ຕາມຂ່າວCRI:ການເຈລະຈາຍຸດທະສາດແລະເສດຖະກິດຈີນອາເມລິກາຮອບທີ2ຈະຈັດຂຶ້ນຢູ່ປັກກິ່ງແຕ່ວັນທີ24ຫາ25ພຶດສະພານີ້,ຜູ່ຊ່ຽວຊານວົງການຕ່າງໆເຫັນວ່າ,ການຄ້າຈີນອາເມລິກາຈະແມ່ນຫົວຂໍ້ສຳຄັນອັນໜຶ່ງຂອງການເຈລະຈາຮອບນີ້.ຫວ່າງມໍ່ໆມານີ້,ອາເມລິກາດຳເນີນການສຳຫຼວດຕ້ານການຂາຍເລຕ້ານການອຸດໜູນນັບມື້ນັບແຮງຂຶ້ນຕໍ່ສິນຄ້າທີ່ຈີນສົ່ງອອກ,ຈຳນວນມາດຕະການອຸດໜູນການຄ້າທີ່ໃຊ້ສຳລັບຈີນມີຫຼາຍຈົນເຮັດໃຫ້ຫຼາຍ ຝ່າຍສົນໃຈຢ່າງສູງ.
ເຈົ້າໜ້າທີ່ແລະຜູ່ຊ່ຽວຊານຂອງອາເມລິກາເຫັນວ່າ,ການປຶກສາຫາລືເສດຖະກິດການຄ້າພາຍໃຕ້ຂອບການເຈລະຈາຍຸດທະສາດແລະເສດຖະກິດຮອບນີ້ອາດ ຈະມີຄວາມຂັດແຍ່ງກັນບໍ່ແມ່ນຂອງຄ່ອຍ,ແຕ່ວ່າການຮ່ວມມືຍັງແມ່ນເລື່ອງຕົ້ນຕໍ.ໃນການເຈລະຈາຍຸດທະສາດແລະເສດຖະກິດຈີນອາເມລິກາຮອບທີສອງທີ່ຈະຈັດຂຶ້ນຢູ່ ປັກກິ່ງໃນຫຼາຍມື້ຂ້າງໜ້ານີ້,ຈີນເຫັນວ່າສອງຝ່າຍຈະແລກປ່ຽນຄວາມເຫັນກັນຢ່າງກວ້າງຂວາງແລະເລິກ ເຊິ່ງກ່ຽວກັບບັນຫາລັກສະນະຍຸດທະສາດ,ຍາວນານແລະຮອບດ້ານທີ່ກ່ຽວພັນເຖິງການຂະຫຍາຍຕົວຂອງການພົວພັນສອງປະເທດ.ມີຜູ່ຊ່ຽວຊານອາເມລິກາຈຳນວນບໍ່ໜ້ອຍເຫັນວ່າ,ອັດຕາແລກປ່ຽນເງິນຢວນແລະການຄ້າຈີນອາເມລິກາຈະແມ່ນຫົວຂໍ້ຕົ້ນຕໍອັນໜຶ່ງຂອງການເຈລະຈາຮອບນີ້.ວັນທີ18ພຶດສະພານີ້,ຢູ່ວໍຊິງຕັນ,ທ່ານຣອນ ເຄີກ,ຜູ່ຕາງໜ້າການຄ້າອາເມລິກາກ່າວວ່າ,ການ ຄ້າສອງຝ່າຍແມ່ນການທ້າທາຍບັ້ນໃຫຍ່ຕໍ່ການພົວພັນອາເມລິກາຈີນ.
"ພວກເຮົາພວມປະເຊີບກັບການທ້າທາຍຈຳນວນຫນຶ່ງ,ການເຂົ້າຮ່ວມການສົນທະ ນາເທື່ອນີ້ໄດ້ເຮັດໃຫ້ພວກເຮົາມີໂອກາດຮ່ວມກັບຈີນສົນທະນາກັນກ່ຽວກັບຫົວຂໍ້ສຳຄັນທີ່ສຸດແລະການທ້າທາຍທີ່ພວມປະເຊີນຢູ່ ໃນການພົວພັນລະຫວ່າງອາເມລິກາກັບຈີນ. ພ້ອມກັນນັ້ນ,ນີ້ຍັງແມ່ນຊ່ອງທາງປຶກສາຫາລືບັນຫາລະອຽດກວ່າເກົ່າທີ່ພວກເຮົາສົນໃຈນຳກັນ . "
"ບັນຫາລະອຽດກວ່າເກົ່າ"ທີ່ທ່ານຣອນ ເຄີກ ຊີ້ອອກນັ້ນກໍ່ແມ່ນການຄ້າຈີນ-ອາເມລິກາ. ມໍ່ໆນີ້,ສະມາຊິກບາງຄົນໃນວຸດທິສະພາອາເມລິກາ ພະຍາຍາມສ້າງເລື່ອງກ່ຽວກັບການຄ້າຈີນ-ອາເມລິກາຢ່າງໃຫຍ່.ວັນທີ30ມີນາປີນີ້, ສຳນັກງານຕົວແທນການຄ້າຂອງອາເມລິກາໄດ້ເຜີຍແຜ່ສະພາບປົກປ້ອງສິດຊັບສິນທາງປັນຍາແຫ່ງຊາດຂອງ 77 ປະເທດຄູ່ການຄ້າ, ແລະຈັດ11 ປະເທດເຊັ່ນ:ຈີນ,ຣັດເຊຍແລະປະເທດອື່ນໆເຂົ້າໃນບັນຊີລາຍຊື່ທີ່ຕ້ອງສຳຫຼວດຢ່າງຈິງຈັງ.ນັບແຕ່ເດືອນກຸມພາປີນີ້ເປັນຕົ້ນມາ, ສະມາຊິກບາງຄົນຂອງອຸດທິສະພາແລະນັກເສດຖະສາດຈຳນວນຫນຶ່ງອາເມລິກາໄດ້ພະຍາຍາມກໍ່ຄວາມຂັດແຍ່ງກັນດ້ານການຄ້າອາເມລິກາຈີນຮອບໃຫມ່ດ້ວຍຂໍ້ອ້າງທີ່ຈີນໄດ້ປຽບດຸນການຄ້າຕໍ່ອາເມລິກາ.ກ່ຽວກັບເລື່ອງນີ້, ທ່ານໄມໂຄ ເພັດທິສ,ນັກຄົ້ນຄວ້າລະດັບສູງຂອງມູນນິທິສັນຕິພາບສາກົນຄາເນຈຣ ເອັນດໍເມິນຄາດວ່າ, ຄວາມຂັດແຍ່ງກັນດ້ານການຄ້າລະຫວ່າງອາເມລິກາກັບຈີນຍັງຈະສືບຕໍ່ຮຸນແຮງຂຶ້ນໃນອີກບໍ່ດົນ.
