ການເຈລະຈາຍຸດທະສາດແລະເສດຖະກິດລະຫວ່າງຈີນກັບອາເມລິກາຮອບທີ 2 ທີ່ດຳເນີນຢູ່ປັກກິ່ງເປັນເວລາ 2 ວັນໄດ້ສິ້ນສຸດລົງໃນຕອນກາງຄືນວັນທີ 25 ພຶດສະພານີ້ດ້ວຍຜົນສຳເລັດອັນຈົດງາມ. ສອງຝ່າຍໄດ້ດຳເນີນການປຶກສາຫາລືຢ່າງຈິງໃຈແລະຖືກກັບຕົວຈິງກ່ຽວກັບບັນຫາທີ່ມີລັກສະນະຮອບດ້ານ, ຍຸດທະສາດແລະໄລຍະຍາວທີ່ ສົນໃຈຮ່ວມກັນ, ໄດ້ລົງນາມໃນເອກະສານຮ່ວມມືຫຼາຍສະບັບ, ແລະໄດ້ຮັບຜົນໃນການຮ່ວມມືຈຳນວນໜຶ່ງ.
ຈີນອາເມລິກາກ່າວວ່າ, ຫວັງຢາກສົ່ງສັນຍານໃຫ້ໂລກເຫັນວ່າສອງປະເທດມີຄວາມໝັ້ນໃຈອັນເດັດດ່ຽວໃນການຮ່ວມມືກັນຮັບມືສິ່ງທ້າທາຍແລະຊຸກຍູ້ສ້າງສາການພົວພັນຮ່ວມມືຢ່າງຮອບດ້ານທີ່ດີໃນສະຕະວັດທີ 21. ຕໍ່ໄປເຊີນຟັງລາຍງານລະອຽດ:ຕອນກາງຄືນວັນທີ 25 ພຶດສະພານີ້, ຈີນອາເມລິກາໄດ້ລົງນາມໃນເອກະສານຮ່ວມມື 7 ສະບັບທີ່ສະແດງໃຫ້ເຫັນໝາກຜົນທີ່ດີຂອງການເຈລະຈາ. ທ່ານຫວາງສີຊ່ານ, ຮອງນາຍົກລັດຖະມົນຕີຈີນ ແລະເປັນຜູ້ຕາງໜ້າພິເສດຂອງທ່ານຫູຈີນທ່າວ, ປະທານປະເທດຈີນ, ໄດ້ຕີລາຄາຢ່າງສູງຕໍ່ການເຈລະຈາເທື່ອນີ້ໃນກອງປະຊຸມຂ່າວທີ່ຈັດຂຶ້ນໃນຕອນກາງຄືນວັນທີ 25 ພຶດສະພານີ້.ໃຕ້ສະຖານະການທີ່ສັບສົນໃນປັດຈຸບັນ, ສອງຝ່າຍໄດ້ລົງເລິກຫາລືກັນກ່ຽວກັບສະຖານະການເສດຖະກິດໂລກ, ການຫັນປ່ຽນຮູບການພັດທະນາເສດຖະກິດ, ເພີ່ມທະວີການຮ່ວມມືດ້ານເສດຖະກິດການເງິນແລະການທະນາຄານ, ປະຕິຮູບໂຄງປະກອບປັບປຸງເສດຖະກິດທົ່ວໂລກແລະບັນຫາອື່ນໆທີ່ສົນໃຈຮ່ວມກັນ, ໄດ້ມີຄວາມຮັບຮູ້ທີ່ເປັນເອກະສັນກັນນັ້ນເພີ່ມຂຶ້ນ, ຈະມີຄວາມຫມາຍສຳຄັນຕໍ່ການໃຫ້ສອງປະເທດປັບປຸງທ່າອຽງທີ່ດີໃນດ້ານເສດຖະກິດ,ຊຸກຍູ້ໃຫ້ເສດຖະກິດທົ່ວໂລກເຕີບໂຕແບບຍືນຍົງແລະດຸ່ນດ່ຽງກັນຢ່າງແຂງແຮງ.
