັບກຸ່ມເສື້ອແດງຍັງບໍ່ໄດ້ປະກົດມີວິແວວທີ່ຈະສະຫງົບລົງ,ກຸ່ມເສື້ອແດງຢູ່ພາກເໜືອແລະພາກຕາເວັນອອກສຽງເໜືອຂອງໄທກໍ່ເລີ່ມມີການເຄື່ອນໄຫວ,ສະພາບການຢູ່ທ້ອງຖິ່ນດັ່ງກ່າວມີຄວາມສ່ຽງທີ່ຈະຊຸດໂຊມລົງຕື່ມອີກ.