ເຖິງວ່າຄວາມຂັດແຍ່ງກັນດ້ານຄ້ານລະຫວ່າງຈີນກັບອາເມລິກາອາດຈະຮຸນແຮງຂຶ້ນຕື່ມອີກກໍ່ຕາມ,ແຕ່ນັກວິເຄາະຊີ້ອອກວ່າ,ການຮ່ວມມືຍັງແມ່ນທ່າອຽງສຳຄັນ. ກ່ອນ ທ່ານແກຣີ ລ໋ອກເກ,ລັດຖະມົນຕີວ່າການກະຊວງການຄ້າອາເມລິກາທີ່ຈະນຳພາຄະນະຜູ່ແທນມາຢ້ຽມຢາມແລະເຂົ້າຮ່ວມການສົນທະນາຍຸດທະສາແລະເສດຖະກິດລະຫວ່າງຈີນກັບອາເມລິກາຮອບທີສອງຈະມາຢ້ຽມຢາມຈີນ,ທ່ານກ່າວວ່າ,ການສຳຫຼວດຜະລິດຕະພັນທີ່ຈີນສົ່ງອອກບໍ່ແມ່ນກະແສຫຼັກໃນການຄ້າອາເມລິກາ-ຈີນ.
"ພວກເຮົາໄດ້ແລກປ່ຽນກັບເຈົ້າໜ້າທີ່ຈີນກ່ຽວກັບເລື່ອງນີ້, ພວກເຮົາໄດ້ສະແດງໃຫ້ເຫັນວ່າບໍ່ແມ່ນລັດຖະບານອາເມລິກາສະເໜີວ່າຈະສຳຫຼວດຄະດີການຄ້າເຫຼົ່ານີ້. ນີ້ບໍ່ແມ່ນນະໂຍບາຍຂອງອາເມລິກາ, ຫາກແມ່ນບໍລິສັດອາເມລິກາຈຳນວນໜຶ່ງສະເໜີອອກມາ, ມັນບໍ່ພຽງແຕ່ແນໃສ່ຈີນເທົ່ານັ້ນ, ຂໍ້ຂັດແຍ່ງປະເພດນີ້ຍັງກ່ຽວພັນເຖິງຫຼາຍປະເທດ. ສິ່ງທີ່ຂ້າພະເຈົ້າຢາກກ່າວຢ້ຳຄື, ໃນສິນຄ້າຈີນທີ່ອາເມລິການຳເຂົ້ານັ້ນມີບໍ່ຮອດ 3% ກ່ຽວພັນເຖິງຂໍ້ຂັດແຍ່ງ."
ທ່ານອານເບີດ ເກເດວ, ຜູ້ຊ່ຽວຊານຊົງຄຸນວຸດທິຂອງສະພາອັດລັງຕິກເຫັນວ່າ, ການໂຍນໜ້າທີ່ຮັບຜິດຊອບທີ່ການຄ້າອາເມລິກາຂາດດຸນມາໃສ່ຈີນແມ່ນບໍ່ເໝາະສົມແລະບໍ່ສະຫຼາດເລີຍ, ທ່ານເກເດວເຫັນວ່າ, ອາເມລິກາຈີນແມ່ນຄູ່ການຄ້າໃຫຍ່ອັນດັບທີ 2 ຂອງກັນແລະກັນ, ຖ້າວ່າເກີດສົງຄາມການຄ້າເຮັດໃຫ້ສອງປະເທດໄດ້ຮັບຄວາມເສຍຫາຍ, ແລະອາດຈະພາໃຫ້ເສດຖະກິດໂລກຊຸດໂຊມອີກຮອບໃໝ່. ເຈົ້າໜ້າທີ່ສອງປະເທດໄດ້ສົ່ງສັນຍານທີ່ດີຈຳນວນໜຶ່ງກ່ອນການສົນທະນາຍຸດທະສາດແລະເສດຖະກິດລະຫວ່າງຈີນກັບອາເມລິກາຮອບທີສອງ, ສະນັ້ນ, ອາເມລິກາຈີນຫຼຸດຂໍ້ຂັດແຍ່ງກັນ, ຊອກຫາຮູບແບບທີ່ຕ່າງຝ່າຍຕ່າງມີຜົນປະໂຫຍດຈິ່ງແມ່ນວິທີແກ້ໄຂທີ່ດີທີ່ຈະຊຸກຍູ້ການຄ້າລະຫວ່າງສອງຝ່າຍ.