ໃນຖານະທີ່ເປັນຫມາກຜົນຂອງການເຈລະຈາເສດຖະກິດ, ສອງຝ່າຍໄດ້ໃຫ້ຄຳຫມັ້ນສັນຍາຈະເລັ່ງລັດຫັນປ່ຽນຮູບການພັດທະນາເສດຖະກິດ, ປັບປຸງໂຄງປະກອບເສດຖະກິດ;ຮັບປາກວ່າຈະສຸມໃສ່ການສ້າງລະບົບການຄ້າແລະການລົງທຶນທົ່ວໂລກທີ່ເປີດປະຕູກວ້າງກວ່າເກົ່າ,ຄັດຄ້ານລັດທິປົກປ້ອງການຄ້າ;ເຫັນດີເພີ່ມທະວີການແລກປ່ຽນແລະຮ່ວມມືກັນໃນຂົງເຂດການທະນາຄານ, ເສີມຂະຫຍາຍບົດບາດຂອງອົງການທະນາຄານໃນການສະຫນັບສະຫນູນອົງກອນເສດຖະກິດຕົວຈິງ;ເຫັນດີເພີ່ມທະວີບົດບາດໃນດ້ານປະຕິຮູບລະບົບການທະນາຄານສາກົນ;ສົ່ງເສີມການຮ່ວມມືແລະແລກປ່ຽນດ້ານເສດຖະກິດສອງຝ່າຍໂດຍຜ່ານກົນໄກເຈລະຈາເສດຖະກິດລະຫວ່າງພາກສ່ວນຕ່າງໆຂອງສອງປະເທດ.
ໃນການເຈລະຈາຍຸດທະສາດ,ສອງຝ່າຍໄດ້ລົງເລິກເຈລະຈາແລະທຳຄວາມເຈົ້າໃຈກັນຢ່າງເປີດໃຈກ່ຽວກັບການຊຸກຍູ້ການພົວພັນຈີນ-ອາເມລິກາໃນໄລຍະໃຫມ່,ໂຄລົບຜົນປະໂຫຍດໃຈກາງຂອງກັນແລະກັນແລະຄວາມເອົາໃຈໃສ່ທີ່ສຳຄັນ ,ເພີ່ມທະວີການຕິດຕໍ່ປະສານງານກັນໃນບັນຫາສາກົນແລະພາກພື້ນທີ່ສຳຄັນ,ຮ່ວມກັນຊຸກ ຍູ້ການປະຕິຮູບລະບົບສາກົນແລະສ້າງກົນໄກຮ່ວມມືໃນເຂດອາຊີປາຊິຟິກແລະອື່ນໆ. ໃນກອງປະຊຸມຂ່າວທີ່ຮ່ວມກັນຈັດຂຶ້ນໃນວັນທີ25ພຶດສະພານີ້,ທ່ານນາງຮິວລາຣີ ຄຼິນຕັນ, ລັດຖະມົນຕີວ່າການກະຊວງການຕ່າງປະເທດອາເມລິກາ ຜູ່ຕາງຫນ້າພິເສດຂອງທ່ານບາຣັກ ໂອບາມາ,ປະທານາທິບໍດີ ທັງ ຊີ້ອອກວ່າ, ການສ້າງແລະສົ່ງເສີມ ຄວາມໄວ້ເນື້ອເຊື່ອໃຈກັນລະຫວ່າງຈີນກັບອາເມລິກາແມ່ນສຳຄັນທີ່ສຸດຕໍ່ການຂະຫຍາຍການພົວພັນຈີນ-ອາເມລິກາຢ່າງປອດໃສແລະຫມັ້ນທ່ຽງ.ນາງກ່າວວ່າ:
"ການເຈລະຈາເທື່ອນີ້ຈະສະແດງໃຫ້ເຫັນຄຸນຄ່າຂອງປະເທດຕົນເອງ,ສ່ອງແສງໃຫ້ເຫັນຄວາມພ້ອມ,ຄວາມຕໍ່ເນື່ອງແລະຄວາມສາມາດຂອງການພົວພັນລະຫວ່າງສອງປະເທດ,ໃນສອງມື້ມໍ່ໆມານີ້, ພວກເຮົາໄດ້ປຶກສາຫາລືກັນກ່ຽວກັບການທ້າທາຍທີ່ສັບສົນຢ່າງຫຼວງຫຼາຍລະຫວ່າງສອງຝ່າຍແລະພາກພື້ນກໍຄືຂອງໂລກ. ໃນການເຈລະຈາເທື່ອນີ້, ພວກເຮົາກໍ່ໄດ້ປຶກສາຫາລືທຸກບັນຫາແລະມີຄວາມເຂົ້າໃຈກັນທີ່ດີແລະມີການຮ່ວມມືຮອບດ້ານ.ແລະຄວາມເຂົ້າໃຈນີ້ກໍ່ເຮັດໃຫ້ພວກເຮົາກ້າວສູ່ສະຕະ ວັດທີ 21. "
ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນກ່ຽວກັບສະພາບການຂອງແຫຼມເກົາຫຼີໃນປະຈຸບັນ, ສະແດງຄວາມເປັນຫ່ວງນຳການຂະຫຍາຍສະຖານະການຂອງແຫຼມເກົາຫຼີທີ່ເຄັງຕຶງຂຶ້ນ,ແລະເປັນເອກະສັນກັນວ່າ ການຮັບປະກັນໃຫ້ແຫຼມເກົາຫຼີມີຄວາມຫມັ້ນຄົງແມ່ນສຳຄັນທີ່ສຸດ.
